ქვეყანაში სასურსათო მომარაგების პრობლემა არ არის და არც მომავალში იქნება. ამის შესახებ პრემიერ-მინისტრამა, გიორგი გახარიამ მთავრობის ადმინისტრაციაში გამართულ ბრიფინგზე განაცხადა.
„მიუხედავად იმისა, რომ ბევრი ინფორმაცია დადის, რომ ევრაზიულმა კავშირმა ექსპორტი აკრძალა და ა.შ. სასურსათო მარაგებზე, განსაკუთებით იმ 9 საბაზისო სასურსათო პროდუქტზე, რომლის ჩამონათვალიც არსებობს, არანაირი რისკები ქვეყანაში არ არსებობს და მეტსაც გეტყვით, არ იარსებებს. ქვეყანაში სასურსათო მომარაგების პრობლემა არ იქნება. ჩვენ, მთავრობამ ყველაფერი უნდა გავაკეთოთ იმისთვის, რომ ჩვენს მოქალაქეებს ჰქონდეთ იმის საშუალება, რომ არ ჰქონდეთ ფინანსური შეზღუდვა, რომ ეს შეიძინონ, ეს იქნება მთავარი გამოწვევა ეკონომიკის და ჩვენი, თორემ, პროდუქტი იქნება საკმარისზე მეტი“, - განაცხადა გახარიამ.
#გიორგიგახარია
#მთავრობა
#ეკონომიკა
#სურსათი
#tbilisidaily