დიდ ბრიტანეთში გასული დღე-ღამის განმავლობაში ახალი ტიპის კორონავირუსს 36 ადამიანი ემსხვერპლა, რაც ქვეყანაში 22 მარტის შემდეგ გარდაცვალების ყოველდღიური შემთხვევების ყველაზე დაბალი მაჩვენებელია. ქვეყანაში COVID-19-ის ინფექციას სულ 41 689 ადამიანი ემსხვერპლა. ბრიტანეთში კორონავირუსის დადასტურებული შემთხვევების საერთო რიცხვი 295,889-მდე გაიზარდა. გასული 24 საათის განმავლობაში ინფექცია 1,514 ადამიანს გამოუვლინდა.

გუშინდელი მონაცემებით, მსოფლიოში კორონავირუსით ინფიცირების რეკორდული მაჩვენებელი დაფიქსირდა - 236,918 დღე-ღამის განმავლობაში მსოფლიოს ყველა ქვეყანაში. გარდაცვლილთა რიცხვი კი გუშინ 562,039 იყო. ასევე რეკორდული იყო ინფიცირების ახალ შემთხვევათა რიცხვი აშშ-ში, სადაც გუშინ 70 000-ზე მეტი ახალი შემთხვევა დაფიქსირდა. ყოველდღიურად მატულობს დიაგნოსტირებული შემთხვევები ინდოეთში, გუშინდელი მონაცემებით ახალი 27 760 შემთხვევა დაფიქსირდა. ასევე გრძელდება პანდემია ჩვენს მეზობელ ქვეყნებში: სომხეთში: 557 ახალი შემთხვევა, 11 გარდაცვლილი აზერბაიჯანში: 526 ახალი შემთხვევა, 8 გარდაცვლილი რუსეთში: 6,635 ახალი შემთხვევა, 174 გარდაცვლილი.#ახალიამბები #კორონავირუსი #სტოპcovid19 #პანდემიაTbilisi თბილისი