კორეის რესპუბლიკიდან საქართველოში „კოვიდ-19“-ის ტესტების ახალი მარაგი გამოიგზავნა. საქართველოს საგარეო საქმეთა სამინისტროს ცნობით, ამის შესახებ კორეის რესპუბლიკაში საქართველოს ელჩი, ოთარ ბერძენიშვილი „ტვიტერის“ პირად გვერდზე წერს. „ცნობილი კორეული კომპანია SD Biosensor, საქართველოს მიმართულებით COVID-19-ის ტესტების ახალ ნაკადს აგზავნის. მადლიერებას გამოვხატავთ ამ ხანგრძლივ თანამშრომლობაში ჩართული მხარეების მიმართ“, – წერს ბერძენიშვილი. საელჩოს ინფორმაციით, ტვირთი საქართველოში 5 მაისს ჩამოვა. საგარეო უწყების ცნობით, საქართველოს ოკუპირებული ტერიტორიებიდან დევნილთა, შრომის, ჯანმრთელობის დაცვისა და სოციალურ საკითხთა სამინისტროს, საქართველოს საგარეო საქმეთა სამინისტროსა და კორეის რესპუბლიკაში საქართველოს საელჩოს ერთობლივი ძალისხმევით კორეულ მხარესთან აქტიური თანამშრომლობითა და კორეის მთავრობის ხელშეწყობით კორეული კომპანია – SD Biosensor, Inc. საქართველოში „კოვიდ-19“-ის ანტიგენის აღმოჩენის ტესტების ექსპორტს ახორციელებს. აღნიშნულ ფაქტს, „ტვიტერის“ პირადი გვერდის საშუალებით ასევე გამოეხმაურა საქართველოს საგარეო საქმეთა მინისტრი, დავით ზალკალიანი და კორეის რესპუბლიკის მთავრობას კორონავირუსის გავრცელების პერიოდში მხარდაჭერისთვის მადლობა გადაუხადა. საგარეო უწყებაში ასევე აღნიშნავენ, რომ საზღვარგარეთ საქართველოს დიპლომატიური წარმომადგენლობები უწყებათაშორისი საკოორდინაციო საბჭოს მითითებით, საქართველოს გარემოს დაცვისა და სოფლის მეურნეობის მინისტრის ლევან დავითაშვილის კოორდინაციით და საქართველოს ოკუპირებული ტერიტორიებიდან დევნილთა, შრომის, ჯანმრთელობის და სოციალურ საკითხთა სამინისტროსთან მჭიდრო თანამშრომლობით განაგრძობენ ადგილსამყოფელ ქვეყნებთან სამედიცინო ნედლეულის მოპოვების მიზნით აქტიურ მუშაობას.

თბილისის ანძა იტალიისადმი სოლიდარობის ნიშნად ამ ქვეყნის დროშის ფერებში განათდა. იტალიაში კორონავირუსთან დაკავშირებით კვლავ მძიმე ვითარებაა. ჯანდაცვის მსოფლიო ორგანიზაციის მონაცემებით, იტალიაში სულ კორონავირუსით ინფიცირების 53 578 შემთხვევა დაფიქსირდა. დაღუპულია 4 827 ადამიანი.#italy #tbilisi #georgia #stopcovid19

კორონავირუსთან ბრძოლაში იტალიის მხარდასაჭერად, თბილისის ანძა და დედაქალაქის საკრებულოს შენობა იტალიის დროშის ფერებში განათდა. საქართველო თქვენ გვერდით არის! ჩვენ გვჯერა იტალიის გამარჯვების! - ეს არის გზავნილი, რომელსაც ქართველი ხალხი მეგობარ იტალიას უგზავნის. იტალიაში კორონავირუსთან დაკავშირებით კვლავ მძიმე ვითარებაა. ბოლო მონაცემებით, იტალიაში სულ კორონავირუსით ინფიცირების 63 927 შემთხვევა დაფიქსირდა. დაღუპულია 6 078 ადამიანი.

კორონავირუსთან ბრძოლაში იტალიის მხარდასაჭერად, თბილისის ანძა და დედაქალაქის საკრებულოს შენობა იტალიის დროშის ფერებში განათდა. საქართველო თქვენ გვერდით არის! ჩვენ გვჯერა იტალიის გამარჯვების! – ეს არის გზავნილი, რომელსაც ქართველი ხალხი მეგობარ იტალიას უგზავნის. ბოლო მონაცემებით, იტალიაში კორონავიურუსით გარდაცვლილთა რაოდენობა 5476-ს აჭარბებს.

იტალიის დროშის ფერებში განათებული დადიანების სასახლე. მსოფლიოში კორონავირუსისგან შექმნილი ვითარებიდან გამომდინარე, საქართველო СOVID-19 თან მებრძოლი ქვეყნებისთვის სოლიდარობის გამოცხადებას განაგრძობს. ამჯერად კი სოლიდარობის გამოცხადების მიზნით, სამეგრელოში, კერძოდ ზუგდიდში, დადიანების სასახლე იტალიის დროშის ფერებში განათდა. ზუგდიდის მერის მოადგილე კონსტანტინე კაკავა ამასთან დაკავშირებით სოციალურ ქსელში წერს : "დღეს ერები ერთმანეთის მიმართ განსაკუთრებით სოლიდარულები არიან! მსოფლიოში სხვადასხვა ერისა თუ აღმსარებლობის, პროფესიისა და სოციალური სტატუსის მქონე ადამიანები გაერთიანებულები არიან COVID-19-ის წინააღმდეგ ბრძოლაში! ზუგდიდს იტალიის ქალაქ კასოლა დი ნაპოლისთან მეგობრობა აკავშირებს! მათ სიმბოლური მხარდაჭერა გამოვუცხადეთ! ერთად აუცილებლად დავამარცხებთ უხილავ მტერს!"#ზუგდიდი #სამეგრელოზემოსვანეთი #სოლიდარობა #იტალია #საქართველო #კორონავირუსი #zugdididaily

ევროკავშირი საქართველოს კორონავირუსის წინააღმდეგ ბრძოლისთვის 90 მილიონს ევროს გამოუყოფს. „რთული დრო უდგას არა მხოლოდ ევროკავშირს, არამედ ჩვენს პარტნიორ ქვეყნებსაც, მათ შორის საქართველოს. ჩვენ ყველაფერი უნდა გავაკეთოთ იმ ნეგატიური გავლენის შესამცირებლად, რომელსაც ვირუსი იქონიებს ადამიანთა სიცოცხლესა და ცხოვრებაზე“ – განაცხადა ევროკომისარმა, ოლივერ ვარჰეიმ. საგარეო საქმეთა მინისტრის, დავით ზალკალიანის თქმით, ევროკავშირის მიერ გამოყოფილი თანხა საქართველოს ჯანდაცვის სისტემის გაძლიერებასა და კორონავირუსის მიერ მოყენებული სოციალურ-ეკონომიკური ზიანის აღმოფხვრას მოხმარდება. ,,მადლობას ვუხდით ევროკავშირს დახმარების ახალი პაკეტის, კერძოდ, 20 მილიონ ევროზე მეტი თანხის გამოყოფისთვის, რომელიც ჩვენი ჯანდაცვის სისტემაზე პანდემიის ზემოქმედების შერბილებას, ასევე სამედიცინო აპარატურის შესყიდვას მოხმარდება, ხოლო დაახლოებით 70 მილიონ ევროზე მეტი თანხა გადამისამართდება სოციალ-ეკონომიკური შედეგების აღმოსაფრხველად“, – წერს დავით ზალკალიანი.#ევროკავშირი #კორინავირუსი #საქართველო #დავითზალკალიანი #tbilisidaily

„მადლობას ვუხდი ჩვენს ამერიკელ მეგობრებსა და პარტნიორებს საქართველოში დემოკრატიის კონსოლიდაციის მხარდაჭერისა და ამ პროცესში ჩართულობისთვის“ - ასე ეხმიანება საგარეო საქმეთა მინისტრი დავით ზალკალიანი აშშ-ის სახელმწიფო მდივნის მაიკ პომპეოს კომენტარს, რომელიც მან საქართველოს პარლამენტის მიერ საკონსტიტუციო ცვლილებების დამტკიცებასთან დაკავშირებით გააკეთა. ზალკალიანის თქმით, საქართველოსა და ამერიკის შეერთებულ შტატებს შორის სტრატეგიული პარტნიორობა არასდროს ყოფილა ისეთი ძლიერი, როგორიც დღეს არის. „ერთობლივი მუშაობით, ჩვენ კიდევ უფრო გავაღრმავებთ იმ მჭიდრო თანამშრომლობას, რომელიც ჩვენს ქვეყნებს შორის ყველა პრიორიტეტულ სფეროში არსებობს“ - წერს ზალკალიანი ტვიტერის გვერდზე. ამერიკის შეერთებული შტატების სახელმწიფო მდივანმა მაიკ პომპეომ საქართველოსთან დაკავშირებით დღეს კომენტარი გააკეთა და მიესალმა საკონსტიტუციო ცვლილებების დამტკიცებას.

კორონავირუსთან ბრძოლისთვის ევროკავშირი საქართველოსთვის 90 მილიონ ევროს გამოყოფს. როგორც საგარეო საქმეთა მინისტრი ამბობს, თანხა კორონავირუსის გავლენის შემცირებასა და სოციალურ-ეკონომიკური შედეგების გამოსწორებას მოხმარდება. საგარეო საქმეთა მინისტრი დავით ზალკალიანი ევროკავშირის ამ გადაწყვეტილებას თვითერზე გამოეხმაურა და მადლობა გადაუხადა მათ. "ჩვენ უაღრესად ვაფასებთ ევროკავშირის მხრიდან გამოჩენილ სოლიდარობასა და დახმარებას საქართველოსთვის Covid 19 - თან ბრძოლაში. მადლობას ვუხდით ევროკავშირს, 20€ მილიონზე მეტი თანხის გამოყოფისთვის, რომელიც ჩვენს ქვეყანაში კორონავირუსის გავლენის შემცირებასა და სამედიცინო აპარატურების შესყიდვას მოხმარდება, ხოლო €70 მილიონზე მეტი სოციალურ-ეკონომიკური შედეგების აღმოსაფხვრელად გადამისამართდება," - წერს ზალკალიანი.#ევროკავშირი#საქართველო Tbilisi