5 votes
0 comments
1 shares
Save
კორონავირუსის გავრცელების მიუხედავად პოლონეთი ეკონომიკურ შეზღუდვებს ამცირებს
870 views
Headline
Tbilisi · 2 months ago

პოლონეთის ხელისუფლება ქვეყნის ტერიტორიაზე კორონავირუსის გავრცელების გამო დაწესებული შეზღუდვების მოხსნას მიმდინარე კვირას გეგმავს. აღნიშნულის შესახებ ინფორმაციას სააგენტო Reuters ადგილობრივ ხელისუფლებაზე დაყრდნობით ავრცელებს.

მმართველი პარტია „კანონი და სამართალის“ (PiS) მიერ გაკეთებული განცხადებით, პანდემიური მდგომარეობა ეკონომიკაზე მნიშვნელოვან უარყოფით ზეგავლენას ახდენს და საზოგადოებრივი ცხოვრების შეზღუდვა ქვეყანას ყოველდღიურად 10 მლრდ. ზლოტამდე (დაახლოებით $2,42 მლრდ.) შემოსავალს აკარგვინებს.

რამდენიმე ევროპულმა სახელმწიფომ, მათ შორის ჩეხეთის რესპუბლიკამ, უკვე დაიწყო ეკონომიკური შეზღუდვების შერბილება, იქიდან გამომდინარე, რომ კორონავირუსით ინფიცირების შემთხვევები თანდათანობით შენელდა.

პოლონეთში ვირუსით ინფიცირების ახალი შემთხვევები ზრდის ტემპი არ შეცვლილა. სამშაბათის, 14 აპრილის მდგომარეობით, პოლონეთში კორონავირუსით ინფიცირებულთა რაოდენობა 7000 ადამიანს აჭარბებს, ხოლო დაღუპულთა რიცხხი 250-ზე მეტია.

„ჩვენ თანდათანობით ვიწყებთ ეკონომიკის ამუშავებას, რაც უკვე კარგი სიახლეა“, - განაცხადა ქვეყნის ჯანდაცვის მინისტრმა ლუკაშ შუმოვსკიმ.

შეზღუდვების შერბილების მიუხედავად, ყველა პოლონელი ვალდებულია საზოგადოებრივი თავშეყრის ადგილებში სამედიცინო ნიღაბი ატაროს.

დამატებით, პოლონეთის ტერიტორიაზე საჯარო სკოლები 26 აპრილამდეა დახურული, ხოლო სამეწარმეო საქმიანობა 19 აპრილამდე არის აკრძალული. რაც შეეხება საზღვრებს, ის 3 მაისამდე არის დაკეტილი.

წყარო: Reuters

#Coronavirus #Poland #Economy #Headline
Headline
Tbilisi · 2 months ago
Similar Posts
Headline
Tbilisi, Georgia · 2 months ago
BBC: ევროპის ქვეყნებში საკარანტინო რეჟიმი თანდათანობით მსუბუქდება
ჯონ ჰოფკინსის სახელობის ამერიკული უნივერსიტეტის მონაცემებით,, მსოფლიო მასშტაბით, კორონავირუსით ინფიცირებულთა საერთო რაოდენობა 2,5 მლნ. ადამიანს შეადგენს. უნივერისტეტმა 1 მლნ. ადამიანის ინფიცირების შესახებ ინფორმაცია 2 აპრილისთვის გამოაქვეყნა, ხოლო 2 მლნ-ის თაობაზე კი გასულ კვირას. დაავადებულთა ყველაზე მეტი რაოდენობა ჯერჯერობით აშშ-ს, ესპანეთსა და იტალიას ჰყავს. დიდი ბრიტანეთის ხელისუფლებაში კორონავირუსით ინფიცირების პიკის მეორე ეტაპს და აღნიშნულით გამოწვეულ ეკონომიკურ პრობლემებს უფრთხიან. აღნიშნულიდან გამომდინარე, აღმასრულებელი მთავრობა საკარანტინო ზომების ეტაპობრივ შესუსტებას გეგმავს. ორშაბათიდან, ადგილობრივმა მთავრობამ იმ დასაქმებულთა სპეციალური განაცხადების მიღება დაიწყო, რომლებიც პანდემიური მდგომარეობის გამო ვერ ასრულებენ დაკისრებულ მოვალეობებს და შესაბამისად ხელფასის 80%-ს ხელისუფლება აუნაზღაურებს მათ (თვეში არაუმეტეს 2500 ფუნტი). ამ ტიპის ადამიანების რაოდენობა შესაძლოა რამდენიმე მილიონს შეადგენდეს. გერმანიაში, მაღაზიების გარკვეული რაოდენობა ჩვეულ სამუშაო რეჟიმს დაუბრუნდა, ხოლო დანიასა და ავსტრიაში დაიწყეს მეორადი საჭიროების მარკეტების გახსნა. 20 აპრილიდან გერმანიის ტერიტორიაზე წიგნების, ყვავილებისა და ტანსაცმლის მაღაზიები, ავტოსალონები, ასევე 800 კვ.მ-ზე მცირე ზომის სავაჭრო ობიექტები გაიხსნა. გერმანიის ხელისუფლებაში ფიქრობენ, რომ ქვეყნის ტერიტორიაზე კორონავირუსით ინფიცირების შემთხვევები კლებისკენ მიდის, მაგრამ სოციალურ დისტანცირებასთან დაკავშირებული შეზღუდვების კვლავ მოქმედება აუცილებელია. შესაბამისად, რეკომენდაციები გაიცემა სამედიცინო ნიღბის ტარებაზე. ნორვეგიაში, 1 თვიანი შესვენების შემდეგ კვლავ გაისხსნა საბავშვო ბაღები, ხოლო სკოლის მოსწავლეებისთვის სასწავლო პროცესი, ისევე როგორც მეზობელ დანიაში, არც ამ ქვეყანაში განახლებულა ჯერჯერობით. ნორვეგიის ხელისუფლება კვირის ბოლოდან გახსნის ე.წ. სილამაზისა და ტატუს სალონებს. საკარანტინო რეჟიმი მცირდება პოლონეთშიც, სადაც ადგილობრივმა ხელისუფლებამ მოქალაქეებს პარკებსა და სარეკრეაციო ზონებში გასვლის ნება დართო. ჩეხეთში ჯერ კიდევ წინა კვირას გაიხსნა არასასურსათო მაღაზიები, ხოლო 20 აპრილიდან უკვე საფერმერო ბაზრებმა და ავტოსალონებმა დაიწყეს ფუნქციონირება. ორშაბათს ადგილობრივმა ხელისუფლებამ ახალი, წლიური ბიუჯეტი დაამტიცა, რომლის დეფიციტი დაახლოებით $12 მლრდ-ია. ლატვიის კლინიკებში კვლავ დაიწყეს გეგმიური სამედიცინო (მათ შორის სტომატოლოგიური) მომსახურების გაწევა. აქვე, სამედიცინო დაწესებულებებმა უნდა დაიცვან სიფრთხის განსაკუთრებული ზომები, მათ შორის პალატაში პაციენტთა გარკვეული დისტანცია. რაც შეეხება საგანგებო მდგომარეობას, ლატვიის ტერიტორიაზე ის 12 მაისამდე არის შემოღებული და ჯერჯერობით დახურულია საგანმანათლებლო დაწესებულებები. მოსახლეობის უმრავლესობა შინიდან მუშაობს და საზოგადოებისთვის მოქმედებს სოციალური დისტანცირების განსაზღვრული წესები. მომზადებულია რატი ერისთავის მიერ. წყარო: Coronavirus in the world: Europe weakens quarantine (20.04.2020),#coronavirus #Europe #economy #quarantine #headline #covid19
Tbilisi Daily
Tbilisi, Georgia · 2 months ago
თუ ასეულები არ იქნება და იქნება ათეულები, ადვილად გადავლახავთ - მარინა ეზუგბაია
თუ ყოველდღიურად კორონავირუსის ასეული შემთხვევა არ დაფიქსირდება და იქნება ათეულები, ამ პრობლემას შედარებით ადვილად გადავლახავთ. ამის შესახებ, თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განცხადა. ეზუგბაიამ ჟურნალისტებთან საუბრისას ასევე აღნიშნა, რომ დღეს საღამოს ისინი კიდევ 10 პაციენტის პასუხს ელოდებიან. „შიდა გავრცელების ეტაპზე ჩვენ უკვე გადასულები ვართ. დღეს არის პირველი დღე, როცა ტესტირების შედეგად 30 ინფიცირებული შემოგვემატა. მე ვიმედოვნებ, რომ ხვალ და ზეგ ეს მაჩვენებელი 30-ზე მეტი არ იქნება. საერთოდ შემიძლია ვთქვა, რომ, რა თქმა უნდა, მოსალოდნელია დაავადების მატება, მაგრამ თუ ეს ასე გაგრძელდება, ასეულები არ იქნება და იქნება ათეულები, ამ პრობლემას, ალბათ, ადვილად გადავლახავთ. ამისთვის აუცილებელია დავრჩეთ სახლში“,- განაცხადა მარინა ეზუგბაიამ.#მარინაეზუგბაია #კორონავირუსი #პანდემია #დარჩისახლში #tbilisidaily
Headline
Tbilisi, Georgia · 2 months ago
ასობით ათასი ადამიანი უბრუნდება სამუშაოს ესპანეთში
300,000 მუშაკი სამუშაო ადგილს დაუბრუნდება. მადრიდის რეგიონში ორშაბათიდან ქვეყანა დაიწყებს ნაწილობრივ შეზღუდვების გაუქმებას, რომელიც მიმართული იყო კოროვირუსის გავრცელების შემცირებისათვის, - განუცხადა მადრიდის რეგიონალური მთავრობის სპიკერმა ესპანელებს. უკვე მეორე თვეა ესპანეთი ჩაკეტილია. გარკვეული შეზღუდვები შემსუბუქდა. ვინც სახლიდან ვერ იმუშავებს, მაგალითად სამშენებლო და საწარმოო ინდუსტრიებში, დაბრუნების შესაძლებლობა ექნებათ. ამასთან, მაღაზიები, ბარები და რესტორნები და სხვა ბიზნესები, რომლებიც სასიცოცხლო მნიშვნელობის არ არის დახურულია. ჯონ ჰოპკინსის უნივერსიტეტის მონაცემებით, ესპანეთი კოროვირუსული პანდემიის შედეგად ყველაზე დაზარალებული ერთ-ერთი ქვეყანაა, სადაც დადასტურებულია 169,000-ზე მეტი შემთხვევა - ყველაზე მაღალი ევროპაში და მეორე ადგილზე ამერიკის შეერთებული შტატები მსოფლიოს მასშტაბით. ახლა ქვეყანამ აღრიცხა 17,400-ზე მეტი დაღუპული. ორშაბათს, სიკვდილიანობის ყველაზე დაბალი მაჩვენებელი დაფიქსირდა სამი კვირის განმავლობაში: ბოლო 24 საათის განმავლობაში 517 ადამიანი დაიღუპა. მაგრამ პრემიერ-მინისტრმა, პედრო სანჩესმა გააფრთხილა მოსახლეობა, რომ ერის ნორმალურ ცხოვრებაზე დაბრუნება "პროგრესული იქნება", ხაზგასმით აღნიშნა, რომ ნორმალური აქტივობის აღდგენა მოხდება ფაზებში და ამასთან ახლავს საკმაოდ რთული პროცესები. ”ჩვენ არც კი ვიცით რა ტიპის ნორმალობას ვუბრუნდებით”, - თქვა მან გასულ კვირას. შაბათ-კვირას მთავრობამ გამოაცხადა, რომ პოლიცია დაიწყებს მეტრო სადგურებსა და სხვა სატრანსპორტო კვანძებში 10 მილიონი დამცავი ნიღბის გადაცემას, ხოლო იმეორებს მითითებებს სოციალური დისტანციისა და რეგულარული რეცხვის შესახებ. ესპანეთის ცენტრალურმა მთავრობამ გაავრცელა ერთი მილიონი კორონავირუსის ტესტირების ნაკრები ქვეყნის მასშტაბით, ხოლო კიდევ ხუთი მილიონი გაიგზავნება უახლოეს დღეებსა და კვირებში. წყარო - Spanish CNN #Spanishcnn #headline #coronavirus #covid19
Headline
Tbilisi, Georgia · 3 months ago
ჩინეთში კორონავირუსის ახალი შემთხვევები ფიქსირდება
ჩინეთში 1 დღეში COVID-19- ის 108 ახალი შემთხვევა გამოვლინდა ჩინეთში 1 დღეში COVID-19- ის 108 ახალი შემთხვევა გამოვლინდა. ინფიცირებულთა ასეთი მაღალი მაჩვენებელი ქვეყანაში ერთი თვეა არ დაფიქისირებულა. ოფიციალური ინფორმაციით ყველა შემთხვევა იმპორტირებულია. გლობალურმა პანდემიამ 114,000-ზე მეტი ადამიანი იმსხვერპლა. ამჟამად ყველაზე რთული ვითარებაა შეერებულ შტატებში, სადაც ნახევარ მილიონზე მეტი ინფიცირებული და 22 000-ზე მეტი გარდაცვლილია. რთული ვითარებაა იტალიასა და ესპანეთშიც. საფრანგეთში კი ვირუსის გავრცელების ტემპი იკლებს. წყარო - BBC#pandemic #covid19 #coronavirus #headline
Headline
Tbilisi, Georgia · 3 months ago
ამერიკის შეერთებულ შტატებში შესაძლოა მაისიდან ყველაფერი განახლდეს
ამერიკის შეერთებულ შტატებში მაისიდან შესაძლოა ნაწილობრივ აღდგეს ცხოვრების ძველებური სტილი. ამის შესახებ აშშ-ს ალერგიის და ინფექციური დაავადებების ეროვნული ინსტიტუტის დირექტორმა, ენტონი ფაუჩიმ განაცხადა. ენტონი ფაუჩის თქმით, ცხოვრების ძველ სტილს სწრაფად ვერ დაუბრუნდებიან, მაგრამ ნაწილობრივ შესაძლოა აღდგეს მუშაობა სხვადასხვა ორგანიზაციებისთვის. „ეს დამოკიდებული იქნება იმაზე, ქვეყნის რომელ ნაწილში იმყოფებით, აფეთქების ხასიათზე, რომელსაც თქვენ უკვე შეეჯახეთ და აფეთქების საფრთხეზე, რომელიც არ გამოგიცდიათ“, – აღნიშნა ფაუჩიმ. წყარო - BBC#USA #headline #covid19 #coronavirus
Tbilisi Daily
Tbilisi, Georgia · 2 months ago
სამწუხაროდ, ბოლო სამი დღის განმავლობაში, ორჯერ გვქონდა ე.წ. ნახტომი - ამირან გამყრელიძე
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველოში კორონავირუსის გავრცელების კუთხით მდგომარეობა საგანგაშოა, ვინაიდან ბოლო სამ დღეში უკვე ორჯერ დაფიქსირდა ე.წ ნახტომისებური გავრცელება. გამყრელიძის ინფორმაციით, საქართველოში სიკვდილიანობის მაჩვენებელი ამ ეტაპზე დაბალია და ის 0,9%-ს შეადგენს. ,,სამწუხაროდ, ბოლო სამი დღის განმავლობაში, ორჯერ გვქონდა ე.წ. ნახტომი, როცა 30-30 შემთხვევა გვქონდა, რაც უკვე ძალიან დამაფიქრებელი და საგანგაშოა. ეს მიუთითებს იმას, რომ შიდა გავრცელება ქვეყანაში სერიოზულად იკიდებს ფეხს და ეს არის სწორედ ფართომასშტაბიან ეპიდემიაში შესვლისას განგაშის საფუძველი“, - განაცხადა გამყრელიძემ.#შიდაგადაცემა #ამირანგამყრელიძე #ეპიდემია #კორონავირუსი #tbilisidaily
Headline
Tbilisi, Georgia · 3 months ago
რომის პაპი ხალხს გაჭირვებულების დაცვისკენ მოუწოდებს
„ღმერთი ყოველთვის გაპატიებს, ადამიანებიც ხანდახან გაპატიებენ, მაგრამ ბუნება არასდროს გაპატიებს“-რომის პაპი საზოგადოებას შეჭირვებულების დაცვისკენ მოუწოდებს ესპანურში ასეთი გამოთქმა არსებობს, „ღმერთი ყოველთვის გაპატიებს, ადამიანებიც ხანდახან გაპატიებენ, მაგრამ ბუნება არასდროს გაპატიებს“, - ამის შესახებ რომის პაპმა, ფრანსისკემ The Tablet-თან ინტერვიუში კორონავირუსის პანდემიაზე საუბრის დროს განაცხადა. „ჩვენ პასუხი არ გავეცით იმ კატასტროფებზე, რომელიც მოხდა. ვინმე საუბრობს ავსტრალიის ხანძრებზე? ვინმეს ახსოვს, რომ ნავმა შესაძლოა ჩრდილოეთ პოლუსი გადალახოს, რადგან იქ ყინული დნება? ვინ საუბრობს ახლა წყალდიდობებზე? არ ვიცი, ეს შურისძიებაა თუ არა, მაგრამ ეს ბუნების პასუხია“,-აღნიშნა პაპმა. მისივე თქმით, ეს კრიზისი ყველას შეეხო და ახლა ერთობის დროა. „ეს კრიზისი ჩვენ ყველას შეგვეხო, მდიდრებსა და ღარიბებს. ჩვენ ან ვიქნებით თანმიმდევრულნი ჩვენს მრწამსში, ან ყველაფერს დავკარგავთ. ეს ის მომენტია, როცა ღარიბები უნდა დავინახოთ. უფალმა თქვა, ის, ვინც ღარიბებს მუდამ დაეხმარება, ის მართალ იქნება. ისინი ჩვენი რეალობის ნაწილნი არიან და ამას ვერ უარვყოფთ. მაგრამ, ღარიბებს თითქოს ვერ ვხედავთ. იცით, ახლახანს რომის შუაგულში პოლიციელმა უთხრა კაცს, აქ რატომ ხარ, წადი სახლში და მან უპასუხა, მე სახლი არ მაქვს, ქუჩაში ვცხოვრობ... ღარიბთა დანახვა ნიშნავს, რომ მათი ადამიანური ცხოვრება აღადგინო. ისინი ნივთები არ არიან, ისინი ნაგავი არ არიან, ისინი ადამიანები არიან. ჩვენ მათ ხშირად ისე ვექცევით, როგორც გადარჩენილ ცხოველებს. არ შეიძლება მარტო ნაწილობრივი კეთილდღეობის პოლიტიკა გქონდეს. ახლა სწორედ ის დროა, რომ მათთვის მიწის ქვეშ ჩახვიდე“, - განაცხადა პაპმა.#იტალია #covid19 #რომისპაპი #headline
Headline
Tbilisi, Georgia · 2 months ago
BBC: რიგი ქვეყნები ეტაპობრივად ამცირებენ დაწესებულ შეზღუდვებს
მსოფლიოში კორონავირუსით ინფიცირებულთა საერთო რაოდენობამ თითქმის 3 მლნ-ს მიაღწია, ხოლო გარდაცვლილთა რაოდენობა 200 000 ადამიანზე მეტია. დაავადებულთა ყველაზე დიდი რაოდენობა - თითქმის 1 მლნ. ადამიანი, შეერთებულ შტატებშია რეგისტრირებული. ამავდროულად, ევროპის ქვეყნებში სულ უფრო მცირდება COVID-19-ით გამოწვეული ფატალური შემთხვევების რაოდენობა და ამის ფონზე, ზოგიერთი სახელმწიფო საკარანტინო ზომების შემსუბუქებას იწყებს. აშშ-ის არაერთი ცალკეული შტატიც, დაწესებული შეზღუდვების ეტაპობრივ მოხსნას აპირებს. იტალიაში, სადაც მსოფლიო მასშტაბით კორონავირუსით გარდაცვალების ყველაზე მეტი - 26 000-ზე მეტი შემთხვევა დაფიქსირდა, 4 მაისიდან, არსებული მკაცრი ზომების შემსუბუქება იწყება. ბარებსა და რესტორნებს ე.წ. takeaway საკვების გაყიდვის შესაძლებლობა ექნებათ. ამ ეტაპზე მხოლოდ საკურიერო მომსახურება მოქმედებს. გარდა ამისა, იტალიის მოქალაქეებს, მხოლოდ ცალკეული პროვინციის ქალაქიდან ქალაქში გადაადგილების საშუალება ექნებათ. ექნებათ ახლობლების მონახულების, ასევე დაკრძალვების ორგანიზების უფლება, მხოლოდ იმ პირობით, რომ ერთდროულად შეიკრიბება არაუმეტეს 15 ადამიანი. ესპანეთში გასულ შაბათ-კვირას მიეცათ ბავშვებს ქუჩაში პირველად გასვლის უფლება. ხოლო საფრანგეთში საკარანტინო ზომების შემსუბუქება 11 მაისიდან დაიწყება. აშშ-ის ზოგიერთმა შტატმა 1 თვის წინ დაწესებული შეზღუდვების ეტაპობრივი მოხსნა დაიწყო, იმის მიუხედავად, რომ ამ ქვეყნის ტერიტორიაზე კორონავირუსით გარდაცვალების ყველაზე მეტი, 55 000 შემთხვევაა დაფიქსირებული. ბოლო ინფორმაციით, რუსეთში ვირუსით დაინფიცირების უკვე 87 147 შემთხვევაა დაფიქსირებული. არსებული მოცემულობით, რუსეთმა COVID-19-ით დაავადებულთა საერთო რაოდენობით უკვე ჩინეთს გაასწრო. აქვე აღსანიშნავია, რომ ქვეყნის თავდაცვის სამინისტრომ პირველად აღიარა სამხედრო ნაწილებში კორონავირუსის ფართომასშტაბიანი გავრცელების შემთხვევები. რუსეთის მასშტაბით 900-მდე სამხედრო მოსამსახურეა დაავადებული. ორთვიანი პაუზის შემდეგ ჩინეთის ქალაქებში - პეკინსა და შანხაიში გაიხსნა საჯარო სკოლები. ოფიციალური მონაცემებით, ამ ქვეყნის ტერიტორიაზე COVID-19-ის ახალი შემთხვევების რიცხი სწრაფად მცირდება. საზოგადოებრივი თავშეყრის ადგილებში ახალ ირეგულაციები მოქმედებს, რომლის მიხედვით, პიროვნება, რომელიც დახველების ან დაცემინების დროს „პირზე ხელზე არ მიიფარებს“ და ამავდროულად პირბადეს არ ატარებს, დაჯარიმდება. სამხრეთ კორეა თანდათანობით უბრუნდება ცხოვრების ნორმალურ რეჟიმს. გაიხსნა ეკლესიები და მოსახლეობას პირბადის ტარებას, ასევე დისტანციის დაცვას სთხოვენ. ახალი ზელანდიის პრემიერ მინისტრის ჯასინდა არდერნის განცხადებით, ეს სახელმწიფო მალე შეძლებს კორონავირუსის დამარცხებას და უახლოეს მომავალში მოიხსნება საკარანტინო რეჟიმი. ირანში, სადაც კორონავირუსით დაავადების გამო უკვე 5 000 ადამიანზე მეტი დაიღუპა, მეჩეთების გახსნას გეგმავენ. ადგილობრივი ხელისუფლება ეტაპობრივად ამცირებს დაწესებულ შეზღუდვებს და ზოგიერთ მარკეტსა თუ მაღაზიას, მუშაობის საშუალებაც მიეცა. მომზადებულია რატი ერისთავის მიერ. წყარო: Digest: nearly three million people with coronavirus in the world, the world is increasing military spending (27.04.2020),#coronavirus #world #countries #quarantine #headline #stopcovid19
Tbilisi Daily
Tbilisi, Georgia · 3 months ago
კორონავირუსზე რამდენიმე პაციენტის პირველადი ტესტის პასუხი უარყოფითია - მარინა ეზუგბაია
თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, გუშინ მათ ცენტრში ტესტირება ჯამში 21 პაციენტს ჩაუტარდა. ეზუგბაიას განმარტებით, კონტროლის მიზნით შესულ ახალ პაციენტებს კოვიდ - 19 არ დაუდასტურდათ. მისივე თქმით, კორონავირუსით ინფიცირებულ იმ პაციენტებს, რომლებთან დაკავშირებითაც გამოჯანმრთელების მოლოდინი არის, ზოგიერთის შემთხვევაში პირველად ტესტზე უარყოფითი პასუხი მიიღეს, ზოგთან კი კვლევამ ვირუსის კონცენტრაციის შემცირება აჩვენა. „სულ 21 პაციენტზე გაკეთდა ტესტირება, ვინც იყო ახალი პაციენტები შემოსული კონტროლზე, ყველასთან ნეგატიური იყო. ჩვენი პაციენტების ტესტირება გამოჯანმრთელების თვალსაზრისით გრძელდება. გუშინ რამდენიმესთან ჩატარდა, მიღებული იყო უარყოფითი პასუხი, დღეს ვნახოთ, დღის მეორე ნახევარში როგორი ვითარება გვექნება. რამდენიმესთან კონცენტრაციის შემცირებაა და მთლად სრულად ნეგატიური ვერ მივიღეთ, მაგრამ ალბათ გაგრძელდება მათი კვლევა და ისინიც შეემატებიან გაწერილთა რიცხვს“ , – აღნიშნა ეზუგბაიამ. ინფორმაციისთვის, ამ დროისთვის თბილისის ინფექციურ საავადმყოფოში კორონავირუსისგან სულ განკურნებულია 29 ადამიანი, ქვეყნის მასშტაბით კი – 39.#კორონავვირუსი #ნიფიცირებული #პაციენტევი #მარინაეზუგბაია #tbilisidaily
Headline
Tbilisi, Georgia · 2 months ago
BBC: კორონავირუსით გამოწვეული „პოლიტიკური დრამა“ თურქეთში
ქვეყნის ტერიტორიაზე, კორონავირუსით ინფიცირების შემთხვევები რაოდენობით თურქეთმა ჩინეთსა და ირანს გადაასწრო. აღნიშნულის მიუხედავად, ეკონომიკური კოლაფსის საფრთხის გამო, თურქეთის ხელისუფლება საყოველთაო კარანტინს ჯერჯერობით არ აცხადებს. COVID-19-ის გავრცელების პარალელურად მნიშვნელოვანი მოვლენები ვითარდება შიდა პოლიტიკურ ასპარეზზე - კრიტიკული პუბლიკაციების გამოქვეყნების გამო ჟურნალისტებს აკავებენ, ხოლო პარლამენტის დეპუტატები სოციალურ ქსელებზე მეტი შეზღუდვების დაწესებას ითხოვენ. პანდემიური მდგომარეობის შესახებ პირველადი საფრთხე თურქეთში ჯერ კიდევ თებერვლის ბოლოს, მეზობელ ირანში კორონავირუსის სწრაფი გავრცელების დროს იგრძნეს და ისლამურ რესპუბლიკასთან მალევე ჩაიკეტა საზღვრები. თურქეთში 11 მარტს დაფიქსირდა COVID-19-ით ინფიცირების პირველი შემთხვევა, მაგრამ ადგილობრივმა ჯანდაცვის მინისტრმა ფაჰრეთინ ქოჯამ არასათანადოდ შეაფასა არსებული საფრთხე. „კორონავირუსი არ არის იმ შესაძლებლობების და მასშტაბების, რომ თურქული სახელმწიფოს მიერ მიღებული ზომების გადალახვა შეძლოს“, - განაცხადა ქოჯამ თავდაპირველად, მაგრამ მალევე, 23 მარტს აღიარა, რომ ეპიდემიამ მთელი ქვეყნის ტერიტორია მოიცვა. 10 აპრილს დაწესდა საკარანტინო რეჟიმი თურქეთის 31 ქალაქში, მათ შორის სტამბოლსა და ანკარაში. ამ მოულოდნელმა გადაწყვეტილებამ სრული ქაოსი და „პოლიტიკური დრამის“ განვითარება გამოიწვია ქვეყანაში - ხელისუფლების მიერ კარანტინი 9 აპრილს გამოცხადდა, 2 საათით ადრე, მის კანონიერ ძალაში შესვლამდე, სტამბოლისა და ანკარის მერები კი მის შესახებ გაფრთხილებულები არ იყვნენ, რასაც პანიკა და დაბნეულობა მოჰყვა. ქაოტურ სიტუაციას ქუჩებში არეულობა და დაპირისპირებები მოჰყვა, რის შემდეგაც ადგილობრივი შს მინისტრი სულეიმან სოილუ გადადგა, მაგრამ ერდოღანმა იგი დაკავებულ პოსტზე დააბრუნა. კარანტინის გამოცხადების პირველ დღეს სტამბოლის მაღაზიებსა და მარკეტებს, სურსათის და სხვა პროდუქციის მოსამარაგებლად, მხოლოდ ოფიციალური მონაცემებით 270 000 ადამიანი ეწვია. თურქეთის ეკონომიკური რეცესია ჯერ კიდევ 2019 წლის გაზაფხულზე დაიწყო, როგორც ლირისა და საფონდო ბირჟის ღირებულების დაცემის, ასევე საპროცენტო განაკვეთებისა და ინფლაციის ზრდის გამო. ადგილობრივი ოპოზიცია თვლის, რომ აღნიშნულის მიზეზი ნეპოტიზმია - ქვეყნის ფინანსურ პოლიტიკას გასაზღვრავს ფინანსთა მინისტრი, პრეზიდენტის სიძე (ერდოღანის უფროსი ქალიშვილის ქმარი) ბერათ ალბაირაქი. უთანასწორობას და ეკონომიკურ კრიზისს თან ახლავს კონკურენცია ცენტრალურ და ადგილობრივ ხელისუფლებებს შორის. ანკარისა და სტამბოლის მერები ოპოზიციური პარტიების წარმომადგენლები არიან. თურქეთის ძალოვანი ორგანოები მკაცრ პოლიტიკას ატარებენ სოციალურ ქსელების მომხმარებელთა მიმართ. უკანასკნელი თვის მანძილზე, პოლიციამ 3 500 „პროვოკაციული“ პუბლიკაცია გამოაქვეყნა კორონავირუსის თემასთან დაკავშირებით და 616 ერთეული სისხლის სამართლის საქმე აღძრა კონკრეტული პირების მიმართ. განხორციელებული ღონისძიებების შედეგად დააკავეს 229 ადამიანი, რომელთა შორის ჟურნალისტებიც არიან. წყარო: Coronavirus in Turkey: lines, arrests and political drama (20.04.2020), სტატია მომზადებულია რატი ერისთავის მიერ. #Coronavirus #Turkey #Economy #headline Turkey