პოლიტიკოსმა გოგი წულაიამ დღეს პოლიციაში დარეკა და შეატყობინა, რომ ქუთაისის მერიის შენობის აივანზე 8 პირი დისტანციის დაცვის გარეშე იდგა. მან პოლიციას" დანაშაულის" ადგილზე დროულად მისვლა და კანონდამრღვევთა დაჯარიმება მოსთხოვა: "მერიის "ბალკონზე მერიის საკრებულოს 8 წევრი დგას ყოველგვარი დისტანციის გარეშე და არღვევენ კანონს. გამოუშვით პატრული და ყველანი დააჯარიმონ. ჩემთან რომ მოვარდით ბრითინგზე და დამაჯარიმეთ...",- ამბობს ის ტელეფონზე საუბრისას, ტელეკომპანია ,,მეგატივის" მიერ გავრცელებულ ვიდეოში. შეგახსენებთ, რომ წულაია პატრულისთვის სიტყვიერი შეურაცხყოფის მიყენების ბრალდებით რამდენიმე კვირის წინ განყოფილებაში ხელბორკილებით წაიყვანეს.#წულაია #ქუთაისისმერია #kutaisidaily

თსსუ-ის პირველი საუნივერსიტეტო კლინიკა კორონავირუსისგან გამოჯანმრთელებულმა 24 კვირის ორსულმა დატოვა. ორსული ქალი კლინიკაში, ბოლნისიდან 26 მარტს იყო შეყვანილი. გამოჯამრთელებული ორსული მედპერსონალმა ტაშით გააცილა. ამის შესახებ ინფორმაცია გაავრცელა თსსუ-ის პირველი საუნივერსიტეტო კლინიკის დირექტორმა, ლევან რატიანმა. აღსანიშნავია, რომ საქართველოს მთავრობამ მარნუელის და ბოლნისის მუნიციპალიტეტებში მკაცრი კარანტინის რეჟიმი 23 მარტს გამოაცხადა. აკრძალულია მუნიციპალიტეტში შესვლა და გამოსვლა. ქალაქის შესასვლელებში განთავსებულია 12 ბლოკ-საგუშაგო. დაიხურა ყველა სახის ბიზნეს ობიექტი, გარდა სასურსათო მაღაზიებისა და აფთიაქებისა.#მარნეული #კორონავირუსი #ორსული #MarneuliDaily

საქართველოს პურის მრეწველთა კავშირის თავმჯდომარის, მალხაზ დოლიძის თქმით, საქართველოში ხორბლის დეფიციტი და პურის გაძვირება მოსალოდნელი არაა. „რამდენიმე დღის წინ ფოთის პორტში გემით შემოვიდა 6 ათასი ტონა ხორბალი. ზოგადად მაისი-ივნისის ჩათვლით შეგვიძლია მშვიდად ვიყოთ, რომ ხორბალზე დეფიციტი არ შეიქმნება. საერთოდ, ეს ისეთი პერიოდია, როდესაც ხორბალი და ფქვილი სატვირთო მანქანებით შემოდის რუსეთიდან. 300 ტრაილერი მუშაობს. უბრალოდ, ახლა შეფერხებაა იმ მხრივ, რომ საბაჟოზე შემოსვლისას მძღოლები სავალდებულო კარანტინს გადიან“,-აცხადებს მალხაზ დოლიძე. მისივე ინფორმაციით, დიდი სავაჭრო ქსელები პურის რეალიზაციისთვის მიმწოდებლებისგან დიდ ქეშბექს ითხოვენ, ამიტომ პურის ფასის გაძვირების თავიდან აცილების მიზნით, კარგი იქნებოდა დედაქალაქში სარეალიზაციო ადგილების ცალკე გამოყოფა .#პური #ხორბალი #ფასისმატება #კორონავირუსი #tbilisidailyy

გარემოს ეროვნული სააგენტოს ინფორმაციით, 13 მაისს საქართველოში მოსალოდნელია წვიმა ელჭექით, ზოგან შესაძლებელია სეტყვა. დროგამოშვებით იქროლებს დასავლეთის მიმართულების ძლიერი ქარი. მოსალოდნელმა ნალექებმა შესაძლებელია საქართველოს პატარა მდინარეებზე წყლის დონეების მატება, ხოლო ქვეყნის მთიან ზონებში მეწყრულ - ღვარცოფული პროცესების ჩასახვა - გააქტიურება გამოიწვიოს. #news#საქართველო#ამინდი#წვიმა#ქარი#ელჭექი#Tbilisi Daily# newsdaily

იუსტიციის სამინისტროს სერვისების ნაწილმა მომსახურება განაახლა, ნაწილი კი ელექტრონულ მომსახურებას კვირის ბოლომდე დაიწყებს. ამის შესახებ მთავრობის ბრიფინგზე მინისტრმა თეა წულუკიანმა ისაუბრა. მისი განცხადებით, დღეიდან მუშაობას ანახლებს აღსრულების ეროვნული ბიურო, რომელიც გამოსახლების პროცედურის გარდა მოქალაქეებს ყველა მომსახურებას დისტანციურად, ელ-ფოსტის საშუალებით მიაწვდის. ასევე, განახლდა ნოტარიუსთა მომსახურება. თეა წულუკიანმა თქვა, რომ თბილისში, მოქალაქეები სანოტარო მომსახურების მიღებას შეძლებენ უზნაძის #2 ნომერში მდებარე ქორწინების სახლში, ეროვნული არქივის შენობაში, საბურთალოზე და ქორწინების სახლში, რომელიც იუსტიციის სახლშია განთავსებული. თითო ნოტარიუსის ბიურო მუშაობას ზუგდიდში, ქუთაისსა და ბათუმში. "ჩვენ იმისდა მიხედვით, თუ რა ტემპით შეძლებენ ნოტარიუსები თავიანთი თავის აღჭურვას და ჯანდაცვის სამინისტროს მიერ გაცემული რეკომენდაციების მკაცრად და ზედმიწევნით დაცვას, ამის მიხედვით, გაიცემა სამინისტროს მიერ თანხმობა, რომ უფრო მეტი ლოკაცია გაჩნდეს საქართველოში სანოტარო ბიუროების სახით", — განაცხადა თეა წულუკიანმა. წულუკიანმა ასევე აღნიშნა, რომ ხვალიდან მუშაობას დისტანციურ რეჟიმში განაახლებს ეროვნული არქივი, ხოლო ოთხშაბათიდან სამოქალაქო და საჯარო რეესტრი. მინისტრის განმარტებით იგეგმება, რომ კვირის ბოლომდე საჯარო სერვისების გაცემა მთლიანად დისტანციური რეჟიმით განახლდეს.#იუსტიცია #აღდგენილისერვისები #თეაწულუკიანი #tbilisidaily

თბილისის მერის, კახა კალაძის განცხადებით, როგორც ელექტროენერგიაზე და გაზზე, ნარჩენების გადასახადისაგანაც განთავისუფლდება მოსახლეობა, როგორც თბილისში, ასევე, რეგიონებში. ამის შესახებ მან თბილისის მერიაში გამართულ ბრიფინგზე შეღავათებზე საუბრისას აღნიშნა.#კახაკალაძე #ნარჩენები #შეღავათები #tbilisidialy

ქუთაისში, კომენდანტის საათის დროს, ასათიანის ქუჩაზე, ბენზინგასამართი სადგურის წინ, სწრაფი ჩარიცხვის აპარატი მოიპარეს. ფაქტი თანამშრომლებმა დილით აღმოაჩინეს, რის შემდეგაც ვიდეოკამერების ჩანაწერები შეამოწმეს. როგორც კადრებზე ჩანს, აპარატი რამენიმე პირმა ხელის ურიკით წაიღო. top.news.com.ge-ის ინფორმაციით, შემთხვევა ღამის ოთხ საათზე მოხდა.#ქურდობა #აპარატი #კორონავირუსი #kutaisidaily