საქართველოს დაავადებათა კონტროლისა და საზოგადოებრივი ჯანდაცვის ცენტრის გადამდებ დაავადებათა დეპარტამენტის ხელმძღვანელის, ხათუნა ზახაშვილის თანახმად, შავი ჭირი განკურნებადი დაავადებაა და ისევე როგორც მთელს მსოფლიოს, ასევე საქართველოს საფრთხეს ვერ შეუქმნის. „შავი ჭირი კოვიდ 19-ისგან განსხვავებით ის გამომწვევია, რომელიც მსოფლიოსთვის უხსოვარი დროიდანაა ცნობილი და დღეს მიუხედავად იმ სირთულეებისა, რასაც აწყდებიან რამდენიმე ათასი შემთხვევის გამო მსოფლიოში, ეს განკურნებადი დაავადებაა და ძალიან მაღალ რისკს ეპიდემიოლოგიური, პანდემიური გავრცელებისას არ მოიცავს. ყველაზე საშიში ფორმა შავი ჭირის არის ფილტვის ფორმა. ჩინეთში რეგისტრირებული შემთხვევა, როგორც ჩემთვისაა ცნობილი, არის ბუბონური ფორმა. ანუ შესაბამისად ეპიდემიოლოგიური გავრცელების პოტენციალი არ გააჩნია“, - განაცხადა ხათუნა ზახაშვილმა პასუხად მედიის მიერ დასმული კითხვისა, არის თუ არა საფრთხე იმისა, რომ ჩინეთში შავი ჭირის სახით მეორე ეპიდემიამ იფეთქოს. ხათუნა ზახაშვილის თქმით, ადამიანის შავი ჭირით დაავადების შემთხვევა საქართველოში ბოლოს 1921 წელსაა აღწერილი და მას შემდეგ აღარ ყოფილა. მისი თქმით, მსოფლიოს შავი ჭირის პანდემიური გავრცელება არ ემუქრება, ამიტომ „შეგვიძლია წყნარად ვიყოთ“. რამდენიმე დღის წინ შავი ჭირი პეკინის ჩრდილოეთით მდებარე ქალაქ ბაიანურში ოფიციალურად დადასტურდა. რეგიონში მესამე დონის განგაში გამოცხადდა. ბაიანურის ადგილობრივმა მთავრობამ მოქალაქეებს თხოვა, მკვდარი ვირზაზუნის პოვნის შემთხვევაში ჯანდაცვის წარმომადგენლებს დაუკავშირდნენ.#ახალი_ამბები#twitter

დაავადებათა კონტროლის ეროვნული ცენტრის გადამდებ დაავადებათა დეპარტამენტის უფროსი, ხათუნა ზახაშვილი მოსახლეობას ურჩევს ისეირნონ სუფთა ჰაერზე, თუმცა ამავდროულად დაიცვან სოციალური დისტანცირების წესი. მისივე თქმით, არსად წაუკითხავს ერთმნიშვნელოვანი მტკიცება იმისა, რომ გარეთ სეირნობასა თუ სუფთა ჰაერზე ყოფნას ზარალი მოეტანოს ადამიანთა ჯანმრთელობისთვის და ეს გამხდარიყოს კოვიდინფექციის გავრცელების ინტენსიური წერტილი. ზახაშვილი მოქალაქეებს ურჩევს შეარჩიონ წყნარი სივრცე და არ ისეირნონ ჯგუფ-ჯგუფად. ,,რაც უფრო მეტი იქნებ დისტანცია, მით უფრო დაცულად შეგიძლიათ, ჩათვალოთ თავი. ყოველშემთხვევაში გარეთ სეირნობის გარეშე ალბათ, ადამიანები დიდხანს ვერ გაძლებენ. დიახ, უნდა ისეირნოთ გარეთ, უნდა იყოთ სუფთა გარემოში და ყურადღება მიაქციეთ, რომ თქვენ და თქვენი შვილები იყოთ დისტანცირებული სხვებისგან. შეარჩიეთ წყნარი გარემო. არ არის საჭირო ჯგუფებად სეირნობა,” - განაცხადა ხათუნა ზახაშვილმა. #სეირნობა #კორონავირუსი #დისტანცია #სუფთაჰაერი #tbilisidaily

დიახ, გარეთ უნდა ისეირნოთ, უნდა იყოთ სუფთა გარემოში და ყურადღება მიაქციეთ, რომ თქვენ და თქვენი შვილები დისტანცირებული იყოთ სხვა ადამიანებისგან - ამის შესახებ დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა ხათუნა ზახაშვილმა განაცხადა. „გაჩნდა რაღაც-რაღაც ნაშრომები, რომლებიც მიუთითებენ, რომ თითქოს სუფთა ჰაერზე სეირნობაც არ არის უსაფრთხო, განსაკუთრებით აქცენტირებული იყო სხვადასხვა ტიპის გარე აქტივობები. თითქოს როდესაც ადამიანები დარბიან ქუჩაში, ან რეკრეაციულ ზონაში ან ველოსიპედებით გადაადგილდებიან, საფრთხეები შეიძლება შეიქმნას და დისტანცია უფრო დიდი უნდა იყოს ვიდრე ჩვეულებრივ არის რეკომენდირებული - 2 მეტრზე მეტი. თუმცა იმის მტკიცება, რომ ჰაერზე სეირნობას ზარალი მოუტანია ადამიანის ჯანმრთელობისთვის და ეს გამხდარიყო ვირუსის გავრცელების ინტენსიური წერტილი, არსად წამიკითხავს. ფაქტია, რომ ღია სივრცეებში ანუ გარეთ ყოფნისას რისკი არის შემცირებული, მაგრამ ყოველთვის უნდა გვახსოვდეს, რომ დისტანციის დაცვა არის აუცილებელი და რაც უფრო მეტი იქნება დისტანცია, მით უფრო დაცულად შეგიძლიათ ჩათვალოთ თავი. ყოველშეთხვევაში, გარეთ სეირნობის გარეშე, ალბათ, ადამიანები დიდხანს ვერ გაძლებენ, ეს აუცილებელიც არის მათი ჯანმრთელობისთვის. დიახ, გარეთ უნდა ისეირნოთ, უნდა იყოთ სუფთა გარემოში და ყურადღება მიაქციეთ, რომ თქვენ და თქვენი შვილები დისტანცირებული იყოთ სხვა ადამიანებისგან. გარეთ ყოფნის დროს არ არის საჭირო ჯგუფებად სიარული და ერთმანეთთან მჭიდროდ დგომა,“- განაცხადა ხათუნა ზახაშვილმა.