6 წესი, რომელიც ფრენისას უნდა დავიცვათ

ჯანდაცვის სამინისტრომ აეროპორტებისა და საჰაერო ტრანსპორტისთვის კორონავირუსთან დაკავშირებული რეკომენდაციები დაამტკიცა. რეკომენდაციებში საუბარია წესებზე, რომლებიც მგზავრებმა ფრენის დროს უნდა დაიცვან. გთავაზობთ ჯანდაცვის სამინისტროს მიერ შემუშავებულ წესებს: გამგზავრების ტერმინალში და საჰაერო ხომალდიდან ჩამოსვლისას პერსონალს და მგზავრებს ტემპერატურას გაუზომავენ. თვალსაჩინო ადგილას განთავსდება განცხადებები (რამდენიმე ენაზე) COVID-19-ის პრევენციული ღონისძიებების შესახებ. მგზავრები/მომსახურე პერსონალი დაიშვება მხოლოდ დამცავი ნიღბით და ამ მხრივ გამონაკლისი შეიძლება იყოს 6 წლამდე ბავშვი. ბორტზე შესასრულებელი რეკომენდაციები: მინიმუმამდე მცირდება მომსახურება, ბორტზე იკრძალება პროდუქტის გაყიდვა. ეკიპაჟის წევრები აღჭურვილნი უნდა იყვნენ ინდივიდუალური დამცავი საშუალებებით (ნიღაბი, სათვალე/დამცავი ფარი, ხელთათმანი). 3 საათზე ნაკლები ხანგრძლივობის ფრენისას აკრძალული იქნება მგზავრთა კვებით უზრუნველყოფა. სხვა შემთხვევაში გამოიყენება წინასწარ შეფუთული და დალუქული საკვები.