გაცნობიერდი კაცობრიობის ყველა წერტილში,
ამოისუნთქე - ყველა - ადამიანის ამოსუნთქვით.
დაიბადე და მოკვდი - ყველაში.
შენივე დამღუპველი - გადაგარჩენს.
შენივე მკვლელი - გშობს.
რაც მეტად გიყვარს, მით მეტად ტკენ - მისივე - მიგდებული ნაწილების
შესაყვარებლად.
თუკი შენში, ჯერ კიდევ არსებობს - წერტილები - უსიყვარულოდ,
ეს შენივე თავის გაუცნობიერებელი ნაწილებია, რომლებიც გიხმობენ.
არცოდნიდან, შეუცნობლიდან - ყვირის სიყვარული ყველაზე ხმამაღალ მელოდიად .
ვინც გმტრობს, ან მტრობ - ვინც გაღიზიანებს, ან აღიზიანებ - მოძებნე ისინი, შეიცანი - შეიყვარე ,
დაიწვი მათში - და სიყვარულად -
თავიდან დაიბადე.
შენი მტერი, შენი მოკვლით - გასწავლის,
და კლავს - შენივე შეუცნობელ ნაწილს -
სიყვარულად აცოცხლებს.
ნუთუ ჯერ კიდევ ვერ ხვდები, რომ შენ ხარ მკვლელიც და მოკლულიც, შენ ხარ ბრძენიც და სულელიც, მეფეც და მონაც.
თუ კი ჯერ კიდევ - გიკვირს რაიმე,
სამომავლოდ - გაკვეთილს შენივე ნებით - გეგმავ.
არაფერია ისეთი, რაც შენში - არ არის, და ყველა-ფერი- ერთ-იანდება - ყველაში,
უბრალოდ - ჩვენ მარადიულად უკან ვბრუნდებით, იმიტომ რომ - დაგვავიწყდა.
სიზმრები - ამოხსენი,
შენივე მიძინებული - ადამიანების სულთა შესამეცნებლად,
შერწყმა - შეუცნობელთან
წერტილების გაერთიანებად
აცეკვდი.
წერტილი.
(ნინო დიდებაშვილი)