რამდენმა ადამიანმა გადაიტანა კორონავირუსი ისე, რომ ვერც კი გაიგო?

დაავადებათა კონტროლის ეროვნული ცენტრის დირექტორის თქმით, 4 მუნიციპალიტეტში სეროპრევალენტობის კვლევა დასრულდა. როგორც ამირან გამყრელიძე ამბობს, რომ 1 222 ნიმუშიდან მხოლოდ ერთ შემთხვევაში დადასტურდა, რომ ადამიანს კორონავირუსი აქვს გადატანილი და ეს მარტვილთან არის დაკავშირებუული. „გუშინ ღამე დავამთავრეთ სეროპრევალენტობის კვლევა ოთხ მუნიციპალიტეტში. შემთხვევითი შერჩევის პრინციპით ხელვაჩაურის, ქობულეთის, მარტვილის და ბორჯომის მუნიციპალიტეტებში 1 222 სისხლის ნიმუში იქნა აღებული, საიდანაც მხოლოდ ერთი ამოვიდა დადებითი მარტვილის რაიონში. ნიმუშების აღება 17-დან 25 აგვისტოს პერიოდში მოხდა. ეს ნიშნავს, რომ ქვეყანაში ინფექცია აქტიურად არ ცირკულირებს. ამიტომ, ყველანაირად უნდა შევინარჩუნოთ ის დაბალი მაჩვენებლები, რაც ამ პერიოდამდე ქვეყანას აქვს“, - განაცხადა გამყრელიძემ. ინფორმაციისთვის, საქართველოში ამ დრომდე კორონავირუსი 2 392 დაუფიქსირდა. ________________ თქვენ ამ სტატიას კითხულობთ პლატფორმა Feedc -ზე.Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. #კორონავირუსი #მარტვილი #სეგრელო #ამირანგამყრელიძე #zugdididaily წყარო: რადიო ათინათი