ამირან გამყრელიძე: ქვეყანაში ეპიდსიტუაცია მართვადია

დღევანდელი მდგომარეობით, მიუხედავად ახალი 2,700 შემთხვევისა, ქვეყანაში ეპიდსიტუაცია მართვადია, - ამის შესახებ საქართველოს დაავადებათა კონტროლის ეროვნული ცენტრის დირექტორმა, ამირან გამყრელიძემ საკოორდინაციო საბჭოს შემდეგ გამართულ ბრიფინგზე განაცხადა. მისი თქმით, სოციალურ ქსელში არსებული უკმაყოფილებისა და შენიშვნების მიუხედავად, ძირითად შემთხვევებში სიტუაცია მართვადია. „დღევანდელი მდგომარეობით, მიუხედავად ახალი 2,700 შემთხვევისა, ქვეყანაში ეპიდსიტუაცია მართვადია. ვიცი, სოციალური ქსელიდან არის უკმაყოფილება, შენიშვნები, თუმცა ძირითადში სიტუაცია მართვადია, ჰოსპიტალური, კოვიდ-სასტუმროები და საავადმყოფოები“, - განაცხადა ამირან გამყრელიძემ.