კორონავირუსის გამო კლუბები დროებით სივრცეს ხურავენ

კორონავირუსის გავრცელების თავიდან ასარიდებლად, თბილისში არსებულმა კლუბმა ,,მტკვარზე" სივრცის დროებითი დახურვის გადაწყვეტილება მიიღო. კლუბის განმარტებით, მიუხედავად სირთულეებისა, "აუცილებელი და წინდახედული" ნაბიჯების გადადგმის დროა: "ვითვალისწინებთ რეკომენდაციებს და საჯარო შეკრებები მიზანშეწონილად არ მიგვაჩნია. ახლა დროა გამოვიჩინოთ მაქსიმალური სიფრთხილე, რომ ვირუსის გავრცელებას ხელი შევუშალოთ, რისთვისაც თითოეული მოქალაქის და ბიზნესის პასუხისმგებლობა და სწორი მოქმედება მნიშვნელოვანია", — აცხადებენ კლუბში. ისინი იმედოვნებენ, რომ საზოგადოება და ბიზნესი მალე დაუბრუნდება ცხოვრების ჩვეულ რიტმს და საფრთხეები გაქრება. დღეს პრემიერმა გიორგი გახარიამ სახელმწიფო და კერძო დაწესებულებებს დისტანციური მუშაობის რეკომენდაცია მისცა. #კლუბი #ბასიანი #მტკვარი #კორონავირუსი #tbilisidaily