2 votes
comments
shares
Save
თერჯოლის მუნიციპალიტეტში 3 ახალი სკოლა შენდება
55 reads
Tbilisi Daily
Tbilisi · 3 months ago
სტატიის წასაკითხად დააჭირე გაგრძელებას
or
By continuing you agree to Feedc’s Terms of use and Privacy Policy

თერჯოლის მუნიციპალიტეტში სამი ახალი სკოლა შენდება, ათს კი რეაბილიტაცია უტარდება.

ერთ-ერთი მშენებარე სკოლა იმერეთში სახელმწიფო რწმუნებულმა, ზვიად შალამბერიძემ და თერჯოლის მუნიციპალიტეტის მერის მოვალეობის შემსრულებელმა, ლაშა გოგიაშვილმა დაათვალიერეს.

როგორც ზვიად შალამბერიძემ განაცხადა, სამუშაოები რეგიონის მასშტაბით შეუფერხებლად უნდა წარიმართოს, თუმცა აუცილებლად გასათვალისწინებელია ჯანდაცვის სამინისტროს რეკომენდაციები კორონავირუსთან დაკავშირებით.

თერჯოლის მუნიციპალიტეტში 24 საჯარო სკოლაა – 3 ახალი შენდება, 10 კი რეაბილიტირდება. რეაბილიტაციისათვის 481 ათასი ლარი დაიხარჯება და მოეწყობა სველი წერტილები.

სამი ახალი სკოლის მშენებლობა, რაზეც, ჯამურად, 4 632 500 ლარი დაიხარჯება, ხელშეკრულებით გათვალისწინებულ ვადებში დასრულდება და 200 მოსწავლეს ახალი სკოლა ექნება.

სოფელ სიქთარვაში 150 ბავშვზე გათვლილი საჯარო სკოლის მშენებლობაზე განათლების სამინისტროდან გამოყოფილი 2 416 000 ლარი დაიხარჯება. სოფელ ჩხარში მცირეკონტიგენტიანი – 60 ბავშვზე გათვლილი სკოლა აიგება, რისთვისაც მუნიციპალური განვითარების ფონდიდან გამოყოფილი თანხა 1 092 500 ლარს შეადგენს, ხოლო სოფელ ზედა საზანოს საჯარო სკოლის მეორე კორპუსის მშენებლობისათვის, რომელიც ასევე მცირეკონტიგენტიანი, არასრული საშუალო სკოლაა, მგფ-დან გამოყოფილია 1 124 000 ლარი.

#თერჯოლა#სამი ახალი სკოლა# რეაბილიტაცია##TbilisiDaily#DailyNews


Tbilisi Daily
Tbilisi · 3 months ago
2
Write a comment