სინკოპე არის ტერმინი, რომელიც გულისხმობს გულის წასვლას. მისი გამომწვევი მრავალი მიზეზი არსებობს, თუმცა ყველა მათგანს ერთი შედეგი აქვს - თავის ტვინში სისხლის მიდინების დროებითი , მკვეთრი შემცირება.
გონების კარგვის გამომწვევია:
დაბალი არტერიული წნევა
არარეგულარული გულისცემა
პოზის უცაბედი შეცვლა, მაგალითად უცებ წამოდგომა, რაც გამოიცვევს სისხლის ფეხებისკენ გადაქაჩვას
დგომა საათობით
გაუსაძლისი ტკივილები ან შიში
გადაჭარბებული სტრესი
ორსულობა
დეჰიდრატაცია
გადაღლილობა
განვიხილოთ გონების კარგვის 3 მიზეზი:
1 ვაზო-ვაგალური სინკოპე - გამოწვეულია არტერიული წნევის სწრაფი დაქვეითებით, მცირდება თავის ტვინის სისხლით მომარაგება. ფეხზე წამოდგომისას მდგომარეობა უარესდება, რადგან სისხლი ფეხებისკენ გადაინაცვლებს.
2 კარდიოლოგიური სინკოპე - გამოწვეულია გულ-სისხლძარღვთა დაავადებებით, რის დროსაც თავის ტვინში სისხლის მიმოქცევა მცირდება, მაგალითად : არითმია, კორონარული არტერიების თრომბოზი, აორტის სტენოზი, გულის უკმარისობა. კარდიოლოგიური სინკოპის გამოვლენის შემთხვევაში პაციენტმა აუცილებლად უნდა მიმართოს ექიმს.
3. ნევროლოგიური სინკოპე - ძირითად გამომწვევად გვევლინება ინსულტი, გულყრები. იშვიათად თუმცა გარკვეულ შემთხვევებში შაკიკიც ხდება ნევროლოგიური სინკოპეს მიზეზი.