სოფელი ყარაჯალარი კარანტინში მოექცა

მაღალი ეპიდემიოლოგიური რისკის გამო, კარანტინით გათვალისწინებული შეზღუდვები ამოქმედდა გარდაბნის მუნიციპალიტეტის სოფელი ყარაჯალარში. გადაწყვეტილება უწყებათშორისმა საკოორდინაციო საბჭომ მიიღო. შსს-ს ინფორმაციით, საკარანტინო შეზღუდვების 24 საათიანი კონტროლისთვის სოფლის შესასვლელსა და გასასვლელში მოეწყო სპეციალური პუნქტები.  შსს-ს ცნობითვე, სამართალდამცავების მობილური ჯგუფები აკონტროლებენ სოფელთან მისასვლელ მეორეხარისხოვან გზებსაც. მუდმივი მონიტორინგისთვის იყენებენ საგანგებო სიტუაციების მართვის სამსახურის დრონებს. ბოლო დღეებში ყარაჯალარში კორონავირუსის 20-ზე მეტი შემთხვევა დაფიქსირდა. რამდენიმე დღეა სოფელში გაფართოებული ტესტირება მიმდინარეობს. დაავადებათა კონტროლის ეროვნულ ცენტრში აცხადებდნენ, რომ ადგილობრივი მოსახლეობის ნაწილი ტესტირებაზე უარს ამბობდა და თუ ეს ვითარება არ შეიცვლებოდა, კარანტინის გამოცხადების გადაწყვეტილებას მიიღებდნენ.   https://www.radiotavisupleba.ge/a/30744669.html #ახალი_ამბები #twitter