სურსათის სააგენტოს თანამშრომელი კაფე-ბარის მფლობელს დაჰპირდა, რომ ობიექტს არ შეამოწმებდნენ - ის დააკავეს

ქრთამის აღების ფაქტზე სურსათის ეროვნული სააგენტოს თბილისის საქალაქო სამსახურის უფროსი ინსპექტორი დააკავეს. საგამოძიებო უწყების ინფორმაციით, ბრალდებული სამსახურებრივი უფლებამოსილების განხორციელებისას, უკანონო მატერიალური სარგებლის მიღების მიზნით, დაუკავშირდა ერთ-ერთი კაფე-ბარის მფლობელს და დაპირდა, რომ სააგენტო არ განახორციელებდა ობიექტის შემოწმებას.შემოწმების დაგეგმვის შემთხვევაში კი იგი წინასწარ მოახდენდა მის ინფორმირებას. 'აღნიშნული დანაშაულებრივი განზრახვით, ბრალდებულმა, კაფე-ბარის მფლობელს წინასწარ მოსთხოვა და გამოართვა 10 000 ლარი, რა დროსაც მოხდა მისი დაკავება. გამოძიება მიმდინარეობს საქართველოს სისხლის სამართლის კოდექსის 338-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით,' - ნათქვამია ინფორმაციაში.