გლდანში ნიკა მელიას საარჩევნო შტაბს მინა ჩაუმსხვრიეს და ხანძარი გაუჩინეს

გლდანის ოპოზიციონერი მაჟორიტარობის კანდიდატის, ნიკა მელიას საარჩევნო შტაბს მინა ჩაუმსხვრიეს და ხანძარი გაუჩინეს. ინფორმაციას ადასტურებენ პარტიაში. "დილის 6-ის წუთებზე შევიტყვეთ, რომ ოფისში ხანძარია. დაგვხვდა ჩამსხვრეული შუშები და შენობაში შეგდებული ბენზინის 2 ბოთლი. იმედი მაქვს, გამოიძიებენ ამ საზიზღრობას... მთლიანად აპირებდნენ შენობის დაწვას, მაგრამ ვერ მოასწრეს ადგილზე პოლიციის დროულად მობილიზების გამო", - უთხრა "მთავარ არხს" ნიკა მელიას შტაბის ხელმძღვანელმა. საქმეზე შინაგან საქმეთა სამინისტრომ გამოძიება სისხლის სამართლის კოდექსის 187-ე მუხლით დაიწყო. ამ მუხლით სხვისი ნივთის დაზიანებისთვის სისხლის სამართლებრივი პასუხისმგებლობა დგება. https://www.radiotavisupleba.ge/a/30952245.html #ახალი_ამბები #twitter #არჩევნები_2020