Վարչապետը ցավակցական հեռագիր է հղել Ֆրանսիայի նախագահին

Վարչապետ Նիկոլ Փաշինյանը ցավակցական հեռագիր է հղել Ֆրանսիայի նախագահ Էմանյուել Մակրոնին Նիցցայումտեղի ունեցած ահաբեկչական հարձակման կապակցությամբ: Այս մասին հայտնում է վարչապետի աշխատակազմը: «Հայաստանը դատապարտում է ահաբեկչությունն իր բոլոր ձևերով և դրսևորումներով: Մեզ համար ավելի քան ակնհայտ է, որ ծայրահեղականությունն ու ֆանատիզմը չունեն որևէ արդարացում և բարոյական հիմնավորում: Հայաստանի ժողովուրդը կիսում է Ֆրանսիայի եղբայրական ժողովրդի ցավն ու ցասումը և իր անկեղծ ցավակցություններն ու սփոփանքի խոսքերը հայտնում զոհվածների հարազատներին և մտերիմներին», - ասված է Փաշինյանի ուղերձում:   https://www.azatutyun.am/a/30919545.html #Լուրեր