11 votes
0 comments
0 shares
Save
7 views
Dariko Beria
Tsalenjikha · 1 year ago

დღეს,18 მაისს, წალენჯიხის მუნიციპალიტეტში,კოსტიუმირებული დღესასწაული „ეროვნული სამოსის დღე“ აღინიშნება.


Dariko Beria
Tsalenjikha · 1 year ago
Similar Posts
Eka Belqania
Tsalenjikha · 1 year ago
ქალაქ წალენჯიხის გოგი კალანდიას სახელობის ცენტრალურ მოედანზე , 18 მაისს ეროვნული სამოსის დღესთან დაკავშირებით, 12 საათიდან გაიმართება საზეიმო ღონისძიებები. ჩატარდება კოსტიუმირებული მსვლელობა , მოეწყობა ეროვნული სამოსის, გამოყენებითი ხელოვნების ნიმუშების , ფერწერული ტილოების , ხალხური რეწვის ნიმუშების გამოფენა.ასევე მოეწყობა ყვავილების გამოფენა–გაყიდვა. ღონისძიების ორგანიზატორია წალენჯიხის მუნიციპალიტეტის ა(ა)იპ კულტურის ცენტრი. გთხოვთ, მობრძანდეთ!
Dariko Beria
Tsalenjikha · 1 year ago
დღეს, 27 მაისს, წალენჯიხის მუნიციპალიტეტის მერმა ბესიკ ფარცვანიამ და მერის პირველმა მოადგილემ ცოტნე შონიამ ქალაქ წალენჯიხაში გაზიფიცირებასთან დაკავშირებით მიმდინარე სამუშაოები დაათვალიერეს. პროექტს შპს „ ექსპრესსერვისი-2008“ ახორციელებს. პროექტის ფარგლებში მიწისქვეშა და მიწისზედა გაზსადენის მონტაჟთან ერთად რეგულატორებისთვის ინდივიდუალური განშტოებების მოწყობა განხორციელდება. აღნიშნული პროექტი მიმდინარე წლის 26 მაისს დაიწყო და 2019 წელს ქალაქის სრულ დაქსელვას ითვალისწინებს.
Tbilisi Daily
Tbilisi · 2 months ago
როგორ აღინიშნება ღვთისმშობლის წილხვედრილობის დღესასწაული
ღვთისმშობლის წილხვედრილობის დღესასწაული მთელი კვირის მანძილზე აღინიშნება. ამის შესახებ საქართველოს კათოლიკოს-პატრიარქმა ილია მეორემ მახათას მთაზე ივერიის ყოვლადწმინდა ღვთისმშობლის ხატის სახელობის ტაძარში წირვის დასრულების შემდეგ განაცხადა. როგორც პატრიარქმა აღნიშნა, მან ამასთან დაკავშირებით განჩინება გამოსცა. „ეს არის უდიდესი დღესასწაული, ეს არის უდიდესი წყალობა ღვთისა. ჩვენ დღეს შევასრულებთ სამადლობელ პარაკლისს და მადლობას შევსწირავთ უფალს და ყოვლადწმინდა ღვთისმშობელს. ამისთვის იყო განჩინება დაწერილი ჩემ მიერ, რომ მთელი კვირა იქნება დღესასწაული წილხვედრილობის. მთელი კვირის განმავლობაში ქართველი ერი იზეიმებს ამ დიდ დღესასწულს. დალოცვლი იყავით, გაიხარეთ ორსავე სოფელსა შინა“, -განაცხადა პატრიარქმა. ღვთისმშობლისადმი საქართველოს წილხვდომილობის - იმედის დღესთან და ამავდროულად, ანდრია პირველწოდებულის ხსენების დღესთან დაკავშირებით, მახათას ივერიის ღვთისმშობლის ხატის სახელობის ტაძარში წირვა ჩატარდა. 12 მაისს საქართველოში წმინდა მოციქულის ანდრია პირველწოდებულის ხსენების დღე აღინიშნება. ბიბლიური ლიტერატურის თანახმად, წმინდა მოციქული ანდრია პირველწოდებული წმინდა პეტრე მოციქულის ძმა იყო. უფალმა მოციქულთა შორის პირველად ანდრიას მოუწოდა. ამიტომაც მას პირველწოდებული ეწოდა. საქართველოში წამოსვლამდე მას ღვთისმშობელმა მოუწოდა და ამცნო, რომ წმ. ანდრიას ღვთისმშობლის წილხვედრ ქვეყანაში უნდა ექადაგა. წმინდა მოციქული პირველად ქართლის ტერიტორიაზე, დიდაჭარაში შემოვიდა. მას თან ყოვლადწმინდა ღვთისმშობლის მიერ ბოძებული ხელთუქმნელი ღვთისმშობლის ხატი ჰქონდა. წმინდა მოციქული ანდრია საბერძნეთის ქალაქ პატრაში ჯვარზე დაკიდებული აღესრულა. მის ხსენებას საქართველოს მართლმადიდებელი სამოციქულო ეკლესია ორჯერ აღნიშნავს.
Keso Bigvava
Tbilisi · 3 months ago
გაზაფხულის მოსვლა ქალების დღესასწაულებთან ასოცირდება, სამი მარტი - დედის დღეა, რვა მარტი კი ქალთა საერთაშოდისო დღედ აღინიშნება მთელ მსოფლიოში. სამწუხაროდ, ცოტამ თუ იცის საიდან იღებს სათავეს ეს დღე, რადგან უმეტეს წილად ჩვენ ქვეყანაში ქალთა დღეს ყვავილებისა თუ რიგი აქსესუარების ჩუქებითა და დაპოსტვით აღნიშნავენ. ქალთა სოლიდარობის საერთაშორისო დღის აღნიშვნის იდეა XX საუკუნის დასაწყისში დაიბადა. სწრაფი მსოფლიო ინდუსტრიალიზაციისა და ეკონომიკური ექსპანსიის ეპოქაში ხშირი იყო მასობრივი პროტესტები მუშათა აუტანელი სამუშაო პირობების გამო. ერთ-ერთი პირველი იყო ნიუ-იორკის სამკერვალო ფაბრიკების მუშა-ქალთა გაფიცვა 1857 წლის 8 მარტს. მათი პროტესტი გამოიწვია ძალზე დაბალმა ხელფასმა და გაუსაძლისმა სამუშაო პირობებმა. ქუჩაში გამოსული, გაფიცული ქალები პოლიციამ დაარბია. 1859 წლის მარტში იმავე ქალებმა დააარსეს პირველი პროფკავშირი. მომდევნო წლებში 8 მარტს უფრო მეტი და ფართომასშტაბიანი პროტესტი ახლდა. 1908 წელს ნიუ-იორკის ქუჩებში 15 ათასი ქალი გამოვიდა მოკლე სამუშაო დღის, უკეთესი ანაზღაურებისა და არჩევნებში ხმის მიცემის უფლების მოთხოვნით. 1910 წელს, სოციალისტ-ინტერნაციონალმა კოპენჰაგენში პირველი ქალთა საერთაშორისო კონფერენცია ჩაატარა. ამ ყრილობაზე გავლენიანი გერმანელი სოციალისტის, კლარა ცეტკინის ინიციატივით დაფუძნდა ქალთა საერთაშორისო დღე. ქალთა სოლიდარობის სახელით, მომდევნო წლის 8 მარტს მილიონზე მეტი ადამიანი გამოვიდა ავსტრიაში, დანიაში, გერმანიასა და შვეიცარიაში. პირველი მსოფლიო ომის დაწყების წინ ქალებმა მთელი ევროპის მასშტაბით მოაწყვეს სამშვიდობო მსვლელობა 1913 წლის 8 მარტს. 1917 წლის რუსეთის რევოლუციის გამომწვევი პირველი ნაპერწკალი გახდა ქალთა საერთაშორისო დღისადმი სოლიდარობის მიზნით ორგანიზებული დემონსტრაცია. ოქტომბრის რევოლუციის შემდეგ, ბოლშევიკმა ალექსანდრა კოლონტაიმ დაითანხმა ლენინი, რომ ეს დღე ოფიციალური დღესასწაული გამხდარიყო, თუმცა ის სამუშაო დღედ ითვლებოდა. 1965 წლის 8 მაისს სსრკ-ის უზენაესი საბჭოს პრეზიდიუმის ბრძანებულებით, ქალთა საერთაშორისო დღე უქმედ გამოცხადდა „საბჭოთა ქალთა უდიდესი დამსახურების გამო კომუნისტურ აღმშენებლობაში, დიდ სამამულო ომში სამშობლოს დაცვისას ფრონტსა და ზურგში, ხალხთა შორის მეგობრობის განმტკიცებისა და მშვიდობისთვის ბრძოლაში“. დიახ, ქალებს უხსოვარი დროიდან გვიწევდა საკუთარი უფლებებისთვის ბრძოლა, რასაც რვა მარტის საერთაშორისო დღესასწაულად ჩამოყალიბების ისტორიაც ცხადყოფს. დღეს 15 მარტია და სტატისტიკური მომაცემების თანახმად ყოველი მეოთხე ქალი გენდერული ნიშნით ძალადობის მსხვერპლია. ქალებო, არ მივცეთ არავის ჩვენზე ძალადობის უფლება!#არაძალადობას#ყველადღეჩვენია
Tbilisi Daily
Tbilisi · 2 months ago
პირველი მაისი - ,,საბჭოთა დღესასწაულიდან” პროტესტისა და სოლიდარობის დღემდე
დღეს, 1 მაისს, მსოფლიოს არაერთი ქვეყანა და, მათ შორის, საქართველოც მშრომელთა საერთაშორისო დღეს აღნიშნავს. წლევანდელო პირველმაისობა ჩვენს ქვეყანაში უჩვეულო ფორმატში ჩატარდა - კორონავირუსის პანდემიის გამო ტრადიციული მასშტაბური გამოსვლის ორგანიზება შეუძლებელი გახდა, სწორედ ამიტომ საქართველოს პროფკავშირების წარმომადგენლებმა, ასევე, სხვადასხვა რეგიონსა და ეკონომიკურ სექტორში დასაქმებულმა ადამიანებმა ონლაინ მანიფესტით გააპროტესტეს შრომის უფლებებთან დაკავშირებული პრობლემები და ამხილეს სისტემა. ,,შრომითი ბაზრის ძირითადი ინგრედიენტი არის დაინფიცირებული ღამურა, რომლითაც დასაქმებულებს უწამლავენ სიცოცხლეს,” - განაცხადა ონლაინ პროტესტის დროს საქართველოს პროფკავშირების გაერთიანების თავმჯდომარემ, ირაკლი პეტრიაშვილმა. პროფკავშირების წარმომადგენლებმა და დასაქმებულებმა ყურადღება გაამახვილეს ისეთ პრობლემებზე, როგორიცაა 8 საათიანი სამუშაო დღის იგნორირება, ადეკვატური საარსებო მინიმუმისა და მისი ტოლფასი მინიმალური ხელფასის არარსებობა, უმუშევრობის შემწეობის არარსებობა, სოციალური დაზღვევის სისტემის ნგრევა, საბაზრო ფუნდამენტალიზმი, პირველადი სექტორების, მათ შორის სამედიცინო სექტორის პრივატიზება, სოციალური პასუხისმგებლობისგან დაცლილი ბიზნესსექტორი, განადგურებული ეროვნული წარმოება და ა.შ დასაქმებულები კვლავაც მოითხოვენ ღირსეულ სამუშაო ადგილებს, ღირსეულ ხელფასსა და სოციალური დაცვის რეალურ გარანტიებს. რა ვიცით პირველი მაისის ისტორიის შესახებ? მაშინ, როდესაც ჩვენი ქვეყნის დასაქმებულები დღესაც კი 8 საათიან სამუშაო დროს მოითხოვენ, ჯერ კიდევ მე-19 საუკუნის მიწურულს სწორედ ამ მოთხოვნამ დაუდო საფუძველი პირველი მაისის მშრომელთა საერთაშორისო დღედ ქცევას. პირველი მაისის აღნიშვნა 1880–იანი წლების პერიოდს და ამერიკის შეერთებულ შტატებს უკავშირდება.1886 წელს ჩიკაგოში სამუშაო საათების რვა საათამდე შემცირების მოთხოვნით მშრომელთა მასობრივი დემონსტრაცია მიმდინარეობდა, პოლიცია კი მათ დაშლას ცდილობდა. ერთ–ერთმა დემონსტრანტმა პოლიციელების მიმართულებით დინამიტი ისროლა, რის საპასუხოდაც სამართალდამცველებმა ცეცხლი გახსნეს. ჯამში, ათობით ადამიანი დაიღუპა, მათ შორის იყვნენ პოლიციელებიც. ამ მოვლენების გამო სასამართლომ შვიდ ბრალდებულს მიუსაჯა სიკვდილით დასჯა, ერთს კი 15 წლიანი პატიმრობა. სწორედ ამ მოვლენების შემდეგ დაიწყო მშრომელთა საერთაშორისო დღის აღნიშვნა. როგორ აღნიშნავდნენ პირველ მაისს საბჭოთა კავშირში? მემარცხენე ორიენტაციის გამო პირველი მაისი ხშირად გამხდარა სხვადასხვა სოციალისტური, კომუნისტური და ანარქისტული ჯგუფის დემონსტრაციების ეპიცენტრი. ამ დღემ განსაკუთრებული მნიშვნელობა საბჭოშა კავშირში შეიძინა. საბჭოთა კავშირში პირველი მაისი, შეიძლება ითქვას, ,,წითელი კარნავალი“ იყო. დემონსტრაციები წმინდა პროპაგანდისტული ხასიათს ატარებდა და არ ყოფილა მიმართული მშრომელთა სოლიდარობისა და მშრომელთა უფლებების დაცვისკენ. საბჭოთა ეპოქის ადამიანებს კარგად ახსოვთ, თუ როგორ მიერეკებოდნენ წარმოება-დაწესებულებებიდან თუ სკოლებიდან ხალხს - ურიგებდნენ ტრანსფარანტებს, დროშებსა თუ ყვავილებს. მოედანზე შეკრებილებს საბჭოთა ჩინოვნიკები სახელდახელოდ მოწყობილი ტრიბუნიდან ხელს უქნევდნენ. იმართებოდა სახალხო სეირნობა, ქუჩაში გამოდიოდნენ მოცეკვავეები, მომღერლები. ერთი სიტყვით, პირველმაისობა სრულ ზარ-ზეიმში გამოიხატებოდა. ხელისუფლებას ცდილობდა ხალხისთვიის შეეხსენებინა, რომ მათ წითელი არმია უმაგრებდა ზურგს, რომ სოციალისტურ ქვეყნებში ყველაზე ბედნიერი მუშათა კლასი არსებობდა, სადაც არ ირღვეოდა მშრომელთა უფლებები. სწორედ ეს იყო საბჭოთა კავშირის ერთ-ერთი წამყვანი პროპაგანდისტული ხაზი. რეჟიმს დემონსტრაციებზე საზოგადოებისთვის სურდა ეჩვენებინა ამაყი, წელში გამართული საბჭოთა მშრომელი, რომელიც სრულ ჰარმონიაშია სახელმწიფოასთან და კმაყოფილია მისით. მეგალომანიით შეპყრობილი საბჭოთა კავშირი ცდილობდა მითოლოგიზირებული რეალობის შექმნას, რის გამოც მან პირველ მაისს შინაარსი გამოაცალა, საპროტესტო მუხტისგან დაწრიტა და და ეს დღე სტერილური, უშინაარსო გახადა. როგორ აღინიშნება პირველი მაისი საქართველოში დღეს? დამოუკიდებლობის აღდგენის შემდეგ პირველმა მაისმა თანდათან შეძლო პირველსაწყისი შინაარსისა და მნიშვნელობის დაბრუნება. მიუხედავად საბჭოთა კავშირის მიერ შემონახული დამახინჯებული სტერეოტიპებისა, პროფკავშირებისა და სამოქალაქო აქტივისტების ძალისხმევით, პირველი მაისი წითელი რეჟიმის მიერ ხელოვნურად თავსმოხვეული სადღესასწაულო განწყობიდან კვლავ საპროტესტო მუხტზე გადაერთო. ბოლო წლებში 1 მაისს საქართველოში იმართება აქცია-მსვლელობები და მასშტაბური დემონსტრაციები, რომლის დროსაც საზოგადოება სოლიდარობას გამოხატავს დასაქმებულების მიმართ და მოითხოვს ღირსეულ შრომით პირობებს.#შრომითიუფლებები #პროტესტი #საბჭოთაკავშირი #სოლიდარობა #აქცია #პროფკავშირი #tbilisidaily
Gori Daily
Gori · 2 months ago
რა რეგულაციები შეეხება გორიჯვრობას
როგორც ცნობილია, ხვალ 6 მაის გორიჯვრობაა, დღესასწაული, რომელიც დიდი ხალხმრავლობით აღინიშნება და მნიშვნელოვან ტრადიციას დღეობას წარმოადგენს, არა მხოლოდ გორელებისთვის არამედ მთლიანად გორის მუნიციპალიტეტისათვის. აღნიშნული დღესასწაული ასწლეულზე მეტისაა და გულისხმობს, გორის მახლობლად წმ. გიორგის სახელობის სალოცავის მოლოცვას და შინაური ცხოველების შეწირვას. საინტერესო ამ შემთხვევაში, ისაა თუ როგორ მოხერხდება აღნიშნული ტრადიციული დღეობის აღნიშვნა, კორონავირუსთან დაკავშირებით დაწესებული შეზღუდვების ფონზე. როგორც წესი, 6 მაისიდან გორიჯვართან მისასვლელი გზები იტვირთება, როგორც ფეხითმოსიარულეებისგან, ისე ავტომობილებისგან, თუმცა ჩვენთვის ცნობილია, რომ მასიური თავშეყრა აკრძალულია და დაჯარიმებას ექვემდებარება. ამასთან დაკავშირებით განცხადება გააკეთა შიდა ქართლის გუბერნატორმა: " „ხვალ, 6 მაისს, გიორგობას, გორიჯვრის ეკლესიისკენ ასასვლელი გზა საავტომობილო ტრანსპორტისთვის გადაიკეტება და ადგილზე მდგომარეობას საპოლიციო ძალები გააკონტროლებს. რაც შეეხება ქვეითებს, მომლოცველები ეკლესიაში ასვლას ფეხით შეძლებენ, თუმცა, ყველას მოუწევს ქვეყანაში შექმნილი საგანგებო მდგომარეობის პირობებში დაწესებული რეკომენდაციების დაცვა - ეს იქნება დისტანცია, ადამიანების შეკრების შეზღუდვა თუ დახურულ სივრცეში პირბადის გამოყენება“, - განაცხადა შიდა ქართლის გუბერნატორმა. მიუხედავად აღნიშნული განცხადებისა, ჩვენ გვახსოვს სასულიერო პირების და მრევლის დაუმორჩილებლობა თუ უარყოფითი დამოკიდებულება, საეკლესიო სადღესასწაულო რიტუალებთან დაკავშირებით, განსაკუთრებით, როდესაც საკითხი ზიარებას, ჯვარზე მთხვევას ან სააღდგომო დღეებში ღვთისმსახურებაზე დასწრებისგან თავის შეკავებას ეხებოდა. საყურადღებოა, თუ როგორ ჩაივლის ხვალინდელი დღე, რომელიც ტრადიციულად ხალხმრავლობით და გორიჯვრის ტაძრის მიდამოებში, სუფრის გაშლის სრულდებოდა ხოლმე.#გორი#დღესასწაული#რეგულაციები#შიდაქართლი#goridaily
Izabel Kiria
Darcheli · 3 months ago
20 მარტი - ბედნიერების საერთაშორისო დღე
🤗ბედნიერების საერთაშორისო დღე (International Day of Happiness) 20 მარტს აღინიშნება. ეს დღესასწაული დააწესა გაეროს გენერალურმა ასამბლეამ 2012 წელს, პატარა მთიანი ქვეყნის — ბუტანის ინიციატივით, რომლის მოქალაქეთა ეროვნული კეთილდღეობა მთლიანი ეროვნული ბედნიერების კოეფიციენტით იზომება. 🤗20 მარტი შემთხვევით არ აურჩევიათ — ეს არის გაზაფხულის ბუნიობის დღე, როცა მთელ დედამიწაზე დღე ღამეს უტოლდება და ამით დღესასწაულის ინიციატორებს იმის ხაზგასმა სურდათ, რომ პლანეტის ყველ ადამიანს თანაბრად აქვს უფლება – იყოს ბედნიერი. 👉წელს არცთუ ისე სახარბიელო პერიოდს დაემთხვა ეს დღე თუმცა, შემთხვევით ხომ არაფერი ხდება, აუცილებელია შევინარჩუნოთ პოზიტიური განწყობა, არ ავყვეთ პანიკას და ჩვენი წილი ბედნიერება გავუზიაროთ ჩვენს ირგვლივ მყოფთ 🤗😍 ❤აუცილებლად ყველაფერი კარგად იქნება 🤗❤#ბედნიერება #ბედნიერებისაერთაშორისოდღე#მარტი #20მარტი #კორონავირუსი🤛 #დარჩისახლში
Marneuli Daily
Kachaghani · 1 month ago
რომელ თარიღს ემთხვევა რამადანის დღესასწაული ?
წელს რამაზანის თვე 24 აპრილს დაიწყო და მუსლიმებიც მარხულობას შეუდგნენ. სრულიად საქართველოს მუსლიმანთა გაერთიანების შეიხი ჰაჯი რამინ იჯიდოვის განმარტებით, რამადანის დღესასწაული დიდი ალბათობით ხვალ, 24 მაისს აღინიშნება. რამაზანის თვეში ყველა მუსლიმი 29 დღის განმავლობაში მარხულობს და ლოცულობს. ამ თვის ბოლოს მუსულმანები რამადანის დღესასწაულს აღნიშნავენ. ისინი დღესასწაულზე ერთად ლოცულობენ. ლოცვის შემდეგ კი რამადანს აღნიშნავენ და ერთად იკრიბებიან. დღესასწაულის აუცილებელი რიტუალებიდან ერთ-ერთია ერთმანეთის ნახვა, ნათესავების მონახულება და შერიგება. ამ დღეს ყველა ვალდებულია გაჭირვებულებს დაეხმარონ. ისლამში რამაზანი ყველაზე წმინდა თვედ არის მიჩნეული. მას თერთმეტი თვის სულთანსაც უწდოებენ. მარხვა თავის ისტორიას ჰიჯრის კალნდრის მეორე წლიდან იღებს, როდესაც მუჰამედმა მედინეში ეს თვე დააწესა. ყურანში ამ ღამესთან დაკავშირებით აიათიც არსებობს. ამ თვეში განთიადიდან მზის ჩასვლამდე ყველა მუსლიმი მარხულობს. რამაზანის თვეში მარხულობა მუსლიმებს ჰიჯრს თარიღის მეორე წელს (622 წელს) დაუწესდათ. #რამაზანი #დღესასწაული #მარნეული #marneulidaily
Sokhumi Daily
Tbilisi · 1 month ago
23 მაისს სვიმონ კანანელის ხსენების დღესთან ერთად აფხაზეთობაც აღინიშნება
23 მაისს, სიმონ კანანელის ხსენების დღესთან ერთად აფხაზეთობაც აღინიშნება. ქართულ-აფხაზური თვითმყოფადობის დასტურად, გასულ წელს უწმინდესის და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის ილია მეორის ინიციატივით და ლოცვა კურთხევით 23 მაისი დადგინდა ,,აფხაზეთობის" დღედ. წმინდა სვიმონ კანანელის სახელობის ტაძარი მდებარეობს სოხუმთან ახლოს, ახალი ათონის ტერიტორიაზე, ივერიის მთაზე. მისი თავდაპირველი მშენებლობა VII-VIII საუკუნეებით თარიღდება, ხოლო დღევანდელი ნაგებობა ქართული ხუროთმოძღვრების IX-X საუკუნეების ნიმუშს წარმოადგენს. ქართული და უცხოური ისტორიული წყაროების თანახმად, იესო ქრისტეს მოწაფეებმა, წმინდა სვიმონ კანანელმა და წმინდა ანდრია პირველწოდებულმა, ახალი წელთაღრიცხვის I საუკუნეში პირველებმა იქადაგეს ქრისტიანობა სამხრეთ და დასავლეთ საქართველოში, მათ შორის აფხაზეთშიც. წმინდა მამათა გადმოცემით, ახალი წელთაღრიცხვის 55 წელს მოციქული წმინდა სვიმონ კანანელი წარმართებმა ჯვარზე გააკრეს და დაასაფლავეს ნიკოფსიაში, ისტორიული საქართველოს ჩრდილოეთ საზღვართან ახლოს. IV საუკუნეში მოციქულის სახელზე ახალ ათონში პატარა ეკლესია ააგეს, რომელიც სავარაუდოდ, ხის უნდა ყოფილიყო. მომდევნო საუკუნეებში აქ თეთრი თლილი ქვისგან ტაძარი ააშენეს, რომელსაც რესტავრაცია რამდენიმეჯერ ჩაუტარდა. დღეისათვის ტაძრის ფრესკული მოხატულობა შემორჩენილი არ არის. არქიტექტურული დეკორიდან ყურადღებას იქცევს ქრისტიანული სიმბოლოების — თევზის, ლომისა და ჯვრის რელიეფური გამოსახულებები. ასევე აფხაზეთში დღემდე შემორჩენილია მისი სალოცავი მღვიმე. ამჟამად, ეკლესია მოქმედია. 23 მაისს აქ ზეიმობენ წმინდა მოციქული სვიმონ კანანიტის დღესასწაულს. ამ დღეს ეკლესიაში ტარდება ღვთიური წირვა-ლოცვა. ათასობით მორწმუნე იყრის თავს აფხაზეთში, ქედს იხრის და სთხოვს ბედნიერებას ქორწინებაში, სიყვარულსა და კეთილდღეობაში. მართლმადიდებლურ ეკლესიაში მას აღიარებენ, როგორც ქორწინებისა და ოჯახის მფარველ წმინდანს.#აფხაზეთი #აფხაზეთობა #სვიმონკანანელი #დღესასწაული #sokhumidaily
კონემიკა საინფორმაციო
Tbilisi · 2 months ago
განსხვავებული გვირილობა ქუთაისში
2 მაისს ქუთაისში ყოველწლიურად აღინიშნება გვირილობა იგივე ქუთაისობა, თუმცა მიმდინარე მოვლენების გამო ამ დღის სათანადოდ აღნიშნვნა ვერ მოხერხდევა. პირველად ხვდება ქუთაისი ,,ორმაისობას” ასე ცარიელი. სახალხო დღესასწაული - ხალხის გარეშე, ძალიან უცნაურია... ამ ,,გვირილობის” დღეს, ყველაფერი აკლია ქუთაისს - ბევრი ფერი, ბევრი სტუმარი, კიდევ უფრო ბევრი იმერული კუდაბზიკობა და სხვანაირი ეშხი მიუხედავად ყველაფრისა, სწორედ ამ საშინელ სიჩუმეში, ,,ორმაისობის” დღესასწაული იმ ადამიანებს მიულოცეს, ვინც ყველაზე მეტად იბრძვის სიცოცხლის გადასარჩენად.#news#opinion#events #georgia#სიახლე#ქუთაისი#2მაისი#გვირილობა