როგორ დაასრულა სიცოცხლე ამ ფოტოს გადამღებმა?

ფოტოს ავტორია - კევინ კარტერი, რომელმაც პულიცერის პრემია მიიღო ფოტოსთვის “შიმშილობა სუდანში”. 1993 წლის 25 მარტს ფოტოგრაფი სუდანის ერთ-ერთ პატარა სოფელში ჩავიდა იქაურთა უმძიმესი ყოფის აღსაბეჭდავად. შიმშილით დახოცილი ხალხის გადაღებით დაქანცულმა სოფლის დატოვება გადაწყვიტა. უცებ მინდორში მოკუნტული პატარა გოგონა შენიშნა, რომელიც ჩუმად ტიროდა. ბავშვთან ახლოს სვავი დაეშვა. ფრინველი რომ არ დაეფრთხო, კარტერმა მარჯვე პოზიცია შეარჩია და ფოტო გადაიღო. ფოტო აფრიკაში უმძიმესი ვითარების სიმბოლოდ იქცა. კარტერი ძალიან ცნობილი გახდა, მაგრამ ნამდვილი აღიარება მოიპოვა ერთი წლის შემდეგ, როდესაც პულიცერის პრემიით დააჯილდოვეს. მეორე დღეს იოჰანესბურგში დაბრუნდა. იმ დროს შიმშილობა სუდანში გავრცელებული იყო. “ნიუ-იორკ თაიმსმა” შეიძინა ფოტო და 1993 წლის 23 მაისს გამოაქვეყნა. რამდენიმე დღეში რედაქცია გაივსო მკითხველთა წერილებით. რა ბედი ეწია ბავშვს? ამ კითხვის დასმას ცდილობდა ყველა ჟურნალისტი კარტერისათვის, რის შემდეგაც არაერთი თეორია შეიქმნა. ერთ-ერთი ვერსიის თანახმად, კარტერმა ფოტოს გადაღების შემდეგ, ბავშვი გადაარჩინა, ხოლო მეორე ვერსიით კი, ბავშვი სვავთან მარტო დატოვა. კითხვას ერთი კონკრეტული პასუხი დღემდე არ გასცემია. ფოტოგრაფი მძიმე დეპრესიაში ჩავარდა და სამწუხაროდ სიცოცხლე თვითმკვლელობით დაასრულა.