აშრაფ ჰაკიმის ტრანსფერი „ინტერში“ პრაქტიკულად შემდგარი ამბავია. 2010-იანების მიწურულს, მადრიდის „რეალის“ ხელმძღვანელობამ გაიაზრა, რომ სატრანსფერო ბაზარზე მარტო ხმაურიანი შენაძენის კი არა, სარფიანი გაყიდვის განხორციელებაც შესაძლებელია, რათა ფული შემდეგ სხვა ფეხბურთელის ყიდვისთვის გამოეყენებინათ. რეალურად, პირველი ხმაურიანი ტრანსფერი, როცა „რეალმა“ ფეხბურთელი ძვირად სხვა გუნდში გაყიდა - 2008 წელს შედგა, როდესაც რობინიო „მანჩესტერ სიტიში“ გადავიდა. იმ მომენტისთვის, ბრაზილიელ ფეხბურთელს გუნდის მთავარ მწვრთნელთან, ბერნდ შუსტერთან კონფლიქტი მოუვიდა და გერმანელმა სპეციალისტმა ხელმძღვანელობას რობინიოს გაყიდვის თხოვნით მიმართა. „ჩელსის“ მხრიდან გამოჩენილი ინტერესის გამო, ფეხბურთელის ფასმა საგრძნობლად იმატა, რის შედეგადაც, „სიტის“ მასში 43 მილიონი ევროს გადახდა მოუწია. მას შემდეგ, აშრაფის ტრანსფერის გათვალისწინებით, „რეალმა“ დაახლოებით 50 ფეხბურთელი გაყიდა და, საერთო ჯამში დაახლოებით 1 მილიარდი ევროც გამოიმუშავა (970.1 მილიონი ევრო). პირველობას არავის უთმობს კრიშტიანუ რონალდუ, რომლის შესაძენადაც „იუვენტუსს“ „რეალისთვის“ 100 მილიონი ევროს გადახდა მოუწია. თუმცა, არ უნდა დავივიწყოთ 75 მილიონი ევროც, რომელიც „მან.იუნაიტედმა“ ანხელ დი მარიაში გადაიხადა. ყველაზე დიდი სარგებელი „სამეფო კლუბს“ კანტერანომ, ალვარო მორატამ მოუტანა. თავიდან, ფეხბურთელში 22 მილიონი ევრო „იუვენტუსმა“ გადაიხადა, მოგვიანებით კი „ჩელსიმ“ ესპანელი ცხრიანის სანაცვლოდ 80 მილიონი ევრო არ დაინანა. შედეგად, მორატამ „რეალს“ გაყიდვებით 100 მილიონ ევროზე მეტი მოუტანა. ხმაურიანი ტრანსფერი იყო ასევე 2013 წელსაც, როცა „არსენალმა“ მესუთ იოზილში 47 მილიონი ევრო გადაიხადა, გასულ ზაფხულს კი „ჩელსის“ მატეო კოვაჩიჩი 45 მილიონი დაუჯდა. შესაბამისად, საუბრები იმაზე, რომ „რეალი“ ფეხბურთელებს ძვირად ყიდულობს და იაფად ყიდის, დიდი ხანია წარსულს ჩაბარდა. 2008/09 – „რეალმა“ ფეხბურთელების გაყიდვით 71 მილიონი ევრო გამოიმუშავა 2009/10 – 88.5 მილიონი ევრო 2010/11 – 10.5 მილიონი ევრო 2011/12 – 7 მილიონი ევრო 2012/13 – 36 მილიონი ევრო 2013/14 – 120.6 მილიონი ევრო 2014/15 – 121.5 მილიონი ევრო 2015/16 – 25 მილიონი ევრო 2016/17 – 37.2 მილიონი ევრო 2017/18 – 137 მილიონი ევრო 2018/19 – 100 მილიონი ევრო 2019/20 – 144 მილიონი ევრო აშრაფ ჰაკიმი - 40 მილიონი ევრო (დაუდასტურებელი). ჯამურად, თანხა, როგორც გითხარით 970.1 მილიონ ევროს შეადგენს.

🤯 ზუსტად 80 წლის წინ შეიქმნა ერთ-ერთი ყველაზე დამამახსოვრებელი და ცნობილი უარყოფითი პერსონაჟი, ჯოკერი.🤡🃏 🃏 ჩემი აზრით ლეჯერმა, ნიკოლსონმა და ფენიქსმა ის ლეგენდად აქციეს 🤫 მაგრამ ლეჯერი ნომერ პირველია ჩემთვის 🎖️ბოლო -ბოლო პირველი ოსკაროსანი ჯოკერია, რომელმაც ჯოკერის რეიტინგი ისე აწია, თვით ბეტმენსაც და ადამიან ობობასაც გადაუწსრო რეიტინგით 🤫 💥 ცოტა რამ ჯოკერის პერსონაჟის შესახებ 💥 🃏 სუპერბოროტმოქმედი ჯოკერი შექმნილია DC _ ის კომიქსების მიხედვით , როგორც ბეტმენის მტერი და მისი დებიუტი შედგა კომიქსში Batman #1 რომელიც გამოვიდა 1940 წელს. შემქმნელებმა ჯოკერის ძირითადი ვიზუალური მხარე აიღეს 1928 წელს გადაღებული ფილმიდან “ადამიანი რომელიც იცინის” 🤯 , სადაც ფილმის მთავარ გმირს არასწორად ჩატარებული ქირურგიული ოპერაციის შედეგად სახეზე მუდმივი ღიმილი აღბეჭდება და მას თეთრი გრიმის მეშვეობით ფარავს. ბეტმენის კომიქსის სცენარისტი ჯერი რობინსონი პირველ ნომერზე მუშაობდა როდესაც მან სამუშაო მაგიდაზე ჩვეულებრივი ჯოკრის კარტი შენიშნა, აი ასე შეიქმნა ეს გამორჩეული პერსონაჟი. 💛🤯 🤡 ჯოკერს ეძახიან კრიმინალური სამყაროს მასხარა პრინცის და სიძულვილის კლოუნს. თავიდან ის იყო სრულიად შეშლილი მკვლელი, ეშმაკისეული ინტელექტით და არაჩვეულებრივი იუმორის გრძნობით, რომელსაც არავინ ებრალება და არაფერს არ ნანობს ( კომიქსში იხსენებს თუ როგორ ააფეთქა საბავშო ბაღის ეზო). როდესაც კომიქსმა საოცარი პოპულარობა მოიპოვა ჯოკერის პერსონაჟი შეცვალეს ექსცენტრული, ხუმარა,მაგრამ უვნებელი ჯოკერით რის შემდეგაც შკარა გახდა რომ პირველ ჯერზე ბევრად პოპულარული იყო. 💥 🤯ჯოკერი განსხვავდება სხვა სუპერბოროტმოქმედებისაგან 💥. 💥პირველი, მას არ გააჩნია არანაირი სუპერ ძალა (ტელეკინესური, მაგიური და ა.შ) ჯოკერის ძალა მის სიგიჟეშია. მას არაფრის არ ეშინია რაც ახასიათებთ მხოლოდ შეშლილებს. მისი გეგმები იმდენად დახვეწილია, რომ მისი ამოხსნა გენიოსებსაც კი არ შეუძლიათ. მას არანორმალური გონება აქვს. მას არ გააჩნია საზღვარი, არანაირი შეზღუდვები და მორალი, მას შეუძლია ნებისმიერს უღალატოს და დასცინოს, თავის ტყვიით გახვრეტილ მუხლებსაც. ერთ-ერთმა ავტორმა ის მოიხსენია როგორც სუპერ-სწორადმოაზროვნე რომელსაც შეუძლია სწორად იაზროვნოს ამ შეშლილ და მუდმივად ცვალებად სასტიკ მსოფლიოში. 💥 🤯 მეორე, ჯოკერს არ გააჩნია არანაირი ლეგენდარული წინაისტორია,რაც ხსნის მის ჩამოყალიბებას როგორც ჯოკერი. სხვადასხვა ავტორები სხვადასხვანაირად ყვებიან მის ისტორიას, თვითონ ჯოკერი კი ამბობს:”არმახსოვს რა იყო წარსულში, მაგრამ ესე ნამდვილად არ ყოფილა… და თუ მაინც გაინტერესებთ ჩემი წარსული შემიძლია შემოგთავაზოთ მრავალგვარი და თქვენ აირჩიეთ” ამით ის გვაჩვენებს მის ამოუცნობ ძალას, წარმოქმნას ქაოსი და გაიკვლიოს გზა მასში თავისუფლად. 💥 💥🤡 მესამე ,ბოროტმოქმედები ცდილობენ უბრალოდ გაუსწორდნენ “ღამურას” (ბეტმენს) ჯოკერი მას უყურებს როგორც თითქმის მეგობარს, რომელთანაც სურს ითამაშოს დაუსრულებელი კატა-თაგვობანა.მისი მიზანი არ არის მოწინააღმდეგის განადგურება, მისი მიზანია თვითონ შეწინააღმდეგების პროცესი, მას უნდა აჩვენოს ბეტმენს რომ ისიც ისეთივე შეშლილია როგორც თვითონ, სარკისებური ანარეკლია ჯოკერისა. მისი გარეგნობა (თოვლივით თეთრი კანი, წითელი ტუჩები, მწვანე თმები, იასამნისფერი კოსტუმი) და გენიალური მაგრამ შეშლილი გონება, აქცევს მას დაუვიწყარ პერსონაჟად, ის არ კარგავს ფანებს უკვე 70 წელია. 🤡🤯 🤡🃏 ჟურნალ Wizard-ის გამოკითხვებით ჯოკერი 100 ყველა დროის საუკეთესო დამნაშავეს შორის პირველ ადგილზე გავიდა. მეორე ადგილზე გავიდა IGN-ის გამოკითხვებში, სახელწოდებით ”კომიქსების 100 ყველა დროის საუკეთესო ბოროტმოქმედი” . მერვე ადგილი დაიკვა ჟურნალ Empire-ს გამოკითხვაში – ისტორიაში არსებული კომიქსების საუკეთესო ქმნილებები (თუმცა სუპერბოროტმოქმედებს შორის მან პირველი ადგილი აიღო). ყველა დროის, კომიქსებში გამოგონილ სუპერბოროტმოქმედებს შორის, ჯოკერს მსოფლიო გამოკითხვებით პირველი ადგილი უკავია. 🤡🃏 🎖️💛 ჰიტ ლედჯერი გახდა პირველი მსახიობი რომელმაც კომიქსის მიხედვით გადაღებულ ფილმში მონაწილეობისთვის მიიღო ოსკარი.ოსკარის მისაღებად გარდაცვლილი მსახიობის მაგივრად გამოვიდნენ მისი მამა, დედა და და. ლედჯერის ჯოკერის წყალობით ფილმმა უდიდესი მოგება ნახა. 2009 წელს განიხილებოდა ოსკარზე წარდგენილი ფილმების რიცხვის გაზრდა, რადგან ხალხი გამოთქვამდა პროტესტს იმის გამო, რომ 2008 წელს “ბნელ რაინდს” ოსკარი არ მიენიჭა. ფილმმა 21-ე საუკუნის საუკეთესო ფილმის წოდებაც კი მიიღო. მთავარი სენსაცია კი ის არის, რომ ჯოკერმა რეიტინგით გაუსწრო თვით ბეტმენს, ადამიან-ობობას და სუპერმენს.🎖️💛#joker #hollywood #news #goodplaces #photo #art #opinion #business #design Tbilisi Kutaisi Batumi

ერთ-ერთი ყველაზე რომანტიკული სიმღერის Besame mucho-ს ავტორი გახლდათ კონსუელო ველასკესი(1916-2005წწ), რომელმაც იგი 19 წლის ასაკში დაწერა.იმ დროისთვის კონსუელო იყო კათოლიკური სკოლის ახალი კურსდამთავრებული და მთელს თავისუფალ დროს სიმღერების შექმნას ანდომებდა,ვაჟთა საზოგადოებისთვის არ ეცალა. მისი ერთ-ერთი პირველი სიმღერა Besame mucho მოისმინა მომავალმა პროდიუსერმა მარიანო რევერამ და სიღერასთან ერთად ხელიც სთხოვა.მორცხვმა კონსუელომ თანხმობა განაცხადა ,ქორწილი შედგა. წყვილი ბევრს მოგზაურობდა.ამერიკაში ყოფნის დროს კონსუელომ გაიცნო კინოს ამომავალი ვარსკვლავი გრეგორი პეკი(1916-2003წწ)მან სთხოვა ქალბატონს ემღერა სახელგანთქმული სიმღერა მსახიობებისთვის მოწყობილ საღამოებზე.გრეგორი პეკი იმდენად იყო მოხიბლული კონსუელოთო რომ ცოლის მიტოვებას და ეშხიანი მექსიკელის ცოლად შერთვას აპირებდა,თუმცა ერთგული კონსუელო თანახმა არ იყო. როგორც სჩანს ქალბატონი გულგრილი არ ყოფილა გრეგორის მიმართ რადგან ამის შემდეგ შეიქმნა ლეგენდა, თითქოსდა კონსუელო როცა წერდა სიმღერებს მისთვის უკვე დაკარგული სიყვარულის სურათს დაჰყურებდა.

რამდენიმე თვიანი წარუმატებელი მცდელობის შემდეგ, ირანის ხელისუფლებამ პირველი სადაზვერვო სატელიტური თანამგზავრი გაუშვა. ოფიციალური ვაშინგტონი კი აღნიშნულს ირანის სარაკეტო პროგრამის ნაწილად მიიჩნევს. „ირანის ისლამური რევოლუციის გუშაგთა კორპუსმა პირველ ირანული სატელიტური თანამგზავრი წარმატებით გაუშვა ორბიტაზე“, - ნათქვამია ამავე ორგანიზაციის განცხადებაში. Nour-ის სახელით ცნობილი თანამგზავრი ირანში მდებარე ე.წ. მარკაზის უდაბნოდან გაუშვეს და ის ორბიტაზე, დედამიწის ზედაპირიდან 425 კმ-ზე განთავსდება. მსოფლიოში არსებული კორონავირუსული პანდემიისა და ნავთობის უპრეცედენტოდ დაბალი ფასების პარალელურად სატელიტური რაკეტის გაშვება, ირანის მხრიდან ახალ რისკებზე წასვლის მზადყოფნაზე მიუთითებს. საკითხის სპეციალისტთა მოსაზრებით, აშშ-ის მხრიდან „მაქსიმალური ზეწოლის კამპანიის ფარგლებში, ირანს დასაკარგი ბევრი არაფერი აქვს“. აქვე აღსანიშნავია, რომ „ირანის ისლამური რევოლუციის გუშაგთა კორპუსმა“ პირველად აიღო კრედიტი, სამხედრო სატელიტის გასაშვებად. რაკეტის სპეციფიკიდან გამომდინარე, დანადგარი სადაზვერვო საქმიანობის საწარმოებლად, ასევე სახმელეთო და საზღვაო ძალების ნავიგაციისთვის საჭირო უსაფრთხო კომუნიკაციის უზრუნველსაყოფად იქნება გამოყენებული. ირანს მანამდე სატელიტური თანამგზავრის გაშვების რამდენიმე წარუმატებელი მცდელობა ჰქონდა. უკანასკნელად ეს თებერვალში მოხდა, როდესაც საკომუნიკაციო სატელიტი Zafar 1-ს გაშვება ვერ შედგა. ოფიციალური თეირანის სატელიტური პროგრამის გამო შეშფოთებას გამოხატავს შეერთებული შტატები. ვაშინგტონში აცხადებენ, რომ აღნიშნული ბალისტიკური სარაკეტო პროგრამის ნაწილს წარმოადგენს, ხოლო ირანი აღნიშნულს უარყოფს და ამბობს, რომ საჰაერო-კოსმოსური სივრცის აქტივობებს მშვიდობიანი მიზნები აქვს, რომელიც გაეროს უშიშროების საბჭოს რეზოლუციას შეესაბამება. ზემოხსენებულს პარალელურად, აშშ-ის პრეზიდენტმა დონალდ ტრამპმა განაცხადა, რომ შეერთებული შტატების საზღვაო ძალები ნებისმიერი იმ ტიპის ირანულ შეიარაღებას „ჩამოაგდებენ ან გაანადგურებენ“, რომელიც საფრთხეს შეუქმნის ამერიკულ ხომალდებს. ირანსა და აშშ-ს შორის ურთიერთობები განსაკუთრებით იანვარში გამწვავდა, როდესაც ვაშინგტონმა „ირანის ისლამური რევოლუციის გუშაგთა კორპუსის“ ე.წ. ყუდსის დანაყოფის ლიდერის ყასემ სოლეიმანის ლიკვიდაცია განახორციელა. მომზადებულია რატი ერისთავის მიერ.#USA #Iran #conflict #rocket #satellite #headline

ისტორიულად მოდის ინდუსტრია განსხვავებული სექსუალური იდენტობის და ორიენტაციის ადამიანების მიმართ ტოლერანტული იყო, თუმცა წარმატებული ტრანსგენდერი მოდელები გასული ათწლეულის აღმოჩენაა, განსაკუთრებით ტრანსგენდერი კაცები, რომლებიც კიდევ უფრო იშვიათები იყვნენ, ვიდრე ქალები. თვალი გადავავლოთ 5 მოქმედ წარმატებულ ტრანსგენდერ მოდელს. Teddy Quinlivan მოდელების საერთაშორისო რეიტინგში ტოპ 50 მოდელში მოხსენიებული ტედი ქუინლივანი პოდიუმზე მომენტის ყველაზე წარმატებული ტრანსგენდერი სახეა. ტედი 2015 წელს აღმოაჩინეს. ის ლუი ვიტონის ექსკლუზიური მოდელი გახდა. მაშინ მისი სექსუალური იდენტობა ცნობილი არ იყო. ქუინლივანის დიდი აღიარება 2017 წელს შედგა. გასულ წელს ტედი ისტორიაში შევიდა, როგორც შანელის კოსმეტიკის ხაზის პირველი ტრანსგენდერი სახე. Valentina Sampaio ვალენტინა სამპაიო ბრაზილიაში დაიბადა. ვალენტინამ სამოდელო კარიერა 2014 წელს დაიწყო. 2017 წლის თებერვალში ბრაზილიელი გახდა პირველი ტრანსგენდერი მოდელი, რომელიც პარიზის ვოგმა გარეკანზე დაბეჭდა. 2019 წელს სამპაიო კიდევ ერთხელ შევიდა ისტორიაში, ის ვიქტორია სეკრეტის პირველი ტრანსგენდერი მოდელი გახდა. გარდა ვოგის და ვიქტორია სეკრეტისა, ვალენტინას კონტრაქტი აქვს კოსმეტიკის გიგანტთან, ლორეალთან. Hunter Schafer ჰანტერ შაფერის შესახებ საზოგადოების უმრავლესობამ სერიალ ეიფორიადან გაიგო. სერიალში ჯულსი, რეალურ ცხოვრებაში მარჯიელას, დიორის და მიუ მიუს ტოპ მოდელია. Nathan Westling ნეითან უესტლინგი ამერიკაში 1996 წელს დაიბადა, როგორც ნატალი უესტლინგი. მისი სამოდელო კარიერა 2014 წელს დაიწყო. 5 წლის განმავლობაში, ნეითანმა, როგორც ნატალიმ, ცნობილი ბრენდების დიდ ნაწილთან ითანამშრომლა. ის იყო პრადას, შანელის, მარკ ჯეიკობსის სახე და ჟან პოლ გოტიეს ექსკლუზიური მოდელი. 2019 წელს უესტლინგმა სქესი შეიცვალა. ამერიკელმა მოდაში მუშაობა კვლავ გააგრძელა, თუმცა 2019 წლიდან ის მონაწილეობას იღებს მამაკაცის კოლექციების ჩვენებებში და მოღვაწეობს, როგორც მამაკაცი მოდელი. Krow Kian ტედი ქუინლივანის ისტორიის მსგავსად, ქროუ კიანის კარიერაშიც დიდი აღიარება ლუი ვიტონის შემდეგ დადგა. 23 წლის მოდელმა ლუი ვიტონის 2020 წლის გაზაფხული/ზაფხულის კოლექციის ჩვენება გახსნა. ის იყო პირველი ტრანსგენდერი კაცი, რომელმაც ასეთი მაღალი დონის შოუ გახსნა. #წარმატებულიტრანსგენდერიმოდელები #მოდა #მოდელები #დიზაინი #ტოპმოდელები Tbilisi

17 მაისი ჰომოფობიასთან, ტრანსფობიასა და ბიფობიასთან ბრძოლის საერთაშორისო დღეა. ჰომოფობიასთან ბრძოლის დღის აღნიშვნას ათწლეულზე დიდი ისტორია აქვს და სათავეს ჯერ კიდევ 90-იანი წლებიდან იღებს, თუმცა ოფიციალურად, 17 მაისს, როგორც ლგბტ+ ადამიანებზე ცნობიერების ასამაღლებელ და მათ წინააღმდეგ ძალადობის დასაგმობ დღესასწაულს, საფუძველი 2004 წლიდან ჩაეყარა. დღეს 2020 წლის 17 მაისია.თვალი გადავავლოთ ინდუსტრიის 5 მოქმედ წარმატებულ ლესბოსელ და ბისექსუალ მოდელს. Freja Beha Erichsen დანიელი მოდელი, რომლის დებიუტი 2005 წელს შედგა, მაღალი მოდის შეუცვლელი სახეა. კარლ ლაგერფელდის და მიუჩია პრადას მუზას, ფრეა ბეა ერიქსენს კარიერის დასაწყისში მოდის ახალ აკვიატებას უწოდებდნენ, მაგრამ მან დაამტკიცა, რომ არასდროს ყოფილა მოდის „მორიგი აკვიატება“. ფრეა ბეას საკულტო კარიერა 15 წელს ითვლის. ერიქსენი ლესბოსელია. ის სოც. ქსელებს არ იყენებს და გლამურულ წვეულებებზე იშვიათად ჩნდება, თუმცა ქალებთან მისი რომანები გულშემატკივრებს ყურადღების მიღმა არასდროს რჩებოდათ. Cara Delevingne 27 წლის ასაკში კარა დელევინი მსოფლიოში ერთ-ერთი ყველაზე ცნობილი, მდიდარი და წარმატებული მოდელია. ბრიტანელმა ტოპ მოდელმა სამოდელო კარიერა 2010-იან წლებში დაიწყო. დასამახსოვრებელი გარეგნობით, იუმორით და პიროვნულობით, კარამ ძალიან მალე შეძლო ადამიანების გულის მოგება. ის ერთადერთი მოდელია, რომელსაც შანელის ჩვენება რვაჯერ აქვს გახსნილი. კარას პირად ცხოვრებაში არაერთი ცნობილი ქალი იყო. ბოლოს მას ურთიერთობა ჰქონდა მსახიობ ეშლი ბენსონთან, რომელსაც ერთი თვის წინ დაშორდა. Stella Maxwell 2014 წელს სტელა მაქსველი ვიქტორია სეკრეტის შოუში პირველად გამოჩნდა. 2015 წელს მაქსველი ბრენდის კონტრაქტიანი ანგელოზი გახდა. ის ამ სტატუსს დღემდე ინარჩუნებს. 2016 წელს, მაქსიმის გამოკითხვაში, სტელამ ყველაზე სექსუალური ქალების რეიტინგში #1 ადგილი დაიკავა. 2016 – 2019 წლებში სტელა მსახიობ კრისტენ სტიურტს ხვდებოდა. ის ვიქტორია სეკრეტის პირველი ანგელოზი იყო, რომელიც მდედრობითი სქესის წარმომადგენელს ღიად ხვდებოდა. Catherine McNeil მოდელების საერთაშორისო რეიტინგში ქეტრინ მაკნილი საკულტო სახეების რეიტინგშია მოხსენიებული, რაც ხაზს უსვამს მისი შესანიშნავი კარიერის ხანგრძლივობას. ავსტრალიელი მოდელის დებიუტი 2007 წელს შედგა. ერთ სეზონზე 50-ზე მეტი ტოპ შოუთი, Fashion TV – მ მაკნილი სამოდელო ბიზნესის ტოპ 10 ახალ სახეში დაასახელა. მას შემდეგ 10 წელზე მეტი გავიდა, თუმცა ქეტრინი კვლავ მოთხოვნადი სახეა. ის ბისექსუალია. 2009 წელს ქეთრინი მსახიობ რუბი როუზთან ერთად დააფიქსირეს, წყვილი ერთმანეთს კოცნიდა. 2013 წელს ავსტრალიელს რომანტიკული ურთიერთობა ჰქონდა მამაკაც მოდელთან, რომელთან დაშორების შემდეგ, არჩევანი კვლავ მდედრობითი სქესის ქალ მოდელზე შეაჩერა. Vittoria Ceretti იტალიური მოდის მომენტის მთავარი სახე გასული 5 წლის ყველაზე დიდი აღმოჩენაა. 18 წლის ასაკში ვიტორია ჩერეტიმ, ინსტაგრამზე მილიონიანი არმიის და ცნობილი ოჯახის გარეშე, შეუძლებელი შეძლო – ვოგის ოთხივე გავლენიანი გამოცემის ყდაზე დაიბეჭდა. ვიტორია მხოლოდ 21 წლის არის, თუმცა უკვე მოახერხა ინდუსტრიის ერთ-ერთი ყველაზე ღირებული მოდელი გამხდარიყო. შანელის, ვერსაჩეს, დოლჩე&გაბანას, დიორის, მისონის, ფერეტის, ზარას, მაკქუინის, მოსკინოს სახე ახალი თაობის ერთ-ერთი ყველაზე განსაკუთრებული ტოპ მოდელია. ვიტორია ბისექსუალია. 2017-2018 წლებში ჩერეტი ნატალი უესთლინგს ხვდებოდა. წყვილი შანელის კამპანიაში ერთად გადაიღეს.#Fashion #design #Models #Fashinindustry

დატბორილი პირველი სართულები, მაღაზიები და ავტომანქანები - ეს ხელვაჩაურის მუნიციპალიტეტის სოფელ სალიბაურში ადიდებული მდინარის შედეგია. მოსახლეობა ამბობს, რომ დატბორვა მაგისტრალზე მიმდინარე სამუშაოებმა გამოიწვია, რომლის ფარგლებში კომპანია „პოლატმა“ მდინარეს დროებით შეუცვალა კალაპოტი. სოფელში აცხადებენ, რომ დაზარალებულია 12 ოჯახი. მოსახლეობა ზარალის ანაზღაურებას ითხოვს კომპანიისგან და, ასევე, ატალახებული ტერიტორიის გაწმენდას. ხელვაჩაურის მერი ჯუმბერ ვარდმანიძე ამბობს, რომ გზის მშენებელ კომპანია „პოლატთან“ მოლაპარაკება ზარალის ანაზღაურებაზე შედგა. "უხვმა ნალექმა გამოიწვია პატარა მდინარის ადიდება, ოთხი მანქანა დაიტბორა, მაღაზიაში შევიდა წყალი, მეპატრონეები დაზარალდნენ. ყველაფერი აღიწერება და კომპანიის მიერ, მესამე პირის დაზარალებასთან დაკავშირებით, სადაზღვევო კომპანიის მეშვეობით მოხდება ზარალის ანაზღაურება. მანქანა ავიდა, ტერიტორიას გადარეცხავენ“, – ამბობს ხელვაჩაურის მერი. კომპანია „პოლატი“ ბათუმის შემოვლითი ახალი გზის 13-კილომეტრიან მონაკვეთს აშენებს.

კლოდ ოსკარ მონე- პარიზში დაბადებული მხატვარი, რომელსაც იმპრესიონიზმის მშობელი შეგვიძლია ვუწოდოთ. როდესაც მონეს დედა დაეღუპა, მისი აღზრდა თავის თავზე დეიდამისმა აიღო. მერი-ჟანი მხატვარი იყო. ტერმინი „იმპრესიონიზმი“ ემყარება კლოდ მონეს ტილოს, რომლის სახელია: „შთაბეჭდილება, მზის ამოსვლა“.. impression ხომ შთაბეჭდილებას ნიშნავს. მან ეს ტილო ჰავრის სასტუმრო „ამიროტეს“ ფანჯრიდან დახატა. სასტუმროს ოთახის ფანჯრიდან პორტი ჩანდა. ეს სწორედ ის ნახატია, რომელსაც დღეც უნდა დააკვირდეთ და ღამეც. რატომ? იმიტომ, რომ დღე-ღამის მონაკვეთში ის სხვადასხვაგვარად აღიქმება. მის სახელზე არაერთი ცნობილი ნახატია: „საუზმე მდელოზე“, „ქალი მწვანეში“, „ქალი ქოლგით“. ერთ-ერთი ყველაზე საინტერესო ფაქტი კი ის არის, რომ კლოდის მეუღლე სწორედ ის ქალი გახდა, ვინც ადრე დახატა. დღეს ეს ნამუშევარი ცნობილია სახელით: „ქალი მწვანეში“. მშვენიერი მოდელი, რომელმაც მხატვრის გული დაიპყრო კამილა დონისეა. მონე იყო გამოუსწორებელი რომანტიკოსი და სიყვარული იყო მისი მუზა. მათი სიყვარული გაჭირვებას ამარცხებდა. მონეს ებრძოდნენ მისი ხედვის გამო. ცდილობდნენ დაემტკიცებინათ, რომ მეწამულ-ვარდისფერი ცა და ნისლი შეუძლებელია არსებობდეს. გამოფენა კრიტიკოსთა მიუხედავად მაინც შედგა და როდესაც დამთვარიელებლები გარეთ გამოვიდნენ, აღმოაჩინეს, რომ ცა ზუსტად ისეთი ფერი იყო, როგორც მონეს ნახატზე. ამ უცნაურმა დამთხვევამ კრიტიკოსები გააჩუმა. ეს მოვლენა გახდა იმის მიზეზი, რომ ადამიანებს მხატვრისთვის „ლონდონური ნისლის შემქმნელიც“ ეწოდებინათ. მონეს სიყვარულის ისტორია ტრაგიკული დასასრულისკენ მიიწევდა. მეორე შვილზე მშობიარობის შემდეგ კამილა ავადმყოფობდა, დასუსტდა და გარდაიცვალა. ამბობენ, რომ "ქალი ქოლგით", სწორედ ის არის და რომ ნახატზე მონეს ვაჟიცაა გამოსახული. 40 წლის ასაკში მოვლილი ჰქონდა მსოფლიო და მის ნამუშევრებს უკვე ბევრი ადამიანი აღმერთებდა. მოგვიანებით მონეს ცხოვრებაში გამოჩნდა მრავალშვილიანი მარტოხელა ქალი სახელად ალისა, რომელთან ერთადაც ცხოვრობდა. დროთა განმავლობაში მხატვრის მხედველობა გაუარესდა. 85 წლის მონე მარტოსულია, რადგან მეორე მეუღლე და შვილი ხელიდან გამოეცალა. განსაკუთრებით უყვარს ბაღები და ერთ წელიწადში თავადაც მიდის უფალთან. იცოდით? რომ კლოდ მონემ პირველი ცოლის გარდაცვალებით გამოწვეული ტრაგედიაც ნახატზე გადაიტანა. დიახ. სუდარის ქვეშ დახატული ქალი- კამილაა. მონე მხოლოდ ნახატებით კი არ ახერხებდა სულიერი განცდების გადმოცემას. ეს მისი სიტყვებია, რომელიც თქვენს ყურადღებას იმსახურებს: ”სამწუხაროდ, რაც უფრო შორს მივდივარ, მით მეტად მიჭირს იმის გადმოცემა, რასაც განვიცდი. ამიტომ ჩემს თავს ვეუბნები: ის ვინც ამბობს რომ დაასრულა ტილოზე მუშაობა, დიდი ამპარტავანია. დასრულება უნდა ნიშნავდეს იმას, რომ მხატვარმა მიაღწია ჭეშმარიტ სრულყოფას”.#კლოდმონე #ფაქტები #სიყვარულისისტორია #ოჯახი #ნახატები #ხელოვნება Tbilisi

ინდუსტრიაში ახალი საინტერესო თანამშრომლობა შედგა. რამდენადაც კოლაბორაცია თანამედროვე მოდის ყველაზე ხშირად გამოყენებადი სიტყვაა, იმდენად დიდია ინტერესი ყოველი მომდევნო სიახლის მიმართ, რომელიც სასურველ პროდუქტს გვთავაზობს. მითუმეტეს, თუ საქმე არტისტის და ბრენდის კოლაბორაციას ეხება. CHARLES & KEITH ახალი კაპსულა კოლექციის შესაქმნელად, თანამედროვე არტისტთან, ოამულ ლუსთან გაერთიანდა. შედეგად შეიქმნა ფერადი, მსუბუქი, ჰაეროვანი და ფემინური კოლექცია, რომელიც ექსკლუზიური და ლიმიტირებულია. ის აერთიანებს: ხელჩანთას, მხარზე გადასაკიდებელ ჩანთას, პასპორტის ჩასადებსა და საფულეს. სარეკლამო ფოტოებისთვის თვალის შევლებაც საკმარისია, რომ ფოტოების მიღმა შთაგონების წყაროდ ბუნება, სუფთა ჰაერი და ქარის ელემენტები დავინახოთ. ოამული საკმაოდ ცნობილი ილუსტრატორია, რომლის ხელწერაც ხშირად უცნაური, თუმცა ძალიან რომანტიკულია. ინსტაგრამსა და ვეიბოზე მისი ნამუშევრები დიდი პოპულარობით სარგებლობს. CHARLES & KEITH -ისა და ოამულის ახალი კოლაბორაციის შესაძენათ შეგიძლიათ ეწვიოთ CHARLES & KEITH – ის ოფიციალურ მაღაზიებს თბილისი მოლში, ისთ ფოინთსა და სითი მოლში, საბურთალოზე. რაც შეეხება ბრენდის ისტორიას, CHARLES & KEITH უკვე 20 წელზე მეტია არსებობს. ის 1996 წელს დაარსდა, ხოლო საქართველოში პირველი მაღაზია 2012 წელს თბილისი მოლში გაიხსნა. ბრენდის მთავარი ფოკუსი სწორედ ქალია. ის წარმოადგენს ჩვენზე მორგებული ფეხსაცმლის, ჩანთების, სათვალეებისა და აქსესუარების სრული სპექტრს.#ჩარლზენდქეით #ახალიკოლაბორაცია #მოდა #დიზაინი #ბრენდი Tbilisi