კორონავირუსის გამო, დედამიწის მოსახლეობის ნახევარი იზოლაციაშია

მთელი მსოფლიოს მაშტაბით, 3,9 მილიარდი ადამიანი, დედამიწის მოსახლეობის თითქმის ნახევარი ახალი კორონავირუსის გამო იზოლაციაშია. ინფორმაციას ფრანგული გამოცემა „აეფპე“ ავრცელებს. „კოვიდ 19“-ის პრევენციის გამო, მსოფლიოს 90-ზე მეტ ქვეყანაში საგანგებო მდგომარეობაა გამოცხადებული, ქვეყნების უმრავლესობაში დაწესებულია კომენდანტის საათი. ბოლო მონაცემებით, მთელ მსოფლიოში კორონავირუსით 965 246 ადამიანია ინფიცირებული. ვირუსით 49 236 ადამიანი დაიღუპა. „კოვიდ 19“-ისგან 203 007 პაციენტი განიკურნა.