კორონავირუსით ინფიცირების ორი ახალი შემთხვევიდან ერთის წყარო უცნობია

კორონავირუსით ინფიცირების ორი ახალი შემთხვევიდან ერთი დადასტურებულ შემთხვევასთან კონტაქტია, მეორე ინფიცირების წყაროს კვლევა მიმდინარეობს, - ამის შესახებ ჟურნალისტებს თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განუცხადა. მისივე თქმით, ამჟამად კოვიდცენტრებში 241პაციენტი მკურნალობს. გამოჯანმრთელებულთა პროცენტული მაჩვენებელი 81,5%-ს შეადგენს, ხოლო გარდაცვლილთა მაჩვენებელი 1,44%-ია. საქართველოში კორონავირუსის 2 ახალი შემთხვევა გამოვლინდა, 4 კი გამოჯანმრთელდა. ქვეყანაში რეგისტრირებულია კორონავირუსის 1 179 შემთხვევა. გამოჯანმრთელებულთა რაოდენობა 959-ს შეადგენს.