6 votes
0 comments
0 shares
Save
6 views
Mariam Abashidze
Tbilisi · 1 year ago

"ჩვენს თაობაში მოდელები ერთმანეთს გვერდში ვედექით, ვეხმარებოდით. ლინდა ევანჯელისტამ და კრისტი ტორლინგტონმა დოლჩე&გაბანას უთხრეს: 'თუ ნაომის არ აიყვანთ, არც ჩვენ გამოვალთ', დღეს იგივეს ვერ ვხედავ, ამიტომ მოვუწოდებ ახალ გოგონებს, რომ ერთმანეთს მხარი დაუჭირონ."- ნაომი ქემბელი.


Mariam Abashidze
Tbilisi · 1 year ago
Similar Posts
Nino Kakulia
Poti · 2 months ago
კაცები მიდიან, ბრილიანტები კი რჩება _ შავი პანტერა ნაომი კემპბელი
💥 სამოდელე ბიზნესში ნაომი შემთხვევით მოხვდა. როდესაც 15 წლის იყო და ცნობილ Covent Garden Park-ში სეირნობდა, მას ყურადღება მიაქცია სამოდელო სააგენტო Elite-ის თანამშრომელმა ბეტ ბოლდტმა. მან თვალი ვერ მოწყვიტა ნაომის იდეალურ ტან-ფეხს, ეგზოტიკურ შესახედაობასა და განუმეორებელ პლასტიკას. ბეტმა ნაომი კასტინგზე მიიწვია და უკვე რამდენიმე თვეში ნაომი ცნობილი მოდელი გახდა. ❤️ 💥 80-იანი წლების დასასრულს ნაომი დაუმეგობრდა სახელგანთქმულ მოდელებს — კრისტი ტარლინგტონს, ლინდა ევანგელისტას და შეიქმნა ცნობილი „სამეული“, რომელიც ხშირად ერთად მონაწილეობდა ჩვენებებში. ❤️ 💥 1988 წელს ივ სენ-ლორანი დაემუქრა ჟურნალ Vogue-ს, რომ ის მოხსნიდა საკუთარი ბრენდის რეკლამას ჟურნალიდან, თუ მის ყდაზე ნაომის ფოტოს არ გამოაქვეყნებდნენ. ❤️ 💥 1994 წელს ნაომიმ გამოუშვა თავისი პირველი მუსიკალური ალბომი — Baby Woman. ბრიტანეთში ის გააკრიტიკეს, თუმცა იაპონიაში 2 მილიონზე მეტი ეგზემპლარი გაიყიდა. ხოლო ნაომის მომღერალ ტოშიბა კუბოტასთან ერთად დაწერილი სიმღერა — La La La Love Song ნამდვილი ჰიტი გახდა ❤️ 💥 2012 წელს, როდესაც ნაომიმ ბოლო ჩვენებაში მიიღო მონაწილეობა, მოდის მეტრმა რობერტო კოვალიმ განაცხადა: „რომ არსებობდეს „ოსკარი“ მსოფლიოში საუკეთესო მოდელისთვის, მე დაუფიქრებლად გადავცემდი მას ნაომი კემპბელს“… ❤️ 💥 ნაომის დიდი ხნის მეგობრობა აკავშირებდა ნელსონ მანდელასთან და მას „ბაბუასაც“ კი ეძახდა. ნელსონ მანდელა კი ნაომის „საპატიო შვილიშვილს“ უწოდებდა. ❤️ 💥 ის თანამშრომლობს დალაი ლამასთან, აგროვებს სახსრებს ბავშვებისთვის და მოხუცებისთვის. ❤️ 💥 ნაომიმ შექმნა საქველმოქმედო ფონდი Fashion for Relief, რომელიც ეხმარება სტიქიური უბედურებებისგან დაზარალებულებს. ❤️#fashion #naomicampbell #opinion #facts #goodplaces #photo #art
საბრალდებო დასკვნა
Tbilisi · 13 hours ago
რატომ მოიკლა თავი სერგო ორჯონიკიძემ სტალინთან შეხვედრის შემდეგ
1917 წლის 28 ნოემბერს ლენინმა „სმოლნის“ სასახლეში კომუნისტური პარტიის (ბოლშევიკთა) პოლიტბიუროს გაფართოებული სხდომა მოიწვია, რომელსაც სპეციალური სტატუსით პოლიტბიუროს არაწევრებიც ესწრებოდნენ. იმ პერიოდში რუსეთის დედაქალაქი ჯერ კიდევ პეტროგრადში მდებარეობდა და ახალი რევოლუციური მთავრობა სწორედ იქ იყო დაბანაკებული. ამ სხდომის მთავარი საკითხი მთავრობის ფორმირება გახლდათ და პოლიტბიუროს არაწევრებიც ამიტომ ესწრებოდნენ. ლენინის წინადადებით, რომელიც ერთხმად იქნა მიღებული, შეიქმნა სახალხო კომისიათა (მინისტრთა) საბჭო. ასევე, ერთხმად დაამტკიცეს ამ ორგანოს თავმჯდომარედ ლენინი, ხოლო სახალხო კომისართა (მინისტრთა) დამტკიცებისას, დამსწრეთა ხმები გაიყო. მწვავე დისკუსია გაიმართა, რომელიც ლამის ხელჩართულ ბრძოლაში გადაიზარდა და რომ არა ლენინის ავტორიტეტი, ვინ იცის, რა მოხდებოდა. მწვავე კამათის პირველი მიზეზი ლევ ტროცკის სამხედრო საქმეთა სახალხო კომისრის პოსტზე წარდგენა იყო. ის იაკობ სვერდლოვმა წარადგინა, რაზეც, მართალია, უხალისოდ, მაგრამ ლენინიც დაეთანხმა. თუმცა, იმ პერიოდში ტროცკისთან დაპირისპირებულმა კამენევმა და ზინოვიევმა, ტროცკის ამ პოსტზე დანიშვნაზე სასტიკი უარი განაცხადეს და ეს ლევ ბრონშტეინის (ტროცკის) გამოუცდელობით ახსნეს. თან, შემხვედრი წინადადება შემოიტანეს, რომ მის მაგივრად სტალინი აერჩიათ. – ტროცკი რომ ამერიკაში ცხოვრობდა და თქვენ, ვლადიმირ ილიჩ (კამენევმა ლენინს მიმართა), მისი არსებობის შესახებაც კი არაფერი იცოდით, მაშინ კობა (სტალინი) რევოლუციურ რაზმებს ბარიკადებზე მიუძღოდა, რევოლუციურ მოძრაობას სიცოცხლეს სწირავდა და სწორედ ის უნდა ჩაუდგეს სათავეში ბოლშევიკურ არმიას, – თქვა კამენევმა, რაშიც ზინოვიევიც დაეთანხმა. ორჯონიკიძემ კი ქართულად ჩაილაპარაკა: ბრონშტეინი ისეთივე სარდალია, როგორც თელავში გაზრდილი ვირი – მოჭადრაკეო. ლენინმა ბოლომდე მოუსმინა კამენევს და სიტყვის თქმა დააპირა, მაგრამ მას სტალინმა მოუბოდიშა, სიტყვა ითხოვა და თქვა: – ამხანაგ კამენევს მადლობას ვუხდი ჩემი შეფასების გამო, თუმცა არ ვეთანხმები ამხანაგ ტროცკის მიმართ გამოთქმულ აზრში და მიმაჩნია, რომ ლევ დავიდოვიჩს ორგანიზატორობის დიდი ნიჭი აქვს. ჩვენ კი სწორედ ასეთი ადამიანი გვჭირდება ბოლშევიკური არმიის შესაქმნელად. ბრძოლაში კი ჯარისკაცებს პროფესიონალი სამხედროები წარუძღვებიან და იმედია, ამხანაგი ტროცკი სწორად შეარჩევს კადრებს. ამიტომ, მე ვეთანხმები ამხანაგ სვერდლოვის წინადადებას და ტროცკის არჩევას მხურვალედ ვუჭერ მხარს. ტროცკისა და სვერდლოვს სტალინის მხარდაჭერამ წამხდარი ხასიათი გამოუსწორა. ლენინმა კი თავშეკავებით თქვა: – ამხანაგებო, რადგან ამ საკითხთან დაკავშირებით აზრები გაიყო. მოდი, ამხანაგი სტალინიც წარვადგინოთ ამ პოსტზე და ეს საკითხი უბრალო კენჭისყრით გადავწყვიტოთ. ტროცკისა და სვერდლოვს კვლავ წაუხდათ გუნება, რადგან იცოდნენ, რომ ასეთ შემთხვევაში, სტალინი გაიმარჯვებდა. ეს იცოდა სტალინმაც და თქვა: – ბოდიშს გიხდით, ვლადიმირ ილიჩ, მაგრამ მე ამ პოსტზე ჩემი კანდიდატურის წინააღმდეგი ვარ. კენჭისყრა კი აუცილებლად ჩავატაროთ, რადგან ამას პროცედურა მოითხოვს. ლენინმა, როგორც სხდომის თავმჯდომარემ, ტროცკის დანიშვნის საკითხი ღია კენჭისყრაზე დააყენა. თორმეტი არ დაეთანხმა, ექვსმა თავი შეიკავა (მათ შორის ლენინმაც) ხოლო ცამეტმა კი თანხმობა განაცხადა და სწორედ სტალინი იყო ის მეცამეტე წევრი, რომელმაც ტროცკის გზა გაუხსნა სამხედრო მინისტრობისკენ. შესვენებამდე სტალინი ერთხმად აირჩიეს ეროვნებათა საქმის სახალხო კომისრად და ლენინმა ერთსაათიანი შესვენების გამოცხადების შემდეგ, პირველმა დატოვა ოთახი. ტროცკი და სვერდლოვი კი ისე გავიდნენ, რომ არათუ მადლობა უთხრეს სტალინს, არამედ არც კი შეუხედავთ მისთვის. სტალინი და ორჯონიკიძე გვერდიგვერდ ისხდნენ. კამენევი და ზინოვიევი კი ოდნავ მოშორებით. ისინი ქართველებს მიუახლოვდნენ და ერთხმად უთხრეს სტალინს: – ჭკვიანი კაცი ხარ, კობა და ასეთ ინტრიგანსა და ამპარტავანს მხარი როგორ დაუჭირე, – შემდეგ გაბრაზებული ტანდემი ოთახიდან გავიდა, ორჯონიკიძემ კი უკვე ქართულად უთხრა წამომდგარ სტალინს: – მართლები არიან. რა ბუზმა გიკბინა და ამ ამერიკელს ამხელა ძალა როგორ დააპატრონებინე, შენთვის კი სასაცილო თანამდებობა აირჩიე? სტალინი და ორჯონიკიძე ძალიან ახლო მეგობრები იყვნენ – ერთმანეთთან შეხუმრებულები და ზოგჯერ არც უხეშ გამოთქმებს ერიდებოდნენ ერთმანეთის მიმართ. ამიტომ, სტალინს ეშმაკურად ჩაეცინა და ქართულადვე მიუგო ორჯონიკიძეს: – შენი თქმის არ იყოს, თელავში გაზრდილი ვირი მოჭადრაკე ვერ გამოვა და ახლა სწორედ იმ ვირს ჰგავხარ. – რატომ? – შეცბა ორჯონიკიძე. – იმიტომ, სერგო, რომ წინ ვერ იხედები და მოვლენების განჭვრეტის უნარი მოგიჩლუნგდა, – თქვა სტალინმა და პაპიროსი გააბოლა, – ჩვენ მრავალეროვან ქვეყანას ვაყალიბებთ და ჩემი თანამდებობა, სწორედაც რომ, მნიშვნელოვანია ამ საქმისთვის. ტროცკი კი უფსკრულის პირას დგას. მსოფლიო ომს შიდა ომი შეცვლის და ისე განვითარდება მოვლენები, რომ სამხედრო კომისარს თავბედს აწყევლინებს თავისი თანამდებობა. ავტორიტეტს დაუგდებს და როცა მიხვდება, თუ რა სისულელე ჩაიდინა, უკვე გვიან იქნება. თანაც, ნუ ფიქრობ, რომ ხიშტიანი ჯარისკაცია ქვეყნისა და პოლიტიკის მთავარი დამცველი... უფრო ძლიერი ორგანო გაჩნდება, რომელიც უკვე ჩვენს ხელში იქნება, – თქვა სტალინმა და კარისკენ გაემართა. მოგვიანებით, სერგო ორჯონიკიძის მეუღლე თავის გამოუქვეყნებელ მემუარებში, რომელიც დახურულ არქივებში აღმოჩნდა, წერდა: „სიკვდილამდე ერთი კვირით ადრე, სერგომ სტალინთან 1917 წლის 28 ნოემბრის საუბარი გაიხსენა და მითხრა: – ახლაღა მივხვდი, რომ კობა ჯერ კიდევ მაშინ უმზადებდა მყარ ფუნდამენტს თავის მომავალ, ურყევ ხელისუფლებას და ჯერ კიდევ მაშინ არყევდა პატივმოყვარე, ამპარტავანი ტროცკის ავტორიტეტს. სწორედ კობამ შეაგდო ტროცკი იმ ცეცხლში, რომელმაც ბრონშტეინის (ტროცკის) ავტორიტეტიდან ფერფლიღა დატოვა. ტროცკიმ, მართალია, შექმნა წითელი არმია, მაგრამ მისმა სისასტიკემ სახალხო სიძულვილი და უკურეაქცია გამოიწვია. იმავდროულად კი, სტალინისა და ძერჟინსკის მიერ შექმნილ „ჩეკას“ მიზანში ჰყავდა ამოღებული ტროცკი, მისი გუნდი და აკონტროლებდა მათ. ყოველივე ამის პარალელურად, ერთი შეხედვით, ეროვნებათა საქმეთა უბრალო კომისარი სტალინი, მყარ ურთიერთობებს ამყარებდა სხვადასხვა ერებთან და ბოლოს მათი მმართველი, მათი მეფე გახდა. კობა, ძალიან ვერაგი და ეშმაკი კაცია და მე მეშინია მისი...“ ერთ-ერთი ვერსიით, სერგო ორჯონიკიძის თვითმკვლელობა სტალინთან წარმოქმნილი კონფლიქტის შედეგი იყო. ეს კონფლიქტი კი იმან გამოიწვია, რომ ორჯონიკიძეს უახლოეს პოლიტბიუროს სხდომაზე სტალინის მხილება უნდოდა ძველი ბოლშევიკების განადგურების საქმეში. სტალინმა კი ეს გაიგო. დაიბარა და უთხრა, ასეთი რამ არ გაეკეთებინა. წყარო : ნიკა ლაშაური
Fashion Folk Tales
Tbilisi · 1 month ago
ᲜᲐᲝᲛᲘ ᲥᲔᲛᲑᲔᲚᲘᲡ ᲘᲡᲢᲝᲠᲘᲐ ᲗᲐᲕᲘᲡᲘᲕᲔ ᲡᲘᲢᲧᲕᲔᲑᲘᲗ
„შესანიშნავი ბავშვობა მქონდა, მაგრამ ბავშვის სხეულში თავს ყოველთვის ზრდასრულად ვგრძნობდი. ხუთი წლის ასაკში, ლონდონის სამხრეთით აკტონში მდებარე ბარბარა სპიკის სკოლაში ჩავირიცხე, ამიტომ ყოველ დილით ჩემი სახლიდან ლონდონის ჩრდილოეთით, სტოკველამდე, ავტობუსით და ორი მატარებლით უნდა მევლო. 13 წლის ასაკში სკოლა იტალია კონტიში გადავედი, თუმცა მანამდე უკვე ბევრ სატელევიზიო და მუსიკალურ ვიდეოში მქონდა მონაწილეობა მიღებული. მათ შორის ყველაზე ამაღელვებელი ბობ მარლის Is This Love იყო. ჩვენს ოჯახს უყვარდა რეგი. სულ რაღაც შვიდი წლის ვიყავი და ვერ ვაცნობიერებდი თუ რას ნიშნავდა ეს. ვერ ვაანალიზებდი, რომ ჩემ წინ მდგარი ბობ მარლი საბანში მახვევდა. ის ყველაზე სიმპატიური მამაკაცი იყო საუცხოო აგებულებით; გულითადიც იყო და ტკბილად საუბრობდა ძლიერი იამაიკური აქცენტით, როგორიც სახლიდან ჩემთვის უკვე ნაცნობი იყო. სანამ 12 წლის გავხდებოდი სახლი ბებიაჩემს ეკუთვნოდა. დედაჩემი ვალერი მოცეკვავე იყო და იტალიაში ცხოვრობდა, მოგვიანებით კი შვეიცარიაში. ყოველთვის აღელვებული ვიყავი მისი სახლში სტუმრობით და მოწყენილი, როდესაც უნდა წასულიყო. დედა მოხდენილი იყო და თავისი სტილი ჰქონდა. როდესაც 12 თუ 13 წლის ვიყავი, მოდურ ჩვენებაზე გამოვიდა და მახსოვს ოთახის შესასვლელში მაჩვენებდა თუ როგორ უნდა ევლო. ვუყურებდი როგორ დადიოდა ლაიონელ რიჩის მუსიკის თანხლებით. 13 თუ 14 წლის ასაკში წარმოდგენა არ მქონდა რისი ჩაცმა მინდოდა. მგონი გოთი ვიყავი: გრძელი შავი კაბები და ქურთუკები მომწონდა და სკოლაში დოქტორ მარტენსი მეცვა. მახსოვს ის დღე, როდესაც ქუჩაში შემამჩნიეს. აპრილის თბილი დღე იყო და სკოლის შემდეგ მეგობრებთან ერთად ვატარებდი დროს. სამივეს ჩვენი იტალია კონტის უნიფორმები გვეცვა: ღია ლურჯი კლეჩატი კაბა, მუქი ლურჯი ამოჭრილ საყელოიანი სვიტერი, მაისური, ჰალსტუხი. წესით ჩალის ქუდებიც უნდა გვფარებოდა, მაგრამ ეს არასდროს გაგვიკეთებია. მოულოდნელად ჩემთან ერთი ქალი მოვიდა და მკითხა, მიფიქრია თუ არა ოდესმე მოდელობაზე. ის ბეტ ბოლდტი იყო, სააგენტო Synchro-ს ხელმძღვანელი. ჩემი უშუალო რეაქცია გაკვირვება და მღელვარება იყო. მაგრამ როდესაც დედაჩემს ვუთხარი, ეს იდეა საერთოდ არ მოეწონა. ყველას გვსმენოდა საშინელი ისტორიები აღმოჩენილი გოგოების, რომლებსაც ფოტოების გადასაღებად უამრავ ფულს ახდევინებდნენ და შემდეგ ვერსად ხვდებოდნენ. დედაჩემს უნდოდა სკოლაში დავრჩენილიყავი და დავალებების კეთება დამესრულებინა. მაგრამ ყველაფერი ჩემებურად მინდოდა, ამიტომ რამდენიმე კვირის შემდეგ ბეტის სანახავად თვითონ წავედი. პირველი ვიზიტისას თმა შუაზე გამიყო, მაკიაჟი გამიკეთა და ჩემი სკოლის უნიფორმაში რამდენიმე შავ-თეთრი ფოტოს გადასაღებად სიმაღლეზე შემაყენა. საბოლოოდ, დედამ გადაწყვიტა, რომ მოდელობა შემეძლო, ვინაიდან ეს ჩემს სკოლაში სწავლებას და დავალებების შესრულებას ხელს არ შეუშლიდა. სამი თვის შემდეგ Synchro-სთან გავაფორმე კონტრაქტი და საზღვარგარეთ ბრიტანული ელისთვის ჩემი პირველი დიდი გადაღებისთვის წამიყვანეს. ახალ ორლეანში ჩავფრინდით, პირველი თემისთვის მე და კიდევ ერთი მოდელი, პრერიის სტილის კაბებში გადაგვიღეს, მეორე თემისთვის კი – მხოლოდ მე, პენსაკოლას სანაპიროზე. როდესაც ლონდონში დავბრუნდი ამერიკელი აგენტების ყურადღება მივიპყარი – ჩემთან შესახვედრად ოთხჯერ გადაუფრინეს ლონდონს. პირველი მოწვევა პარიზიდან 16 წლის ასაკში მივიღე. პირველად დეიდაჩემი ჯული წამომყვა, თუმცა ეს არც ისე დიდი ხნით ადრე იყო, სანამ უბრალოდ ფრანგული ელისთვის შერჩვევებზე რამდენიმე კვირის განმავლობაში დავრჩებოდი იქ. ერთ-ერთი მოგზაურობისას მთელი ფული მომპარეს. არავის უთქვამს ჩემთვის ჩემი ნივთები დაცულად რომ უნდა შემენახა და ყველაფერი დავკარგე. პარიზში არავის ვიცნობდი. ამანდა კაზალეტმა, რომელსაც იმ დღეს ასევე გადაღება ჰქონდა, მასთან ერთად დაბრუნება შემომთავაზა. ჯერ დიზაინერთან ტანსაცმლის მორგებაზე უნდა წასულიყო – რატომ არ უნდა გავყოლოდი? აი როგორ შევხვდი აზადინ ალაიას. რა თქმა უნდა, არ ვიცოდი ვინ იყო. მის სახლში მისვლისას მახსოვს, ძალიან მორიდებულად ვიქცეოდი. ავუხსენი, რომ ინგლისიდან ახალი ჩამოსული ვიყავი და ფული მომპარეს. ძალიან თავაზიანი იყო და სასტუმროში დარჩენა შემომთავაზა. ტელეფონზე დედაჩემს ფრანგულად ელაპარაკა და მომდევნო დღეს Rue du Parc-Royal-ში მის სახლში გადავედი. მას შემდეგ პარიზში ჩემი ცხოვრება ყოველდღიურად სტუდიაში სიარულს, სასტუმროში დაბრუნებას, შხაპის მიღებას, ოთახის სერვისით მომსახურებას, ტელევიზორის ყურებას და დაძინებას გულისხმობდა. მაგრამ იმ დროიდან მოყოლებული ყოველთვის, როდესაც პარიზში ჩავდიოდი აზადინთან ვრჩებოდი. მისი საშუალებით ყველაზე საოცარ ხალხს შევხვდი: თინა ტერნერს, ანდრეი პუტმანს, ჯერი ჰოლს, გრეის ჯონსს. აზადინი თავის გარშემო ყოველთვის ოჯახურ ატმოსფეროს ქმნიდა. არ მიწევდა ჩემი თავის მამის როლში ყოფნა, მგონი მამის თვისებებს ვეძებ კაცებში, რომლებიც მიყვარს და პატივს ვცემ ისე, როგორც კრის ბლექველს აილენდ რეკორდსიდან და ქუინსი ჯონსს. (ქუინსის ბავშვები თავიანთ მეშვიდე დას მეძახიან და დასავით მექცევიან.) ასეთივეა აზადინიც, რომელსაც “Papa”-ს ვეძახი. ის “Ma fille”-ს მეძახის. თავიდან ზოგი ჩვენებისთვის ჩემი კანის ფერის გამო არ ამიყვანეს. ამას ჩემი გაღიზიანების საშუალება არ მივეცი. ადრეული ასაკიდან აუდიტორიის წინაშე წარდგომის და პერფორმირების საშუალებით მივხვდი თუ რას ნიშნავს იყო შავკანიანი. ზედმეტი ძალისხმევა უნდა გამოიჩინო. ორჯერ უკეთესი უნდა იყო.#ნაომიქემბელი #მოდა #დიზაინი #მოდელები #ტოპმოდელები Tbilisi
+4
Pirveliradio Ge
Tbilisi · 1 month ago
ვამბობდით, რომ მაჟორიტარებზე გვაქვს კონსენსუსი, ბოლო დღეებში კი, რიტორიკა შეიცვალა - ჯაფარიძე
თვეების განმავლობაში ვამბობდი, რომ არის კონსენსუსი, არჩევნებზე ერთმანეთს კონკურენტები არ დავუყენოთ. ბოლო დღეებში დავინახე, რომ ფირფიტა გადაატრიალეს და რიტორიკა შეიცვალა - ამის შესახებ პარტია „გირჩის“ ლიდერმა ზურაბ ჯაფარიძემ „სოფო ზურაბიანის პოლიტიკის ფორმულაში“ განაცხადა. ჯაფარიძის თქმით, ერთ-ერთი პოლიტიკოსი, ვინც ამასთან დაკავშირებით საუბრობდა, გუბაზ სანიკიძეა, ამიტომ მას ეჭვი აქვს, რომ ამ ყველაფერის უკან "ნაციონალური მოძრაობის" ინტერესები დგას. "პირველი ვინც მახსოვს, გუბაზ სანიკიძე იყო ვინც თქვა, რომ ეს ფორმატი აზრს მოკლებულიაო. სანიკიძე მგონი ნანახიც არ მყავს არც ერთ შეხვედრაზე. არ ვიცი, სააკაშვილთან აქვს ფოტოები და ვიდეოები გადაღებული და მგონია, რომ „ნაციონალურ მოძრაობასთან“ არის ერთ თამაშში. ამიტომ აღვიქვამ, რომ შეიძლება იქედან მოდიოდეს ეს ფირფიტის გადატრიალება ეჭვის დონეზე. მაჟორიტარების განაწილების შინაარსი მხოლოდ ის კი არ იყო, რომ ერთმანეთს კონკურენტები არ დავუყენოთ, არამედ ის, რომ ჩვენ თუ ყველა ვითხოვთ პროპორციულ არჩევნებს, ხელისუფლებას დავათმობინეთ მაქსიმალურად პროპორციულთან მიახლოებული, მოდი მაშინ პროპორციულობის წესებით ვითამაშოთ მაჟორიტარებშიც და პარტიების რეიტინგების მიხედვით გავანაწილოთ ეს მაჟორიტარები. მეორე ვერსია, რომ მეორე ტურში ყველამ დაუჭიროს მხარი ოპოზიციიდან გასულ კანდიდატს, აწყობს დიდ პარტიებს და ეგეთი არის „ნაციონალური მოძრაობა“, რომელსაც აქვს იმედი, რომ მეორე ტურში ყველგან გავა ის, ყველგან თუ არა უმეტესობაში და მერე სხვა ოპოზიციური პარტიები იძულებული იქნებიან, რომ მას დაუჭირონ მხარი“, - განაცხადა ზურაბ ჯაფარიძემ.
Fashion Folk Tales
Tbilisi · 2 months ago
Happy Birthday Linda
90-იანების სუპერმოდელები, რომლებსაც ორიგინალებად მოიხსენიებენ, ინდუსტრიის უმაღლეს მწვერვალს წარმოადგენენ, მაგრამ მათშიც, ლინდა ევანჯელისტა აღმატებული იყო. ეს არ არის ჩემი სუბიექტური შეფასება. ფაქტია, რომ სამოდელო ბიზნესის დიდ ოთხეულში (ლინდა, სინდი კროუფორდი, ნაომი ქემბელი, კრისტი ტორლინგტონი) ლინდა ვოგის ყველაზე ბევრ ყდას ამშვენებდა, ყველაზე მეტ ბრენდს უწევდა რეკლამას. ყველა სხვა მიღწევასთან ერთად, ის ერთადერთი იყო, ვისაც ვარსკვლავი გაუხსნეს. 90-იან წლებში, ლინდა მსოფლიოს ყველაზე დიდი მოდელი იყო.#HappyBirthdayLinda #Fashion #models #design Tbilisi
Tbilisi Daily
Tbilisi · 3 weeks ago
სალომე სამადაშვილი საკონსტიტუციო ცვლილებების კენჭის ყრაში მონაწილეობაზე
"ჩვენ გუშინ გვიან ღამემდე ვაწარმოებდით კონსულტაციებს, როგორც პარტიის შიგნით, ასევე, ჩვენს საერთაშორისო პარტნიორებთან იმისთვის, რომ შეგვექმნა სრული სურათი, თუ რა ბედი ელოდება 8 მარტის შეთანხმების შესრულებას, რადგან იცით, რომ ამ შეთანხმების ყველა პირობა დღემდე არ არის შესრულებული და პოლიტპატიმარი გიორგი რურუა რჩება საპყრობილეში,"- ამის შესახებ ჟურნალისტებთან "ნაციონალური მოძრაობის წევრმა განაცხადა. სალომე სამადაშვილის თქმით, თუ ისინი დაინახავენ ხელისუფლების მხრიდან შესაბამის ნაბიჯებს, მზად არიან, გადახედონ მათ გადაწყვეტილებას და შემდეგ მოსმენებზე მხარი დაუჭირონ საკონსტიტუციო ცვლილებებს. "ამავე დროს, ჩვენთვის და ქვეყნისთვის ძალიან მნიშვნელოვანია, რომ ბიძინა ივანიშვილს არ მივცეთ შესაძლებლობა დღეს ჩააგდოს მორიგ ჯერზე საკონსტიტუციო ცვლილებები და მორიგ ჯერზე მოატყუოს ქართველი ხალხი და ჩვენი საერთაშორისო საზოგადოება. ამიტომ პირველ რიგში ვიტყვი, რომ კარგია, რომ სხვა ოპოზიციური ფრაქციების წარმომადგენლებმა გადაწყვიტეს დააზღვიონ საკონსტიტუციო ცვლილებები და დღეს პირველი მოსმენით მხარს დაუჭერენ აღნიშნულ ცვლილებებს. ამავე დროს, სანამ 8 მარტის შეთანხმების ყველა პუნქტი არ არის შესრულებული, ქვეყანაში გვყავს პოლიტპატიმრები, ჩვენ არ შეიძლება ვისაუბროთ რაიმე სახის წინსვლაზე ქვეყანაში დემოკრატიის თვალსაზრისით და ქვეყანა რჩება მძიმე პოლიტიკურ კრიზისში. სწორედ ამიტომ, ჩვენი ქვეყნის ყველაზე დიდი ოპოზიციური პარტია და მისი ფრაქცია "ერთიანი ნაციონალური მოძრაობა" დღევანდელ კენჭისყრაში მონაწილეობას არ მიიღებს. თუმცა, თუ რაიმე შეიცვლება შემდეგ მოსმენამდე, ჩვენ რა თქმა უნდა, გადავხედავთ ჩვენს გადაწყვეტილებას. მიგვაჩნია, რომ ჩვენი გადაწყვეტილება, რომელიც რთული მისაღები იყო, დაგვეხმარება და დაეხმარება ქართულ საზოგადოებას, ოპოზიციას და ქართველ ხალხს იმაში, რომ ჩვენ შევძლოთ უახლოეს მომავალში მათ შორის, საერთაშორისო ორგანიზაციების აზრის მობილიზაცია, ზეწოლის გაზრდა ბიძინა ივანიშვილზე, რადგან ჩვენ გვესმის, რომ ზეწოლის გარეშე ეს ხელისუფლება და ოლიგარქიული რეჟიმი არ აპირებს ქვეყანაში ნორმალური პოლიტიკური პროცესებისთვის შესაძლებლობის მიცემას და ამას მოწმობს ის, რომ დღემდე პატიმრობაში რჩება გიორგი რურუა", - განაცხადა სალომე სამადაშვილმა. ცნობისთვის, "ერთიანი ნაციონალური მოძრაობა" საკონსტიტუციო ცვლილებების პირველი მოსმენით განხილვასა და კენჭისყრაში მონაწილეობას არ მიიღებს.
Fashion Folk Tales
Tbilisi · 1 month ago
5 მოქმედი წარმატებული ლესბოსელი და ბისექსუალი მოდელი მაღალი მოდის ინდუსტრიაში
17 მაისი ჰომოფობიასთან, ტრანსფობიასა და ბიფობიასთან ბრძოლის საერთაშორისო დღეა. ჰომოფობიასთან ბრძოლის დღის აღნიშვნას ათწლეულზე დიდი ისტორია აქვს და სათავეს ჯერ კიდევ 90-იანი წლებიდან იღებს, თუმცა ოფიციალურად, 17 მაისს, როგორც ლგბტ+ ადამიანებზე ცნობიერების ასამაღლებელ და მათ წინააღმდეგ ძალადობის დასაგმობ დღესასწაულს, საფუძველი 2004 წლიდან ჩაეყარა. დღეს 2020 წლის 17 მაისია.თვალი გადავავლოთ ინდუსტრიის 5 მოქმედ წარმატებულ ლესბოსელ და ბისექსუალ მოდელს. Freja Beha Erichsen დანიელი მოდელი, რომლის დებიუტი 2005 წელს შედგა, მაღალი მოდის შეუცვლელი სახეა. კარლ ლაგერფელდის და მიუჩია პრადას მუზას, ფრეა ბეა ერიქსენს კარიერის დასაწყისში მოდის ახალ აკვიატებას უწოდებდნენ, მაგრამ მან დაამტკიცა, რომ არასდროს ყოფილა მოდის „მორიგი აკვიატება“. ფრეა ბეას საკულტო კარიერა 15 წელს ითვლის. ერიქსენი ლესბოსელია. ის სოც. ქსელებს არ იყენებს და გლამურულ წვეულებებზე იშვიათად ჩნდება, თუმცა ქალებთან მისი რომანები გულშემატკივრებს ყურადღების მიღმა არასდროს რჩებოდათ. Cara Delevingne 27 წლის ასაკში კარა დელევინი მსოფლიოში ერთ-ერთი ყველაზე ცნობილი, მდიდარი და წარმატებული მოდელია. ბრიტანელმა ტოპ მოდელმა სამოდელო კარიერა 2010-იან წლებში დაიწყო. დასამახსოვრებელი გარეგნობით, იუმორით და პიროვნულობით, კარამ ძალიან მალე შეძლო ადამიანების გულის მოგება. ის ერთადერთი მოდელია, რომელსაც შანელის ჩვენება რვაჯერ აქვს გახსნილი. კარას პირად ცხოვრებაში არაერთი ცნობილი ქალი იყო. ბოლოს მას ურთიერთობა ჰქონდა მსახიობ ეშლი ბენსონთან, რომელსაც ერთი თვის წინ დაშორდა. Stella Maxwell 2014 წელს სტელა მაქსველი ვიქტორია სეკრეტის შოუში პირველად გამოჩნდა. 2015 წელს მაქსველი ბრენდის კონტრაქტიანი ანგელოზი გახდა. ის ამ სტატუსს დღემდე ინარჩუნებს. 2016 წელს, მაქსიმის გამოკითხვაში, სტელამ ყველაზე სექსუალური ქალების რეიტინგში #1 ადგილი დაიკავა. 2016 – 2019 წლებში სტელა მსახიობ კრისტენ სტიურტს ხვდებოდა. ის ვიქტორია სეკრეტის პირველი ანგელოზი იყო, რომელიც მდედრობითი სქესის წარმომადგენელს ღიად ხვდებოდა. Catherine McNeil მოდელების საერთაშორისო რეიტინგში ქეტრინ მაკნილი საკულტო სახეების რეიტინგშია მოხსენიებული, რაც ხაზს უსვამს მისი შესანიშნავი კარიერის ხანგრძლივობას. ავსტრალიელი მოდელის დებიუტი 2007 წელს შედგა. ერთ სეზონზე 50-ზე მეტი ტოპ შოუთი, Fashion TV – მ მაკნილი სამოდელო ბიზნესის ტოპ 10 ახალ სახეში დაასახელა. მას შემდეგ 10 წელზე მეტი გავიდა, თუმცა ქეტრინი კვლავ მოთხოვნადი სახეა. ის ბისექსუალია. 2009 წელს ქეთრინი მსახიობ რუბი როუზთან ერთად დააფიქსირეს, წყვილი ერთმანეთს კოცნიდა. 2013 წელს ავსტრალიელს რომანტიკული ურთიერთობა ჰქონდა მამაკაც მოდელთან, რომელთან დაშორების შემდეგ, არჩევანი კვლავ მდედრობითი სქესის ქალ მოდელზე შეაჩერა. Vittoria Ceretti იტალიური მოდის მომენტის მთავარი სახე გასული 5 წლის ყველაზე დიდი აღმოჩენაა. 18 წლის ასაკში ვიტორია ჩერეტიმ, ინსტაგრამზე მილიონიანი არმიის და ცნობილი ოჯახის გარეშე, შეუძლებელი შეძლო – ვოგის ოთხივე გავლენიანი გამოცემის ყდაზე დაიბეჭდა. ვიტორია მხოლოდ 21 წლის არის, თუმცა უკვე მოახერხა ინდუსტრიის ერთ-ერთი ყველაზე ღირებული მოდელი გამხდარიყო. შანელის, ვერსაჩეს, დოლჩე&გაბანას, დიორის, მისონის, ფერეტის, ზარას, მაკქუინის, მოსკინოს სახე ახალი თაობის ერთ-ერთი ყველაზე განსაკუთრებული ტოპ მოდელია. ვიტორია ბისექსუალია. 2017-2018 წლებში ჩერეტი ნატალი უესთლინგს ხვდებოდა. წყვილი შანელის კამპანიაში ერთად გადაიღეს.#Fashion #design #Models #Fashinindustry
+3
Sokhumi Daily
Tbilisi · 1 month ago
ბრძოლა აფხაზეთში - ომამდე დაწყებული ომი და მებრძოლის მოგონებები
აფხაზეთის ომი საქართველოს ყველა მოქალაქესათვის ძალიან მტკივნეული თემაა. SOKHUMI DAILY- ამ რუბრიკით შეეცდება გაგაცნოთ თუ რას ფიქრობდნენ, რას გრძნობდნენ და საერთოდ რა გამოიარეს აფხაზეთის ომის ვეტერანებმა. დღეს ჩვენთან ისაუბრა აფხაზეთის ომის ვეტერანმა, ნიაზ ბერიძემ, რომელმაც არაერთი ტრავმა მიიღო ბრძოლის დროს და საკუთარი მეომრების სიკვდილი ნახა ომის ველზე. იგი სოხუმის ცალკეულ 2061 ბატალიონში იბრძოდა. "ომი ომამდე" ასე აფასებენ აფხაზეთის ომამდე არსებულ პერიოდს, როდესაც საფუძველი ეყრებოდა სეპარატისტულ განწყობებსა და განცალკევებას. ამის შესახებ ნიაზ ბერიძე კონკრეტულ ვითარებას იხსენებს. " აფხაზები იძახდნენ, რომ ქართველები არ ვართო და ეგრე იძაბებოდა ნელ-ნელა სიტუაცია. აფხაზებს ჰქონდათ რუსეთის მხარდაჭერა, მათ რუსეთის დახმარებით შთააგონეს ერთმანეთს, რომ დამოუკიდებლები არიან და გაუჩნდათ ამბიცია ჰქონოდათ ცალკეული მიწა, დროშა, გერბი და ა.შ, რაც ფარსია და მოკლებულია ყველანაირ საფუძველს, აცდენილია სიმართლეს. ეს ყველაფერი იყო პროვოკაციული ქმედება. ამ ადამიანებს დღემდე სჯერათ რომ მათ მიერ ჩადენილი დანაშაული სიმართლეს ემსახურებოდა. ეს რუსეთის მხრიდან იმისთვის გაკეთდა, რომ საქართველო გაეყო, ხოლო ამ პროვოკაციას ის ადამიანები აყვნენ, ვისაც საკუთარი არაფერი შეუქმნია და ჩვენი ნაშრომის დაპატრონება სურდა, სამწუხაროდ ასეც მოხდა" უკეთ რომ გაგაცნოთ ნიაზ ბერიძე მისი ცხოვრების ერთ ნაწილზე გესაუბრებით: "სანამ ომი დაიწყებოდა სკოლაში დავდიოდი და ფეხბურთს ვთამაშობდი სოხუმის სპორტსკოლაში. სკოლა 1991 წელს დავამთავრე. მაშინვე სურდათ ჩემი ჯარში წაყვანა მაგრამ ფეხბურთს რომ ვთამაშობდი არ წამყვანეს. შემოთავაზება მქონდა თვეში ორჯერ ან სამჯერ მივსულიყავი და სამხედრო ბილეთი ამეღო , თანაც ფეხბურთი მეთამაშა. მეც დავთანხმდი და თავისუფალ დროს სულ ჯარში ვატარებდი. ორი თვეც არ გასულა რომ ომი დაიწყო. რა თქმა უნდა არც დავფიქრებულვარ ისე ავიღე ავტომატი და წავედი ომში." ჩვენი ომის ვეტერნები იმიტომ არიან გმირები, რომ მცირე დროში მოახერხეს ძალების მობილიზაცია. მათ არ უფიქრიათ იმაზე, რომ შეეძლოთ დაეკარგათ სახლ-კარი, მატერიალური ღირებულება და სიცოცხლე. ამ შემთხვევაში უმთავრესი სამშობლოს დაცვა იყო, რაც ბევრს სიცოცხლის ფასადაც კი დაუჯდა. ახლა კი მოგახსენებთ ჩვენი მეომრის ისტორიას. "1993 წელს, დაახლოებით მარტის თვეში, მივიღე მძიმე ტვინის შერყევა და თვითმფრინავით გადმომიყვანეს თბილისში, ერთი თვე ვმკურნალობდი. ბოლომდე არ მოვრჩენილვარ ისე წამოვედი სოხუმში, ორი კვირა ვიწექი, ხოლო შემდეგ ისევ დავუბრუნდი 2061 ბატალიონს. სექტემბერში კი რუსეთის დახმარებით ომი წავაგეთ. ახლაც ამის გახსენებაზე ვნერვიულობ და ცუდად ვხდები. ძალიან დიდი ტრავმაა ჩემთვის. ჯარში ყველას გვეგონა, რომ ომს არ წავაგებდით, რომ ომს მოვიგებდით, მაგრამ სამწუხაროდ წავაგეთ რუსეთს ჩვენ ომს ვერ მოვუგებდით, აფხაზეთს მხოლოდ რუსეთი კი არა ჩეჩნები და ჩრდილოელი ტომები ეხმარებოდნენ. ჩვენ მხარეს კი მხოლოდ მებრძლი სული და სულისკვეთება იყო. პოზიციების დაცვის დროს ყველანი ვუყურებდით, თუ როგორ გვიკლავდნენ ახლობლებს. ორი დრანდელი ბიჭი, ძმები მოკლეს. იმ დღეს ოჯახში ორი მიცვალებული შევიყვანეთ. მერაბი და რევაზი მაჩაიძეები. შემდეგ მურთაზ გაბისაშვილი მოკლეს, დაიჭრა დათო ძირეკიძე, კოდორში მოკლეს აბესალომ ყურაშვილი, ჩვენს ბატალიონში ძალიან ბევრი ადამიანი დაიხოცა." ყველაზე მწარე რეალობის წინაშე მაშინ აღმოჩნდნენ მეომრები, როდესაც გააცნობიერეს, რომ ბრძოლა დასრულდა, აფხაზეთი წაგვართვეს, ხოლო ახლა მნიშვნელოვანი იყო იმ ახლობლების სამშვიდობოს გამოყვანა, რომელიც ცოცხლები შერჩათ. "1993 წელს, როდესაც სოხუმი დაეცა, მაშინ წავაგეთ ომი. აქვე აღვნიშნავ, რომ პერემირია იყო უდიდესი ტყუილი, ჩვენ ტანკები გაგვაყვანინეს, მხოლოდ იარაღები შეგვრჩა აქა-იქ, რამოდენიმე დღეში, როდესაც თავს დაგვესხნენ ჩვენ აღარ გვყავდა ტანკები, მხოლოდ ზოგიერთს ჰქონდა იარაღი შერჩენილი, მათ კი სრული მობილიზაცია ჰქონდათ. როდესაც გავაცნობიერეთ, რომ ომს ვაგებდით, ყველა იმას ფიქრობდა, რომ საკუთარი და-ძმისთვის, დედ-მამისთვის თუ ახლობლისთვის მიეხედა და სვანეთიდან წამოსულიყო. კოდორიდან გზა დაკეტილი იყო, სოხუმი აღებული იყო, ამიტომ უკან დასაბრუნებლად ჩვენ მხოლოდ სვანეთი დაგვრჩა. ბევრი ადამიანი დაიღუპა, ბევრმა დაღვარა სისხლი სამშობლოს დასაცავად, მჯერა, რომ ეს სისხლი ტყუილად არ დაღვრილა და ჩვენ აფხაზეთს აუცილებლად დავიბრუნებთ."#სოხუმი #აფხაზეთი #ბრძოლა #ომი #პოლიტიკა #აფხაზეთისაქართველოა #sokhumidaily
Sokhumi Daily
Tbilisi · 10 hours ago
საქართველოს საკითხი სოხუმში დაპირისპირების საგანი გახდა
აფხაზეთის ახალი დე ფაქტო პრეზიდენტის, ასლან ბჟანიას არჩევისა და ხელისუფლებაში მისი გუნდის მოსვლის შემდეგ, აფხაზურ პარტია “ამცახარასა” და საზოგდოებრივ მოძრაობა “არუაას” შორის საქართველოს საკითხი დაპირისპირების საგანი გახდა. საუბარია დე ფაქტო პრეზიდენტ ასლან ბჟანიას რამდენიმე დღის წინანდელ კომენტარზე, რომლის შესაბამისად, “საქართველოსგან აფხაზეთი აღიარებას არ მოითხოვდა” . “ჩვენ არ ვითხოვთ საქართველოს ხელისუფლებისგან აფხაზეთის სახელმწიფოს აღიარებას, თუმცა ძალის გამოუყენებლობაზე შეთანხმება ის შეთანხმებაა, რომელიც ჩვენ შორის შესაძლო ჰუმანიტარულ, ეკონომიკურ თუ სხვა საკითხზე დიალოგის შესაძლებლობას იძლევა. ჩემთვის გაუგებარია, ამ დრომდე რატომ არ არის ხელმოწერილი შეთანხმება. ეს ყველაზე მნიშვნელოვანია. როგორც კი ეს პუნქტი შესრულდება, ყველაფერი ძალიან კარგად წარიმართება”, – განუცხადა ბჟანიამ რუსულ მედიას. ბჟანიას აღნიშნულ პოზიციასთან დაკავშირებით აფხაზეთის ახალი დე ფაქტო ხელისუფლებისადმი ოპოზიციურად განწყობილმა და ყოფილი ხელისუფლების მხარდამჭერმა საზოგადოებრივმა მოძრაობამ “არუაამ”, რომლის წევრები აფხაზეთის ომის ვეტერანები არიან, საპარლამენტო მოსმენების დანიშვნა მოითხოვა და ახალი ხელისუფლება მწვავედ გააკრიტიკა. “ჩვენი სახელმწიფოს საგარეო პოლიტიკური კურსი, რომელიც დამოუკიდებლობაზეა ორიენტირებული, რევიზიას ექვემდებარება, რაც ხელს უწყობს საზოგადოებაში დაძაბულობის ზრდას და საფრთხეს უქმნის ქვეყნის საერთაშორისო იმიჯსა და უსაფრთხოებას”, – ნათქვამია “არუაას” მიმართვაში. “არუაა” აცხადებს, რომ მისთვის მიუღებელია საქართველოსთან რაიმე ტიპის, მათ შორის სავაჭრო, ურთიერთობები იმ პირობებში, როდესაც თბილისი არ აღიარებს აფხაზეთის დამოუკიდებლობას. “არასწორია საქართველოსთან ლეგალური ვაჭრობა იმ მოტივით, რომ კონტრაბანდა აღარ არსებობდეს საზღვარზე. ისედაც შეუძლიათ ებრძოლონ ამ კონტრაბანდას. საქართველო არ აღიარებს ჩვენს სახელმწიფოებრიობას და არც განაბაჟებს რაიმე ტვირთს”. მოძრაობა მიიჩნევს, რომ მსგავსი პოზიციით ბჟანია და ახალი ხელისუფლება ეთანხმებიან თბილისის მიერ სოხუმისთვის შეთავაზებულ პროგრამას “ნაბიჯი უკეთესი მომავლისთვის”, რომელიც “აღიარების გარეშე ჩართულობას” ითვალისწინებს და “საქართველოს მიზანიც აფხაზეთის ამ პროცესში ჩათრევაა”. “ამ აკრძალვების ნებისმიერ დასუსტებას შევაფასებთ როგორც საფრთხეს ჩვენი დამოუკიდებლობისთვის. გინდათ ევაჭროთ იმათ, ვინც გუშინ გხოცავდათ და დღეს არ გაღიარებთ?” “არუაას” მიმართვას ასევე მიმართვით გამოეხმაურა აფხაზეთის პოლიტიკური პარტია “ამცახარა”, რომელიც ამჟამინდელი დე ფაქტო პრეზიდენტისა და ხელისუფლების მხარდამჭერია. “ამ პოპულისტური განცხადებებით “არუაა” ცდილობს ქვეყნის რეალური პრობლემებიდან ყურადღების გადატანას. “არუააელებს” კარგად ესმით, რომ საზღვრების გახსნა და ლეგალური სავაჭრო ურთიერთობები მეზობელ ქვეყნებთან ეკონომიკაში გარღვევა იქნებოდა. მით უმეტეს, მათთვის კარგად არის ცნობილი, რომ ეს ეკონომიკური საქმიანობა ისედაც უკანონოდ მიმდინარეობს. ჩვენ გვესმის, რომ დღეს, როდესაც ხელისუფლების მიერ კორუფციის და სხვა დანაშაულების წინააღმდეგ რეალური ბრძოლაა დაწყებული, მათ ეშინიათ. მოვიდა დრო, რომ პასუხი აგონ”. ამასთან, “ამცახარას” საკუთარ მიმართვაში მოჰყავს აფხაზეთის პირველი დე ფაქტო პრეზიდენტის, ვლადისლავ არძინბას ციტატა, სადაც ის ამბობს: “განცდა მაქვს, რომ გარკვეული ადამიანები ქმნიან გარკვეულ ვაკუუმს ჩვენი ურთიერთობებისთვის, და ეს განცდა არ მშორდება. მჯერა იმის, რომ საქართველო და აფხაზეთი ნორმალურად განვითარდება და დადგება მომენტი, როდესაც ჩვენ გაბედულად და მშვიდად ერთმანეთს ხელს გავუწვდით და არ შეგვეშინდება იმის, რომ ზურგს უკან ერთმანეთისთვის დასაშენ ქვებს ვმალავთ. მინდა ამის მჯეროდეს, რადგან ჩვენი ხალხი ქართველ ხალხში არასოდეს ხედავდა მტერს”. “ამცახარა” აცხადებს, რომ “მაკომპრომატირებელი” მასალები ჯერ კიდევ სერგეი ბაღაფშსა და ალექსანდრ ანქვაბზე [რაულ ხაჯიმბამდე ორივე დე ფაქტო პრეზიდენტი იყო] ჰქონდათ, “დღეს კი იგივეს აკეთებენ ასლან ბჟანიას წინააღმდეგ, ამავე დროს კი,”საკუთარი კუმირის, ხაჯიმბას სახელის შებღალვა არ უნდათ, რომლის ხელისუფლებაში მოსაყვანად ქვეყანა რამდენჯერმე სამოქალაქო დაპირისპირების რისკის ქვეშ დააყენეს. ხმა არ ამოუღიათ, როდესაც ხაჯიმბა და მისი გუნდი ქვეყანაში ქაოსს თესავდნენ, დანაშაული იზრდებოდა, დღისით და მზისით ადამიანებს იტაცებდნენ, ხდებოდა მკვლელობები, ყაჩაღობა, ნარკოტიკების გავრცელება, ქონების მიტაცება და ა.შ.”, – ციტირება “ამცახარას” მიმართვიდან. ასლან ბჟანია, დე ფაქტო პრეზიდენტობის პირველივე დღეებში, სხვადასხვა ინტერვიუში აცხადებდა, რომ მზად იყო “საქართველოსთან დიალოგისთვის”, რამაც აფხაზეთის საზოგადოების ნაწილში კრიტიკა გამოიწვია. ბჟანიას რამდენჯერმე მოუწია საკუთარი სიტყვების განმარტება და აფხაზური საზოგადოების დარწმუნება იმაში, რომ შესაძლო დიალოგით “აფხაზეთის დამოუკიდებლობას” არ თმობს. ბჟანიას აღნიშნული პოზიცია თბილისთან დიალოგის შესახებ ქართულ საექსპერტო წრეებშიც “ხელსაყრელ შესაძლებლობად” შეფასდა. წყარო: netgazeti ავტორი: ნინო კახიშვილი#სოხუმი #აფხაზეთი #ოკუპაცია #პოლიტიკა #sokhumidaily