საოკუპაციო ხაზთან მდებარე სოფლებში მცხოვრებ მოსახლეობას სასურსათო პროდუქტი ურიგდებათ

ზუგდიდის მუნიციპალიტეტში საოკუპაციო ხაზთან მდებარე სოფლებში ობოლ, შეზღუდული შესაძლებლობების მქონე ბავშვებს, მრავალშვილიან ოჯახებსა და მარტოხელა მოხუცებს სასურსათო პროდუქტი ურიგდებათ. პროცესი შერიგების სახელმწიფო მინისტრის აპარატის ორგანიზებით ხორციელდება. „გარდა ამისა ზუგდიდის მერია სოციალურად დაუცველ მოქალაქეებს პანდემიის დროს სასურსათო პროდუქტებით დახმარებას განაგრძობს. მერია ათასზე მეტ ოჯახს უკვე დაეხმარა, პროცესი მომდევნო დღეებშიც გაგრძელდება, საბავშვო ბაღის 4200-ზე მეტ აღსაზრდელს კი სასურსათო პროდუქტი უკვე მეორედ გადაეცემა.“ - ინფორმაციას ზუგდიდის მუნიციპალიტეტის მერია ავრცელებს. ინფორმაციისთვის, სასურსათო კალათები საოკუპაციო ზოლთან მდებარე სოფელ ხურჩაში, კოკსა და ორსანტიაში სოციალურად დაუცველ მოქალაქეებს ზუგდიდის მერმა გიორგი შენგელიამ და მაჟორიტარმა დეპუტატმა ირაკლი ჩიქოვანმა გადასცეს. ________________ თქვენ ამ სტატიას კითხულობთ პლატფორმა Feedc -ზე,სადაც შეგიძლიათ გაეცნოთ ჩვენს სიახლეებსა და ბლოგებს. #ახალიამბები #სამეგრელო #ზუგდიდისმერია #zugdididaily ფოტო: ზუგდიდის მუნიციპალიტეტის მერია