ოკუპირებულ აფხაზეთში კოვიდის რეკორდულად მაღალი მაჩვენებელი დაფიქსირდა

რუსეთის მიერ ოკუპირებული აფხაზეთის დე ფაქტო მთავრობის მიერ შექმნილმა ოპერატიულმა შტაბმა დღეს, 8 ოქტომბერს კორონავირუსით კიდევ 108 ადამიანის ინფიცირება დაადასტურა. პანდემიის დაწყების შემდეგ ეს ყველაზე მაღალი მაჩვენებელია. გუდაუთის საავადმყოფოში COVID-19-ით კიდევ ერთი პაციენტი გარდაიცვალა. რაც შეეხება საქართველოს მეორე ოკუპირებულ რეგიონს - ე.წ. სამხრეთ ოსეთს, დე ფაქტო მთავრობამ მაისიდან დღემდე კორონავირუსით ინფიცირების 111 შემთხვევა დაადასტურდა. აპრილიდან 7 ოქტომბრის ჩათვლით, აფხაზეთში ჯამში კორონავირუსის 1976 შემთხვევაა დაფიქსირებული. მათგან 668 გამოჯანმრთელდა. გარდაიცვალა 16 პაციენტი. გუშინდელი, 7 ოქტომბრის მონაცემებით, საქართველოს კლინიკებში მყოფი 58 კრიტიკულად მძიმე პაციენტიდან 8 ოკუპირებული აფხაზეთიდანაა. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. ##SokhumiDaily ##Sokhumi ##სოხუმი ##აფხაზეთი ##ახალიამბები ##აფხაზეთისაქართველოა