Ակցիայի մասնակիցները մինչև երեքշաբթի վերջնաժամկետ տվեցին Փաշինյանին՝ հրաժարական տալու համար

Ցուցարարները մինչև երեքշաբթի օրը վերջնաժամկետ տվեցին Նիկոլ Փաշինյանին վարչապետի պաշտոնից հրաժարական տալու համար: «Մենք որևէ պայմանավորվածություն, որևէ պայման չենք կարող ունենալ, մենք ունենք պահանջ՝ Նիկոլը պետք է հեռանա և վերջ», - հայտարարեց «Հայրենիքի փրկության շարժման» համակարգող, Դաշնակցության Գերագույն մարմնի ներկայացուցիչ Իշխան Սաղաթելյանը: Սաղաթելյանը նշեց, որ կարող են քննարկել միայն երկու հարց՝ վարչապետի հրաժարականի օրը և ժամը, ու «խոստանալ, որ ֆիզիկական հաշվեհարդար ժողովուրդը իր հետ չի տեսնելու»: Նշենք, որ ընդդիմադիր 17 կուսակցությունները պահանջում են վարչապետ Նիկոլ Փաշինյանի հրաժարականը։ Նրանց ստեղծած «Հայրենիքի փրկության շարժման» անցումային շրջանի վարչապետի թեկնածուն ԱԺՄ ղեկավար Վազգեն Մանուկյանն է։ https://www.azatutyun.am/a/30985500.html #Լուրեր