უკრაინის გენშტაბის ცნობით, დღევანდელი თავდასხმისთვის რუსეთმა 14 დრონი გამოიყენა

უკრაინის შეიარაღებული ძალების გენერალური შტაბის ინფორმაციით, რუსეთის საოკუპაციო ძალებმა უკრაინის ტერიტორიაზე გამოიყენეს 14 უპილოტო საფრენი აპარატი(Shahed). გენშტაბის წინასწარი მონაცემებით, 14-დან 11 უკრაინის თავდაცვის ძალებმა ჩამოაგდეს. დრონებით თავდასხმის გამო, უკრაინის თითქმის მთელ ტერიტორიაზე შუაღამიდან გამოცხადებული საჰაერო განგაში დაახლოებით ხუთ საათს, ადგილობრივი დროით 04:45 საათამდე გაგრძელდა. უპილოტო საფრენი აპარატების მოსაგერიებლად ამოქმედდა საჰაერო თავდაცვის სისტემა. კიევის სამხედრო ადმინისტრაციის ინფორმაციით, უმრავლესობა - 9 დრონი დედაქალაქის საჰაერო სივრცეში გაანადგურეს. საოლქო-სამხედრო ადმინისტრაციების და მედიასაშუალებების ინფორმაციით, აფეთქებები იყო დედაქალაქ კიევში და კიევის, ხმელნიცკის, ჩერნიგოვის, პოლტავის, ზაპოროჟიეს, ხარკოვის და სხვა ოლქებში. ინფორმაცია მსხვერპლის და ნგრევის შესახებ ჯერჯერობით არ გავრცელებულა.   https://www.radiotavisupleba.ge/a/32289589.html