დაავადებათა კონტროლის ეროვნული ცენტრის დირექტორი ამირან გამყრელიძე მშობლებს, რომლებიც აპირებენ, შვილებს ერთიან ეროვნულ გამოცდებზე საგამოცდო ცენტრთან დაელოდონ, დისტანციის დაცვისკენ მოუწოდებს.
როგორ გამყრელიძემ მთავრობის ადმინისტრაციაში გამართულ ბრიფინგზე განაცხადა, საგამოცდო ცენტრებთან მშობლების დისტანცია 1.5-2 მეტრი უნდა იყოს.
„მოწოდებაა მშობლებთან - მესმის, ყველა ნერვიულობს, განიცდის, როდესაც შვილი შესულია გამოცდაზე. მეც ასე ვიყავი და ჩემი თაობაც, როცა ჩვენი შვილები აბარებდნენ, მაგრამ, მაშინ არ იყო პანდემია. დღეს პანდემიაა, ამიტომ დისტანცირება უნდა დავიცვათ. როდესაც ველოდებით ბავშვის გამოსვლას, დისტანცია 1.5-2 მეტრი დაცული უნდა იყოს“, - განაცხადა გამყრელიძემ.