Բելառուսին սահմանակից ԵՄ պետությունները պատրաստ են միջնորդի դեր ստանձնել` Լուկաշենկոյի և ընդդիմության միջև բանակցություններ սկսելու

Լեհաստանը, Լիտվան և Լատվիան պատրաստ են միջնորդական առաքելություն ստանձնել Բելառուսում ծագած ներքաղաքական ճգնաժամը հաղթահարելու նպատակով։ Այսօր նման հայտարարությամբ է հանդես եկել Լիտվայի նախագահ Գինտանաս Նեուսեդան։ Նրա խոսքով` Բելառուսի իշխանությունները պետք է վերջ տան բողոքի ակցիաների մասնակիցների դեմ բռնություններին, ազատ արձակեն վերջին օրերին ձերբակալվածներին և քաղաքացիական հասարակության ներկայացուցիչների հետ միասին հատուկ հակաճգնաժամային մարմին ձևավորեն։ «Եթե մեր այս առաջարկը մերժվի, ապա կմնա պատժամիջոցների տարբերակը», - հայտարարել է Լիտվայի նախագահը։   https://www.azatutyun.am/a/30780178.html #Լուրեր