Պուտինը հերթական հեռախոսազրույցներն է ունեցել Փաշինյանի և Ալիևի հետ

Ռուսաստանի նախագահ Վլադիմիր Պուտինը հերթական հեռախոսազրույցներն է ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ Ըստ Կրեմլի պաշտոնական կայքէջի, զրուցակիցները քննարկել են Լեռնային Ղարաբաղի հակամարտության հարցով նոյեմբերի 9-ի եռակողմ հայտարարության շրջանակում ստորագրված համաձայնագրի կատարման գործնական դրույթները։ Գոհունակություն է հայտնվել հրադադարի ռեժիմի պահպանման շուրջ և ընդգծվել, որ շփման գծում իրավիճակը բավականին հանգիստ է։ Ալիևի հետ զրույցում Պուտինը, մասնավորապես, ուշադրություն է հրավիրել համաձայնագրով Ադրբեջանին վերադարձվող տարածքներում քրիստոնեական վանքերի և եկեղեցիների առկայության փաստի վրա։ Ռուսաստանի նախագահն ընդգծել է այդ սրբավայրերի  անվտանգության ու եկեղեցական բնականոն կյանքի ապահովման կարևորությունը։ Ադրբեջանի նախագահը ասել է, որ ադրբեջանական կողմը հենց այդպես էլ գործելու է։ https://www.azatutyun.am/a/30950828.html #Լուրեր