ლუკაშენკო: მიბაძეთ ბელარუსს!

0
ბელარუსის პრეზიდენტი ალექსანდრ ლუკაშენკო აცხადებს, რომ ყველა ქვეყანამ კორონავირუსთან ბრძოლაში ბელარუსს უნდა მიბაძოს. ამის შესახებ ინფორმაციას სააგენტო BELTA ავრცელებს. ქვეყნის ლიდერი კორონავირუსთან ბრძოლის შედეგებით კმაყოფილია, იმის მიუხედავად, რომ ქვეყანაში კოვიდინფიცირებულთა რიცხვი 52 ათასს აღწევს, გარდაცვლილი კი 293-ია. ლუკაშენკომ ეს განცხადება დღეს, ბელარუსის ჯანდაცვის მინისტრ ვლადიმერ კარანიკთან შეხვედრისას გააკეთა, რომელსაც პანდემიის შესაძლო მეორე ტალღის შესახებ ესაუბრა. „ჯერჯერობით ამასთან დაკავშირებით ზუსტად არაფერია ცნობილი, მაგრამ თუ მეორე ტალღა ნამდვილად რეალურია, მაშინ ჩვენი მეთოდი არის ერთადერთი გზა, რომელიც მსოფლიოს ყველა ქვეყანას უნდა აერჩია“, - აცხადებს ლუკაშენკო. გასული დღე-ღამის განმავლობაში ქვეყანაში კორონავირუსით კიდევ 750 ადამიანი დაინფიცირდა, დადასტურებული შემთხვევების რაოდენობამ კი 51 816-ს მიაწღია. ლუკაშენკო კორონავირუსი
TbilisiDaily
0