იუსტიციის სამინისტროს ყოფილი თანამშრომელი თეა წულუკიანს სასამართლოში უჩივის. ყოფილი თანამშრომელი წულუკიანმა მინისტრის პირად ელექტრონულ ფოსტაში უნებართვოდ შეღწევის ბრალდებით გაათავისუფლა. ადვოკატი ამბობს, რომ სამინისტროს სისტემაში ელექტრონული ფოსტა სატესტო რეჟიმში მუშაობდა და მისი დაცვის ქვეშ მყოფი მუშაობაში ვარჯიშობდა, რაც მისი მოვალეობა იყო. ყოფილი თანამშრომელი, შორენა ჯიმშელეიშვილი იუსტიციის მინისტრისგან გთავისუფლების ბრძანების ბათილად ცნობას, განაცდურის ანაზღაურებასა და სამსახურში აღდგენას ითხოვს.
ყველაფერი კი დაიწყო იმით, რომ როდესაც პენიტენციური სამსახური და იუსტიციის სამინისტრო გაერთიანდა და დოკუმენტების წარმოების პროგრამები შეიცვალა. თანამშრომლები წაიყვანეს ტრენინგზე და იქ აუხსენს თუ როგორ უნდა ემუშავათ ახალ პროგრამებში და შაბლონებიც მისცეს. თანამშრომლებს უთხრეს, რომ პროგრამაში შესასვლელად აუცილებელი იყო მათი სასხელისა და გვარის ჩაწერა, ხოლო პაროლი ყველასთვის ერთი იყო. ამ პრინციპით, ჯიმშელეიშვილმა ამ პროგრამაში რამდენიმე დოკუმენტი მოამზადა.
ადვოკატი ამბობს, რომ ჯიმშელეიშვილს 71-ჯერ არ შეუღწევია პროგრამაში, როგორც გენინსპექციის დასკვნაში იყო ნახსენები. შეღწევა მოხდა ოთხჯერ. ჯიმშელეიშვილს ასევე აინტერესებდა რატომ არ გააფრთხილეს თუ ის დაცულ სისტემაში შედიოდა, უპასუხეს, რომ აკვირდებოდნენ ჩაიდენდა თუ არა ის, რაიმე გადაცდომას.
„მან შექმნა პატიმრის წერილი, რომელიც გადაუგზავან მინისტრს. მოგეხსენებათ, ადმინისტრაციული სამსასხურის უფროსის თანამდებობა გახლავთ თანამდებობა, რომელიც ის ხელმძღვანელობს დოკუმენტურ სისტემას დაწესებულებაში. აქედან გამომდინარე, შორენა ჯიმშელეიშვილი ვალდებული იყო, ყველაზე კარგად სცოდნოდა სისტემის მუშაობა, რასაც აკეთებდა კიდევაც, რადგან ტრენინგის მიზანი, მიზეზი ზუსტად ეგ იყო. ყველა მონაწილისთვის ცნობილი იყო. ყველა თანამშრომელმა იცოდა, რომ პროგრამაში შესასვლელი სახელი იყო თავიანთი სახელი და გვარი, ხოლო პაროლი 1.71-ჯერ არ არის, პროგრამაში შესვლა განხორციელდა 4-ჯერ. პროგრამაში არის, რომ პროგრამიდან როდესაც გადადიხარ სხვადასხვა მიმართულებით, ესეც თვლაში მიმატებულია. ჯიმშელეიშვილს აინტერესებდა, თუ რატომ არ მოხდა მისი გაფრთხილება, რაზეც უპასუხეს აინტერესებდათ ჩაიდენდა თუ არა სისხლის სამართლის დანაშაულს. წერია გენერალური ინსპექციის დასკვნაში, რომ მისი ავტორიტეტი იქნა შელახული, რადგან ის დააყენა საფრტხის ქვეშ. არანაირი განზრახვა შორენა ჯიმშელეიშვილს, რომ შეელახა სამსახურის რეპუტაცია, როგორც საქმის მასალებიდან ირკვევა არ ჰქონია“, - აცხადებს უფლებადამცველი.
კიბერუსაფრთხოების სპეციალისტი გიორგი იაშვილი კი მიიჩნევს, რომ როდესაც პაროლი 1 სიმბოლოსგან შედგება, ეს კრიტიკული ხარვეზია.
„ამ საკითხთან დაკავშირებით საგანგაშოა პირველი, რატომ არ იყო გამიჯნული ერთმანეთისგან სატესტო და რეალური გამიჯნული. რატომ არ ჰქონდათ მომხმარებლებს განცდა, რომ იყვნენ სატესტო რეჟიმში. მეორე ის, რომ სხვა მომხმარებლის და სტრუქტურაში პირველი პირის სისტემაში როგორ მოხვდნენ უბრალო თანამშრომლები, ესეც საგანგაშოა. მესამე, თითონ ავტორიზაცია, კრიტიკულად ხარვეზად აღიქმება ნებისმიერ შემთხვევაში, როდესაც გვაქვს პაროლი, რომელიც 1 სიმბოლისგან შედგება“, - ნათქვამია განცხადებაში.