მემარჯვენე პოპულისტი დუდა პოლონეთის პრეზიდენტობას ესწრაფვის მეორე ვადით

პოლონეთის ხმის უფლების მქონე მოქალაქეები 28 ივნისს კენჭს უყრიან პრეზიდენტს, რომლის არჩევნები მძაფრ ვითარებაში მიმდინარეობს, რადგან ახლა მოქმედი კონსერვატორი პრეზიდენტი, ანჯეი დუდა, ესწრაფვის მეორე ხუთწლიანი ვადით დარჩეს პოსტზე. მოელიან, რომ დუდა ამ არჩენებს მცირე უპირატესობით მოიგებს, რასაც მმართველი, კანონისა და სამართლიანობის პარტიისთვის გადამწყვეტი მნიშვნელობა აქვს, მაგრამ მეორე ტური რთული იქნება.  პარტიის პროგრამა კონსერვატორული ბუნებისაა და დემოკრატიის მიმართ ქვეყნის ერთგულების თაობაზე კითხვის ნიშნებს აჩენს. დღის განმავლობაში კენჭისყრაში მონაწილეების აქტიურობა ბევრად უფრო მაღალი იყო, ვიდრე 2015 წლის არჩევნებზე, რომელიც დუდამ მოიგო მეორე ტურში. კენჭისყრამდე დუდამ დაინახა, რომ მისი პოპულარობა მცირდებოდა, რადგან ქვეყნის ეკონომიკას სირთულეები ჰქონდა კორონავირუსის პანდემიის დროს შექმნილი პირობების გამო. არჩევნები უნდა ჩატარებულიყო 10 მაისს,  მაგრამ გადაიდო. ვარშავის მერმა, რაფალ ტრჟასკოვსკიმ, დუდას მთავარი მეტოქე ამ არჩევნებზე, საარჩევნო კამპანიის ბოლოს პოპულარობას მიაღწია ლოზუნგით, „ვიბრძოლოთ ძლიერი სახელმწიფოსთვის, ვიბრძოლოთ დემოკრატიისთვის“. დუდას მმართველობის პერიოდში პარლამენტმა  მიიღო სასამართლო რეფორმები, რის გარშემოც ევროკავშირი ფიქრობს, რომ ისინი დემოკრატიულ კონტროლს ძის უთხრიან. Europe Elects-ი მიერ ჩატარებული გამოკითხვების საფუძველზე მოელიან, რომ დუდა 41 პროცენტს მიიმხრობს, რაც ნაკლებია იმ შედეგზე,  რომელიც გამარჯვებისთვის და მეორე ტურის თავიდან აცილებისთვის იქნებოდა საკმარისი. ტრჟასკოვსკის, რომელიც ოპოზიციური,  მემარჯვენე-ცენტრისტული პარტიის წარმომადგენელია, ამავე გამოკითხვებით, 30 პროცენტი უჭერს მხარს.  ვერცერთმა სხვა კანდიდატმა ვერ მიიმხრო 11 პროცენტზე მეტი. საარჩევნო უბნები 21 საათზე დაიხურება ევროპის დროით. მოელიან, რომ წინასწარი შედეგები მალევე გამოქვეყნდეს. https://www.radiotavisupleba.ge/a/30695143.html #ახალი_ამბები #twitter