დღეს, 13 ივნისს 5 წელი გავიდა 2015 წლის 13 ივნისის ტრაგედიიდან. თბილისში წყალდიდობას 23 ადამიანის სიცოცხლე ემსხვერპლა და უამრავი ოჯახი დააზარალა. დაღუპულებს შორის იყვნენ ზუგდიდელი მარიამ ქუთელია და ხობის მუნიციპალიტეტის სოფელ გურიფულის მცხოვრებლები დები, ინდირა და ლიზა ზარანდიები.

მარიამ ქუთელია მეგობარ გოგონასთან, ივლიტა ჯიბუტთან და მის მეუღლესთან ერთად იმყოფებოდა. გავრცელებული ინფორმაციით, მდინარის ადიდების დროს მარიამი ივლიტასა და მის მეუღლესთან ერთად სახლის სახურავზე ავიდა, თუმცა მოვარდნილმა ნიაღვარმა სამივე გაიტაცა.

მარიამის გარადაცვალებას თავზარდაცემული მეგობრები სოცალური ქსელით ასე ეხმაურებოდნენ : ,,4-ჯერ პრეზიდენტის სტიპენდიანტი. წარჩინებით დაამთავრა უნივერსიტეტი და მაგისტრატურა ISET-ში და ეს უკანასკელი, რომ უფასოდ დაემთავრებინა, რეიტინგში ყოველ თვე ტოპ-ათეულში იყო. დაამთავრა წელს... უჭკვიანესი, უნატიფესი და ულამაზესი ჩემი მარი! აგვისტოში ჩეხეთში უშვებდნენ ტრენინგებზე! ჩემი მარი! არ არსებობს უშენობა, მარი!" "მარი, ჩემო ღუღუნა, ჩემო გვირილა, ახლა ჩემთვის გაასაგები გახდა რატომ გხიბლავდა რიცხვი 13 და ყოველთვის ცდილობდი ამ რიცხვის დადებითი მხარე გეჩვენებინა ჩემთვის, რატომ გიყვარდა მოთხრობა "ცასწავალა"... ჩემო კეთილო და ჩემო თბილო გოგო... ძალიან მძიმეა ეს ყველაფერი და არაფერს არ აქვს აზრი..." "მზე ისევ გაათბობს თბილისს და აღარ იწვიმებს "ცა მეტს", მე რა დამავიწყებს ივნისს, მე რა დამავიწყებს ცამეტს!" #ტრაგედია #13ივნისი #ზუგდიდი #ხობი #სტიქია #წყალდიდობა #zugdididaily