ქუთაისში კოვიდინფიცირებულ ქალს სასწრაფო საკეისრო კვეთით გოგონა შეეძინა

“კლინიკა ბომონდი”-ს კოვიდცენტრში წარმატებით დასრულდა მორიგი საკეისრო კვეთა. კოვიდცენტრის მეან-გინეკოლოგებმა სასწრაფო საკეისრო კვეთა 39 კვირის ორსულს ჩაუტარეს. პაციენტი ქუთაისის მკვიდრია და ის კლინიკაში დადასტურებული კოვიდ 19-ით, ორმხრივი პნევმონიით მკურნალობს. “საკეისრო კვეთის შედეგად მდედრობითი სქესის ახალშობილი მოევლინა ქვეყანას. დედაც და ახალშობილიც თავს კარგად გრძნობენ. იმ პერიოდში, რაც კოვიდცენტრი არსებობს, საკეისრო კვეთით თუ ფიზიოლოგიური მშობიარობის გზით 30-ზე მეტი ახალშობილი დაიბადა და სასიხარულოა, რომ ყველა შემთხვევა კარგად დასრულდა,”-ამბობს კოვიდცენტრის მეან-გინეკოლოგი თეონა ლორთქიფანიძე. ამ დროისთვის კოვიდცენტრში მკურნალობის კურსს 28 ორსული და მელოგინე გადის. კლინიკის სამეანო განყოფილებაში იმყოფება 5 ახალშობილი. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. #ახალიამბები #კორონავირუსი #kutaisidaily megatv