Խաբարովսկում ցույցեր «Կեցցե՛ Բելառուսը» կարգախոսով

Խաբարովսկում տեղի են ունեցել հակապուտինյան ցույցեր, որոնց ընթացքում հազարավոր մարդիկ վանկարկել են «Կեցցե՛ Բելառուսը» կարգախոսը: Խաբարովսկում բողոքի ակցիաները սկսվել են ավելի քան մեկ ամիս առաջ՝ այն բանից հետո, երբ իրավապահները ձերբակալել և դատական պատասխանատվության ենթարկելու նպատակով Մոսկվա են ուղարկել պատվիրված սպանությունների մեջ կասկածվող Խաբարովսկի երկրամասի արդեն նախկին նահանգապետ Սերգեյ Ֆուրգալին: Վերջինս հերքում է մեղադրանքը: Խաբարովսկի իշխանությունները պնդում են, որ «ցույցերի մասնակիցների թիվը վերջին շրջանում էապես նվազել է», սակայն քաղաքից ստացվող տեսագրությունները վկայում են, որ «Կեցցե՛ Բելառուսը» կարգախոսի տակ տեղի ունեցած ցույցին մասնակցել է առնվազն մի քանի հազար մարդ: https://www.azatutyun.am/a/30785446.html #Լուրեր