პანკისში, შორტების ტარების გამო მამა-შვილზე მოძალადეებს ბრალი წარედგინათ

პროკურატურამ პანკისში დისკრიმინაციის მოტივით ჩადენილი, ჯანმრთელობის განზრახ ნაკლებად მძიმე დაზიანების და წინასწარი შეცნობით არასრულწლოვნის მიმართ  ჯგუფურად  ცემისთვის სამ პირს,  ი.ფ-ს, ა.ბ-ს და  ა.ი-ს ბრალდება წარუდგინა. შინაგან საქმეთა სამინისტროს გამოძიებით დადგინდა, რომ  2020 წლის 8 აგვისტოს,  ახმეტის რაიონის სოფელ ყვარელწყალში, ი.ფ. ფიზიკურად გაუსწორდა შორტებში ჩაცმულ ნ.წ-ს. ცემის მოტივი ის იყო, რომ ნ.წ-ს ჩაცმულობა მის ადათ-წესებს ეწინააღმდეგებოდა. ბრალდებულებმა ამავე მიზეზით ჯგუფურად სცემეს ნ.წ-ს არასრულწლოვან  შვილს გ.წ.-საც. აღნიშნულის შედეგად მამა-შვილმა - სხეულის სხვადასხვა სახის დაზიანებები მიიღეს. ნ.წ.-ს სხივის ძვალი აქვს მოტეხილი. შინაგან საქმეთა სამინისტროში გამოძიება სისხლის სამართლის კოდექსის 126-ე მუხლის პირველი პრიმა ნაწილის ,,ბ“ ქვეპუნქტით 9 აგვისტოს დაიწყო. ი.ფ.-ს ბრალი ჯანმრთელობის განზრახ ნაკლებად მძიმე დაზიანების და წინასწარი შეცნობით არასრულწლოვნის მიმართ, ჩადენილი ჯგუფურად ცემისთვის, საქართველოს სისხლის სამართლის კოდექსის  53'-126  მუხლის 1-ლი პრიმა ნაწილის ,,ა’’ და ,,ბ“ ქვეპუნქტებით  და 53'-118  მუხლის 1-ლი ნაწილით წარედგინა. ხოლო ა.ბ-ს და ა.ი-ს 22 აგვისტოს წარედგინათ ბრალდება წინასწარი შეცნობით არასრულწლოვნის მიმართ ჩადენილი ჯგუფური ცემისთვის, საქართველოს სისხლის სამართლის კოდექსის სსკ-ის  53' -126  მუხლის 1-ლი პრიმა ნაწილის  „ა“ და „ ბ „  ქვეპუნქტებით დღეს, პროკურატურამ ბრალდებულების მიმართ აღკვეთის ღონისძიების სახით პატიმრობის გამოყენების თაობაზე თელავის რაიონულ სასამართლოს შუამდგომლობით უკვე მიმართა. https://www.radiotavisupleba.ge/a/30797303.html #ახალი_ამბები #twitter