რკინიგზის და საქალაქთაშორისო ტრანსპორტის აღდგენის თარიღი ისევ უცნობია

საზოგადოებრივი ტრანსპორტის ამუშავების მიუხედავად კვლავ უცნობია, როდის დაიწყებს მოძრაობას საქალაქთაშორისო ტრანსპორტი, მათ შორის რკინიგზა. ამის შესახებ ინფორმაცია ვიცე-პრემიერმა, მაია ცქიტიშვილმა მთავრობის სხდომის შემდეგ განაცხადა. ცქიტიშვილის თქმით, ახლა, როცა საზოგადოებრივი ტრანსპორტზე შეზღუდვა მოიხსნება, დააკვირდებიან, როგორ აისახება ეს ეპიდსიტუაციაზე და გადაწყვეტილებას შესაბამისად მიიღებენ. საქართველოში საზოგადოებრივი ტრანსპორტის მოძრაობაზე შეზღუდვა 8 თებერვლიდან იხსნება. შეზღუდვა კვლავ გაგრძელდება შაბათ-კვირაზე. ამავდროულად, 21:00 საათიდან 05:00 საათამდე ქუჩაში გასვლა ისევ აკრძალული იქნება. https://www.radiotavisupleba.ge/a/31085588.html #ახალი_ამბები #twitter #covid19_-_ახალი_ამბები