აშშ მზადყოფნას გამოთქვამს, ლიბანს დახმარება აღმოუჩინოს

ამერიკის შეერთებული შტატების პრეზიდენტის ადმინისტრაცია და სახელმწიფო დეპარტამენტი ლიბანში აფეთქებას აქტიურად აკვირდება და მზადყოფნას გამოთქვამს, ლიბანს დახმარება აღმოუჩინოს. აშშ-ის სახელმწიფო დეპარტამენტში აცხადებენ, რომ აქტიურ კონტაქტზე არიან ადგილობრივი მთავრობის წარმომადგენლებთან და არკვევენ, აფეთქების შედეგად დაშავებულებს შორის არიან თუ არა ამერიკის მოქალაქეები. ბოლო მონაცემებით, ლიბანში აფეთქების შედეგად გარდაცვლილთა რიცხვი 78-მდე გაიზარდა, დაშავებულია 4 000-ზე მეტი ადამიანი. ინფორმაციას გამოცემა „გარდიანი“ ლიბანის ჯანდაცვის სამინისტროზე დაყრდნობით ავრცელებს. „ბევრი ადამიანი ამ დრომდე დაკარგულად ითვლება. ასობით ადამიანი მოდის და სამაშველო ჯგუფებს მათი ახლობლების შესახებ ეკითხება, ღამით სამძებრო სამუშაოები გაძნელდა, რადგან არ არის ელექტროენერგია. ჩვენ რეალური კატასტროფის წინაშე ვართ და დრო გვჭირდება ზარალის შესაფასებლად“, – განაცხადა ლიბანის ჯანდაცვის მინისტრმა, ჰამად ჰასანიმ. ლიბანის დედაქალაქ ბეირუთის პორტთან აფეთქება 4 აგვისტოს მოხდა.