„ყველაფერს გადავურჩი, რადგან გადარჩენის მტკიცე განწყობა მქონდა“

აშშ-ში, ნიუ-ჯერსის შტატში 108 წლის ქალი კორონავირუსისგან გამოჯანმრთელდა. ამის შესახებ ინფორმაციას ტელეკომპანია CNN-ი ავრცელებს. სილვია გოლდშოლი ნიუ-ჯერსის შტატში, ქალაქ ალენდალის მოხუცებულთა სახლში ცხოვრობს. მას კორონავირუსით ინფიცირება გასულ თვეს დაუდგინდა. აღნიშნულ ფაქტს შტატის გუბერნატორი, ფილ მიორფიც გამოეხმაურა. „საოცარი ცხოვრება, საოცარი სულისკვეთება და სიძლიერის საოცარი გამოვლინება“, - დაწერა გუბერნატორმა Twitter-ზე. აღსანიშნავია, რომ სილვია გოლდშოლი 7 წლის იყო, როდესაც 1918 წელს ე.წ. „ისპანკა“ გავრცელდა, რომელსაც მსოფლიოს მასშტაბით 50 მილიონზე მეტი ადამიანი ემსხვერპლა. „ყველაფერს გადავურჩი, რადგან გადარჩენის მტკიცე განწყობა მქონდა“, - განაცხადა სილვია გოლდშოლმა. წყარო: https://edition.cnn.com/2020/05/14/us/108-year-old-woman-recovers-coronavirus-trnd/index.html