აჭარაში კორონავირუსის 166, იმერეთში 55, თბილისში 41 შემთხვევა გამოვლინდა

კორონავირუსის 296 დადასტურებული შემთხვევიდან, 166 შემთხვევა აჭარაში, 55 იმერეთში, 41 თბილისში, სამეგრელო ზემო სვანეთში კი 18 შემთხვევა გამოვლინდა. გურიაში კორონავირუსი 9 პაციენტს დაუდასტურდა, ქვემო ქართლში 3-ს. რაც შეეხება სამცხე-ჯავახეთსა და კახეთს, იქ კორონავირუსის თითო-თითო შემთხვევა დადასტურდა. თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის ინფორმაციით, ყველა ინფიცირების წყარო ცნობილია. მისივე თქმით, 19-მდე გაიზარდა კრიტიკული პაციენტების რაოდენობა. მათგან 17 მართვით სუნთქვაზე იმყოფება. 26 სექტემბრის მონაცემებით, ვირუსისგან 60 ადამიანი გამოჯანმრთელდა და მათი რაოდენობა 1819 - მდე გაიზარდა. კარანტინის რეჟიმში იმყოფება 5584 მოქალაქე, სტაციონარში მეთვალყურეობის ქვეშ - 836, კოვიდ სასტუმროში მყოფი პირების რაოდენობა კი 781-ს შეადგენს. ქვეყანაში კორონავირუსით 27 ადამიანი გარდაიცვალა. ამასთან, უცხოეთიდან სამკურნალოდ გადმოყვანილია საქართველოს 41 მოქალაქე. https://www.radiotavisupleba.ge/a/30859023.html #ახალი_ამბები #twitter #კორონავირუსი_(covid-19)