დღეს ''ლანჩხუთი'' ჩემპიონთა ლიგაზე შვედურ "როსენგარდს" დაუპირისპირდება

ქალთა საფეხბურთო კლუბი 'ლანჩხუთი' ჩემპიონთა ლიგის ძირითადი ბადის დღეს პირველ შეხვედრას გამართავს. 'ლანჩხუთის'მეტოქე შვედური 'როსენგარდი'იქნება. მატჩი მიხეილ მესხის სათადარიგო მოედანზე 14:00 საათზე დაიწყება. შეხვედრას ესტონელ მსაჯთა ბრიგადა მოემსახურება. ამ გუნდებს შორის განმეორებითი მატჩი უკვე შვედეთში 16 დეკემბერს გაიმართება. შეგახსენებთ, რომ 'ლანჩხუთმა'პირველ საკვალიფიკაციო ეტაპზე გასვლით შეხვედრაში დამატებით დროში 2-1 ყაზახური 'ოკჟეტეპსი'დაამარცხა ,ხოლო შემდეგ ისევ გასვლაზე რუმინულ ‘’ოლიმპია კლუჟს’’ 1-0 მოუგო და ჩემპიონთა ლიგის ძირითად ბადეში ასპარეზობის უფლება მოიპოვა. გულშემატკივარს შეხვედრის პირდაპირი რეპორტაჟის ნახვა კლუბის ოფიცალურ'ფეისბუქ' გვერდზე შეეძლება.