სამხრეთ აფრიკის რესპუბლიკაში ციხიდან 70-მდე პატიმარი გაიქცა
Tbilisi Daily
სამხრეთ აფრიკის რესპუბლიკაში, ქალაქ მალმსბერიში მდებარე ციხიდან 69 პატიმარი გაიქცა, - ამის შესახებ BBC წერს.
61 გაქცეული საკნებში უკვე დააბრუნეს, 8-ის ძებნა ამ დრომდე გრძელდება.
არსებული ინფორმაციით, რამდენიმე პატიმარმა ციხის სამი ზედამხედველი საკანში გამოკეტა და დანარჩენ პატიმრებს საკნები გაუღო.
სამართალდამცველები მოსახლეობას აფრთხილებენ, საკუთარი ძალებით არ სცადონ გაქცეული პატიმრების დაკავება.
ერთ-ერთმა ადგილობრივმა, რომელიც ციხის მიმდებარედ, ავტომობილში იყო, გაქცეულ პატიმრებს ვიდეო გადაუღო.