საერთაშორისო საარჩევნო სადამკვირვებლო მისიის მიერ განხორციელებულმა მედია მონიტორინგის შედეგებმა აჩვენა, რომაჭარის ტელევიზიამ მთავარ საარჩევნო სუბიექტებს დაახლოებით თანაბარი დრო დაუთმო და გაშუქების ტონი ძირითადად ნეიტრალური იყო.
'აჭარის ტელევიზია ძირითადად ადგილობრივ ახალ ამბებზე იყო კონცენტრირებული და წინასაარჩევნო კამპანიას ნაკლებად აშუქებდა, საზოგადოებრივი მაუწყებლის აჭარის ტელევიზიით ადგილობრივი მთავრობის გაშუქებას 18 პროცენტი დაეთმო. მაშინ როცა ორივე საზოგადოებრივმა ტელევიზიამ საქართველოს საზოგადოებრივმა მაუწყებელმა და საზოგადოებრივი მაუწყებლის აჭარის ტელევიზიამ მთავარ საარჩევნო სუბიექტებს დაახლოებით თანაბარი დრო დაუთმეს, გაშუქების ტონი ძირითადად ნეიტრალური იყო, მთავრობის საქმიანობა ფართოდ გაშუქდა.
საკუთარი ინიციატივით საქართველოს საზოგადოებრივმა მაუწყებელმა და საზოგადოებრივი მაუწყებლის აჭარის ტელევიზიამ არჩევნებში მონაწილე ყველა პარტიისთვის თუ ბლოკისთვის შესაბამისად ხუთი და ექვსი წუთის ოდენობის უფასო საეთერო დროის გამოყოფა გადაწყვიტეს, ამისთვის აღნიშნულმა არხებმა პარტიებთან და ბლოკებთან ინტერვიუები მოამზადეს და თავიანთ მთავარ საინფორმაციო პროგრამებში გაუშვეს'-წერია ეუთო ოდირისდასკვნაში.
ეუთოს დემოკრატიული ინსტიტუტებისა და ადამიანის უფლებების ოფისის შეზღუდული საარჩევნო სადამკვირვებლო მისიის მიერ განხორციელებული მედია მონიტორინგის შედეგებმა აჩვენა, რომ მონიტორინგს დაქვემდებარებული ყველა კერძო მაუწყებელი შესამჩნევად მიკერძოებული იყო.