შსს განცხადებას აქვეყნებს ავტომაგისტრალზე მომხდარი ავარიის შესახებ

შსს გორში მომხდარ ავტოავარიას გამოეხმაურა. გამოძიება დაიწყო ავტოავარიის ფაქტზე, რომელსაც ხუთი ადამიანის სიცოცხლე ემსხვერპლა. შსს-ს პირველადი ინფორმაციით, საგზაო სატრანსპორტო შემთხვევის შედეგად, 11-მა ადამიანმა სხვადასხვა ხარისხის სხეულის დაზიანება მიიღო. „2020 წლის 30 ოქტომბერს, თბილისი-სენაკი-ლესელიძის საავტომობილო გზის 77-ე კილომეტრზე, დასავლეთის მიმართულებით, თურქული სანომრე ნიშნებით მოძრავი სატვირთო ავტომანქანა „დაფი“ სამგზავრო მიკროავტობუსს შეეჯახა. პირველადი ინფორმაციით, აღნიშნული საგზაო სატრანსპორტო შემთხვევის შედეგად, ადგილზე გარდაიცვალა მიკროავტობუსის 5 მგზავრი, ხოლო 11 ადამიანმა სხვადასხვა ხარისხის სხეულის დაზიანება მიიღო. ავტოსაგზაო შემთხვევასთან დაკავშირებით გამოძიება საქართველოს სისხლის სამართლის კოდექსის 276-ე მუხლის მე-8 ნაწილით მიმდინარეობს.“ _________________ თქვენ ამ სტატიას კითხულობთ პლატფორმა Feedc -ზე.Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. #ახალიამბები #შსს #zugdididaily #გორი #ზუგდიდი #ავარია