მთავრობა 95 ქვეყნის მოქალაქეს საქართველოდან დისტანციურ მუშაობას სთავაზობს

საქართველოს მთავრობა 95 ქვეყნის მოქალაქეს საქართველოდან მინიმუმ 180 დღის განმავლობაში დისტანციურ მუშაობას სთავაზობს. ამის შესახებ მთავრობის სხდომის დაწყებამდე საქართველოს პრემიერ-მინისტრმა, გიორგი გახარიამ განაცხადა. "გლობალური პანდემიის პირობებში სულ უფრო მეტი გლობალური კომპანიები გადადიან დისტანციურ მუშაობაზე, როცა, ფაქტობრივად, გეოგრაფიულ მდგომარეობას მნიშვნელობა არ აქვს, რომ განახორციელოს თავისი უფლება-მოვალეობები", - განაცხადა გახარიამ. მას არ დაუკონკრეტებია, რა პირობებით ჩამოვლენ 95 ქვეყნის მოქალაქეები საქართველოში, მოუწევთ თუ არა მათ კარანტინის გავლა, თუ საკმარისი იქნება PCR ტესტების ჩატარება. განაცხადის ფორმა სამთავრობო ვებგვერდზე stopCoV.ge-ზეა ხელმისაწვდომი. https://www.radiotavisupleba.ge/a/30805218.html #ახალი_ამბები #twitter #კორონავირუსი_(covid-19)