მსოფლიოში კორონავირუსით უკვე დაინფიცირდა 55 მილიონზე მეტი ადამიანი

ჰოპკინსის უნივერსიტეტის მონაცემებით, მსოფლიოში 55 მილიონს გადააჭარბა კორონავირუსით ინფიცირებულთა რაოდენობამ. მათგან უკვე გამოჯანმრთელებულია 35 მილიონზე მეტი. COVID-19-ით გარდაცვლილია 1 300 000-ზე მეტი ადამიანი. კორონავირუსული ინფექციის გავრცელების მასშტაბით პირველ ადგილზეა აშშ, სადაც ინფიცირებულთა რიცხვი 11 203 000-ს უახლოვდება, გარდაცვლილთა რაოდენობა კი 247 200-ს აჭარბებს. მეორე ადგილზე ინდოეთია, სადაც უკვე 8 მილიონზე მეტი ადამიანი დაინფიცირდა. ბრაზილიაში 5 მილიონზე მეტი. საფრანგეთში ინფიცირებულთა რიცხვი 2 მილიონს აჭარბებს. ორ მილიონამდე შემთხვევაა აღრიცხული რუსეთში. კორონავირუსით ინფიცირებულთა რაოდენობა მილიონს აჭარბებს ესპანეთში, დიდ ბრიტანეთში, არგენტინაში, იტალიაში, კოლუმბიასა და მექსიკაში. https://www.radiotavisupleba.ge/a/30954192.html #ახალი_ამბები #twitter #კორონავირუსი_(covid-19)