კორონავირუსით გარდაიცვალა ზურაბ ჯავახაძე

84 წლის ასაკში, კორონავირუსით გარდაიცვალა ქართული სპორტის მკვლევარი, ქუთაისის საპატიო მოქალაქე ზურაბ ჯავახაძე. ზურაბ ჯავახაძე გახლდათ სპორტულ თემაზე შექმნილი 40-მდე წიგნის ავტორი. მათ შორის არის წიგნები ქართული სპორტის და ოლიმპიური მოძრაობის ისტორიაზე, სახელოვან ოლიმპიელებზე, გამოჩენილ სპორტსმენებზე და მწვრთნელებზე, სპორტის ცალკეულ სახეობებზე. მის შემოქმედებაში განსაკუთრებული ადგილი უკავია იმერეთის სპორტულ ცხოვრებას - ამ თემას ეძღვნება ჟურნალისტური ნარკვევები თუ გამოკვლევები, საინტერესო საგაზეთო პუბლიკაციები, წიგნებში თავმოყრილი სპორტულ ასპარეზობათა ქრონიკები. ზურაბ ჯავახაძეს კორონავირუსი რამდენიმე დღის წინ დაუდგინდა და ქუთაისის ინფექციურ კლინიკაში მკურნალობდა. თანმდევი დაავადებების გამო ექიმებმა მისი გადარჩენა ვერ შეძლეს. 5 დეკემბრის მონაცემებით, საქართველოში კორონავირუსის 5450 ახალი შემთხვევიდან 931 - იმერეთში დაფიქსირდა. ქვეყნის მასშტაბით, ბოლო 24 საათში გარდაიცვლილთა რაოდენობამ 39-ით მოიმატა და 1462-ს მიაღწია.     https://www.radiotavisupleba.ge/a/30985220.html #ახალი_ამბები #twitter