აჭარაში შემზღუდველი ღონისძიებები ძალაში რჩება
Pirveliradio Ge
აჭარაში შემზღუდველი ღონისძიებები გარკვეული პერიოდის განმავლობაში ძალაში რჩება, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ მთავრობის საკოორდინაციო საბჭოს სდომის შემდეგ განაცხადა.
„მიუხედავად იმისა, რომ აჭარაში სტაბილიზაციის პროცესი მიმდინარეობს, მაინც არ ჩაითვალა საჭიროდ ამ ეტაპზე შემზღუდველი ღონისძიებების მოხსნა. ჯერ კიდევ რამდენიმე ხნის განმავლობაში, ვიდრე გარკვეულად ერთი ინკუბაციური პერიოდი მაინც არ გავა, არ არის რეკომენდირებული ამ შემზზღუდველი ღონისძიებეის შემსუბუქება, ანუ მოხსნა. იცით, რომ შიდა ტრანსპორტი არ მოძრაობს, სწავლა დისტანციურია, რესტორნები ათი საათის შემდეგ იკეთება და ა.შ. ვიდრე გარკვეულ ნიშნულზე არ ჩამოვა სტაბილიზაცია, არ გვექნება სტაბილურად რამდენიმე დღის განმავლობაში, სულ მცირე ერთი კვირა მაინც შემთხვევების შედარებით მცირე რაოდენობა, მანამდე არ არის რეკომენდირებული შემზღუდველი ღონსძიებების მოხსნა“, – განაცხადა გამყრელიძემ.