ჩვენ მოგვიწევს კორონავირუსთან კოჰაბიტაცია - ცერცვაძე

http://pirveliradio.ge/?newsid=142133 ჩვენ მოგვიწევს ამ ვირუსთან კოჰაბიტაცია, – ამის შესახებ ინფექციური საავადმყოფოს დირექტორმა, თენგიზ ცერცვაძემ საქართველოს პირველი არხის გადაცემაში „მოამბე“ განაცხადა. „ამ გამონათქვამს, რომ ვირუსი ერთ დღეში არსად წავა და ხალხმა ვირუსთან ერთად ცხოვრება უნდა ისწავლოს, ადამიანები სხვადასხვანაირად იგებენ. მე მინდა, ჩემეული გაგება, ჩემეული ვერსია შემოგთავაზოთ, რომ მოგვიწევს ამ კოვიდის გამომწვევ ვირუსთან ერთად თანაცხოვრება და თანაარსებობა. ვიხმარ პოლიტიკურად პოპულარულ ტერმინს, კოჰაბიტაციას და ვიტყვი, რომ ჩვენ მოგვიწევს ამ ვირუსთან კოჰაბიტაცია. ეს იმას ნიშნავს, რომ ყველა ერთმანეთის გვერდით უნდა დავდგეთ, ყველამ ჩავჭიდოთ ხელები და რადაც არ უნდა დაგვიჯდეს, მივაღწიოთ იმას, რომ ეპიდემიას აღმავალი მიმართულება არ ჰქონდეს, შევზღუდოთ ეპიდემია და შევაჩეროთ იმ დონეზე, რა დონეზეც ახლა გვაქვს, ან კიდევ უფრო დაბალ დონეზე“, – განაცხადა ცერცვაძემ.